Daniel 4:8 - ŊWÀʼ NYÙY

⁸ Fo bàm, Daniel nèn wìy, wun wo vé‑eè shuùn yír yímóʼó ji Belteshasar, kù mo yír nyùy womé dzəə̀n, a dzə̀ wír wo wù yú kinyo fo kiyoy ke anyùy ve á dzəə̀n aránéné. Wù dù, e wìy, m wáa naarì njèm yem shó, a suúy jii,

Daniel 4:8 Referans Kwoze

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Daniel 4:18

«Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Daniel 4:9

‹Éè Belteshasar, wò woo kilìmbìy ke vé sii, m kì ji à kér kiyoy ke anyùy ve á dzəə̀n aránén, a bó yòʼ dzə̀ kilìtì ke kinyò ki ghàʼ wò. Njèm‑eè shì mo. Ku tòʼtí nsàv vinyò ve mò‑oò yenen ví, e fò e mò.›

Daniel 2:11

Kinyo ke á dzə́r fo ntoʼ ji á yii kin ki ghàʼ á feyì, a bó yòʼ dzə̀ wìr yù á fó yiì. A kù dzə̀ á fìʼtì anyùy e wun, yii bèy, a bó anyùyi yòʼ dzə̀ á e wìr msǒŋ mvəm.»

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Aysaya 63:11

Á bèy, wír veé Israyi nèn kuùmé ghán sé mbìy si, ghán se Nyùy Tàr‑iì yii vinyo aáwuné mvəm, shaa fo Mooser. Áwune nén a ghay jii, «Ŋgaà wo wù‑uù tòʼòn dzə́ə é rìbà ndzə̀v, e tùmér vilìmbìy veé Isray sho bèé? Wìr wo wù‑uù tsənsin Kiyoy kfə́ ke Ranén kí, kí wáa dzə e wír veé Israyí mvəm bèé lèn?

Aysaya 46:1

Nyùy Tàr suuy jii: «Ké nyùy woo Bel wùn Nebo ki kù mày ne bèn. Á lì ne aŋkùvtu vév, e kùr e vimbèʼbìy ví ndzə̀m, a dù sho. Á lì ne mebvə̀m mèn, a rəʼə́y nyám sho, a sí dór ne, a làv làvìn,

Kèʼlo 41:38

Wù gháy wùn à və́ vé lìme jii, «A dzə̀ vèsən kfə̀n yèn a dzə̀ la e shaà və̀n woo wír, wo kiyoy ke Nyùy ki dzəə̀n wùn wun?»

Daniel 2:26

Fòn nèn dzə̀r e Daniel wo yír yímóʼó‑oò dzəə̀n ji Belteshasar jii, «A kù yòʼ dzə̀ rú, à yù fóo naàrì kinyo ke mò‑oo yenen é njèm, e tòʼtí e mò mo nsàv dzəə̀n á?»

Daniel 3:14

Fòn dzə́r aáwune jii, «Shadrak, Meshak, à Abednego, kù yòʼ dzə̀ rú ji vèn tèn fóo ghvəm anyùy vém, e tèn fóo ghvəm shibvə̀m she mò‑oò tuuyin á?

Esiker 17:23

M yíi bìy e Gwan Isray, é tám si teʼ shó, e fə̀ʼ, a ker ŋgoòy, a dzə ji kintìŋ ke kici ké sidar ke wiy kí. Menə́n mè wíy a bàʼrì láʼ sho kfəə́ e dzə̀m, a beè e kindzə̀ə́ndzəm ke tam si.