Daniel 4:5 - ŊWÀʼ NYÙY

⁵ Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Daniel 4:5 Referans Kwoze

Daniel 2:1

Fòn Nebukadnessar‑iì sàʼ vifon, kí lòo meé ji viyá vibaà, njèm si shí wun, shilív sə́ shí wáa buʼ, mbuùné sí káŋ fo wun si.

Daniel 7:28

«Á kinyo kidzə̀m ke mò‑oò yenen é njà kinjeenjèm. Mò‑oò yèn, wúné beémé mo, m bínkír a fər moo shiŋgíy. Yii bèy, kí ku gòʼ, e yùm e mǒ wùn, la m yòʼ fèr e wìr.»

Daniel 5:10

Yaà yeèfòn nèn yù mo fòn wùn aàtǎr laʼa súŋnin, a jì nanènè, wù líy, e shèm é ŋgày ye vé‑eè yí ŋkàʼ shó, e bùn fon jii, «Nyàr, fòn kù wíy a ban a moo shúy, e dù, e jòʼsì. Lá vifií vé tàr wor ví yòʼ à bvəə̀rí, é tàr wor wáa rəə́y.

Kèʼlo 41:1

Viyá vi shaà vibaà mo Farao‑oò siìrìn nshìylav fàáy ye yì‑iì leey fo bóme e wun kirə̀ʼ ké lìm, njèm shí fon ji wù kì tíy a e shùu ndzəv ye kuʼùné ye dzəə̀n Naay.

Daniel 2:3

Fòn nèn sùúy aáwune jii, «Njèm shì ne mo, shilív shí wáa buʼ mo búʼún ji m ku kìíy a nsàv.»

Daniel 4:10

«Kù mo mò‑oò loòn ji m bóŋ shimbuùné, vinjeenjèm vi wíy e mǒ si, m yén kicí, a kí tíy e ntìntìn wòŋ, a kí dár é ŋàŋ.

Daniel 4:13

«Kù mo m néŋ fo, buúne, vinjeenjèm vi kú a shaà e mǒ si, m yén nshìylav Nyùy, a yì sə́y fo yuv. Nshìylav, a dzə̀ yee ŋgaà ŋkiy, a yì dzə̀ e ránén.

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Daniel 7:1

Wáa dzə e kiya ke mbìy ke Belshasar‑iì sáʼ ji fon woó Babilon, Daniel neém e wun kikun, e lòo buuné, njèm shí wun, kilìtì ke kinyò ki wíy e wun si e njà kinjeenjèm. Á bèy, vitú ve vinyò ve Daniel‑iì saŋen, e naàrì kùm njèm rə̀n vi víne.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 4:15

Yii bèy, vèn ku màʼtì kinyè ké kici wùn à gháŋ sí. Á ku kùr, e səə̀nè e kisha kee kisha ki, e səə̀nè e kee *brons ki, é kí goʼ, a tiy e nsay. Vèn maʼti, é kí kú a tiy e mvə̀m viŋgà bey. Ŋwéʼe kú a gbù e ŋgaàŋ wùn, é wúné wáa rə̀, é wùn à nyám si wáa dzə, a yi a dzə̀ viŋgà veé kwaʼ.

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.