Daniel 4:4 - ŊWÀʼ NYÙY

⁴ «Mo woo Nebukadnessar‑iì néŋ e mǒ ntoʼ ji dèʼ, a vinyo vém ví gháné.

Daniel 4:4 Referans Kwoze

Tsəfaniya 1:12

M wíy sə̀ʼtì vikaʼày é ghan see shooy, e kàʼày Jerusalem sho. M wíy màʼ ŋgeʼ e wír ve á yí a dzə̀ vitú véví, yí bèy, suuy fo áwuné bvəm jii, ‹Nyùy Tàr yòʼ kér kinyo kée yiì e vèr, kìn ke juŋ ki, kìn ke bi kí.›

Esiker 29:3

Súŋnín, e sùúy ji ke Nyùy Tàr woo Taà Ndzə suuy ki dzə̀ á jii: « ‹Farao, fon woó Ejiv, yuúrí, e yù, m dzə̀ ŋgaà wò vibàn. Wò woo kigàgǎʼsòŋ ke kí néŋ e mvə̀m nshwǎn ndzəv yee Naay, néŋ bèy, sév jii, kér mo ndzə́v yee Naay, mò‑oò fèr ji yém.

Esiker 28:17

Wò‑oò kér kiŋkoʼòrwùn é shiliv, bìʼ fo à toon sí. Wò‑oò wày vifií é bùʼ e ŋàŋ, e dù e kiyuŋ. M nèn sàn wò e nsay tèéter, aàfoné si, á wáa kiy wò.

Jeremia 48:11

Moav kù‑uù rə́si dzə́ e kiŋsìn e kèʼ fo meterí, aá yòʼ‑oò yiì ne koò áwune, e dù sho e kwaʼ vikwàn. Moav dzə̀ moo meluʼ me á tiirin ji mè bíy kitém kimòʼón, meluʼ, aá yoʼ kùvsín kitém, a mè koó mejuŋ, a kirəm kfə́ kí yoʼ kùvsín.

Aysaya 56:12

Wìr lo, wù kù a suúy e wùmòʼ jii, «Vèn wáa wìy, é vèsən du, e m taʼ meluʼ, aá nó. Vèsən ku nò meluʼ me tavkín mè, e tònén, é buù kpú. Vèsən nónín, é kibvəə́shí kí bvəə́shí, a dzə kijuŋ feyì moo kishiíy ké lán ki.»

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Daniel 2:11

Kinyo ke á dzə́r fo ntoʼ ji á yii kin ki ghàʼ á feyì, a bó yòʼ dzə̀ wìr yù á fó yiì. A kù dzə̀ á fìʼtì anyùy e wun, yii bèy, a bó anyùyi yòʼ dzə̀ á e wìr msǒŋ mvəm.»

Daniel 5:8

Á bèy, vé si vìne dù wìy e fòn si, nsáŋtí və̀y gháʼ fo á yoŋ, e tòʼtí nsàv.