Daniel 4:7 - ŊWÀʼ NYÙY

⁷ Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.

Daniel 4:7 Referans Kwoze

Aysaya 44:25

Kù dzə̀ mo wo m lo, m bvə̀ə́r vinyo ve vé fùú suuy ji ví yíi a koóy. Bvəərì, m yiì, vé fù víne wàa sənín viyúŋ. Kù dzə̀ mo wo m bvəər vinyo ve wìr ve á yén ji á fìír, din ji vifií vév ví dzə̀ á kiyúŋsì.

Daniel 2:7

Áwune nèn kfə̀n bùn fon jii, «Nyàr, á ku fèr a njèm ye yì kì shiin wun, áàkwàn vəə́ tóʼtí, e fò á e wun.»

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Daniel 2:10

Vé si vìne bùn fon, e bìnèr sho jii, «Nyàr, bó wìr yòʼ dzə̀ shó a e kitu ke nsay wo dzə̀ wù yiì kinyo ke fòn suuy kìn. Bó fòn wùmòʼ, kìn taà saʼ wùmòʼ yòʼ‑oò ghàn ne dzə̀r á kfə́ə kinyò kee ben e ŋgaà fù, kìn e ŋgaà ŋgàŋ, kìn e ŋgaà si, a fə̀m dzə̀ taà saʼ, a wù táv é le.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Kèʼlo 41:24

Vitú ve saŋ vee saàmbà ve laakín viy vi nèn yiì, ve runkín vee saàmbà vìy vi láy mo á mèy kifá bèy. M nen fèr e vé fù ve á yii tóʼti njème, la wìr yòʼ a dzə wóo toʼtí njèm, e fo mo nsàv.»

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Daniel 4:18

«Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 5:8

Á bèy, vé si vìne dù wìy e fòn si, nsáŋtí və̀y gháʼ fo á yoŋ, e tòʼtí nsàv.

Nsùyrì Nyùy 37:35

Mò‑oò yèn mo wìr wo wù méŋ Nyùy kóʼninè, tíy tiyín e wìr dzə̀m kitu moo kicí kee *sidar keé Lebanon.

Esiker 31:3

Kuúmé kinyo ke kí‑iì kooyin Assiriya ki. Assiriya‑aà dzə̀ ji kicí ké sidar aàgwan veé Lebanon, kér tám si, a sí rə́ŋsín, e bòŋ, a fo kindzə̀ə́ndzəm. Yì‑iì dzə̀ kicí, a kí dár é ŋàŋ, to rəə́ wáa dzə e mvə̀m mbàʼ.