Daniel 4:34 - ŊWÀʼ NYÙY

³⁴ «Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

Daniel 4:34 Referans Kwoze

Ŋgaà Yen 4:10

Ví lóo yòv, kfə́m sé wìr vee nshòv sikweè e mbaà siy si wàa wìy, a gbù e ŋgaà wo wù dzə́ e kàvàʼ və̀y si, a ghvəm wun wo wù kù dzəə̀n shó ghán sidzə̀m, là may. Á lóo yiì bèy, á wàa shoʼ antáráʼ vév, a neèr e shùu kàvàʼ, a kwa jii:

Daniel 12:7

Nshìylav ye yì‑iì màʼàn ndzə̀y ye baán, a tiy e mbìv kùy ndzə̀v nèn nàn wó rə́ yee baà, a kìʼ yúv shó. M yú, a yì yí kilìʼ, kan wun wo wù dzəə̀n shó, e wìy dù, e jòʼsì, yoŋ jii, «Wíy a dzə e bǎm viya vitaár e kimbéʼ ki, a sì ghán sin se á maysì, e ghaʼ wír Nyùy, é nə̀ʼsì və̀n nèn mày.»

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Jeremia 10:10

Yii bèy, dzə̀ wò Nyùy Tàr, Nyùy wo ru. Dzə̀ wò Nyùy wo tin, a vifon vé ví wíy shaàrì. Aà shwìíy kilòŋ, kitú ke nsay ki sə̀ʼsì, dòʼshwíiy wò kóʼ, la vitúm vi yòʼ tìím.

Nsùyrì Nyùy 145:13

Vifon vé vi dzə̀ vifon, a bó yòʼ dzə̀ ví mày, a sáʼ yée kù wíy a tiy fo e ŋgwàʼ sí ŋgwàʼ si, là may. Nyùy Tàr kù yii tíy e wun jì, a vinyo ve wù yii vidzə̀m vi kù din mo wù dzəə̀n e juŋ.

Daniel 6:26

Sáʼ ye m fóo dzə̀ jii, «A wìr dzə̀ feé e mǒ wòŋ, bo wù kù kér fó a yunín, a ghvəm Nyùy wo Daniel ghvə́mé. «Dzə̀ wun Nyùy wo wù gòʼòn kàŋ mòʼón, a wù kù dzə̀ ji wun, e dù, e jòʼsì. Vifon və́ ví dzə̀ ve bó yòʼ dzə̀ kifá ki laàr, a sáʼ rəə́ kù wíy a tiy fo, e dù, e jòʼsì.

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Ŋwàʼ Luk 1:33

é wù sáʼ wír ve á ràmèn fo Jakov adzə̀m, e dù, e jòʼsì. A bó sáʼ rəə́ yòʼ wíy mày.»

Daniel 5:21

Vé‑eè jùm wun fo wìr msǒŋ mvəm, shilív shí bìnkìr fo fo, a dzə a ji shé nyàm kwaʼ, wù wáa dzə a dzə̀ á wùn à vimbèʼbìy veé kwaʼ vi. Wù‑uù dzə́ a fo bèy, kfə́r a dzə̀ á viŋgà moo mbòŋ, a ŋwéʼe gbu a e wùn wó. Kí ku nèn a koóy bèy, e meé mo wù‑uù binsin á ji kù sáʼ a Taà Vitu kitúm ke wìr msòŋ kidzə̀m, a kù dzə̀ á wun wo dzə̀ wù fò á e wìr wo wù shoʼon ji wù wáa saʼ.

Daniel 4:26

Kù mo nshìylav Nyùy‑iì foon sáʼ ji á ku màʼtì kinyè ké kici wùn à gháŋ sí é nsay, bo dzə̀ á ji á kù dzəə́ wìy siìr a sáʼ rə́ fo. Fòn wíy binsí ji sáʼ a Nyùy woó yuv kitú ke nsay, aá nèn siìr a fo.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Mayka 4:7

M wíy lèm antèŋ vee kibér ke wíri, aá gwar kitúm ke sən kí, é wír ve vé‑eè jùmèn viné wìy a dzə kitúm ke kuʼùn kí, é mo woo Nyùy Tàr nèn a saʼ áwune fó Gwan Sion, e kèʼ fo lèn, e dù, e jòʼsì.»

Daniel 4:3

«Vinyo ve ví din vitaáví və́ ví shoò é ŋàŋ, a viŋgaʼnìn ve vinyò ve wù yii vi dzə̀ viwiíwíy. Kù dzə̀ wun fon ghán sidzə̀m, e dù, e jòʼsì, a sáʼ rəə́ kù wíy a tiy fo, mo ŋgwàʼ wíy a koʼ, a fo ghay e yìmòʼ.

Yòvdìy 3:38

Kí a dzə̀ kù yòŋ wun woo Taà Vitu, é bo vijuŋ, kìn ŋgeʼ wáa dzə.

Aysaya 24:15

Kí nén a dzə jii, ven veé mbìv yee fo shùy yii tó, vèn wáa koʼór yír Nyùy Tàrí. Ven ve á dzə́ e ŋguùŋè rìbà ndzə̀v, vèn wáa kwa yír Nyùy Tàrí, wun woo Nyùy wìr veé Isray.

Nsùyrì Nyùy 146:10

Wír veé Sion, Nyùy Tàr wíy a saʼ vifon ghán sidzə̀m. Wun woo Nyùy won kù wíy a saʼ e ŋgwàʼ sí ŋgwàʼ si. Á wáa burí Nyùy Tàr.

Nsùyrì Nyùy 123:1

M kù nan sí yém é mvə̀m bùnrì, leey a dzə̀ wò, wò wo à sáʼ vifon e yuv.

Nsùyrì Nyùy 121:1

M nan sí, leey agwan, gháy jii, ŋgaà sə wom yíi lò a dzə̀ fó feé?

Nsùyrì Nyùy 107:31

Áwune kú a beèrì Nyùy Tàr bìʼ koŋ ye wù‑uù kér fo wír vəə́, a beèrì wun bìʼ viŋgaʼnìn ve lìm ve wù‑uù yiìn aáwune.

Nsùyrì Nyùy 102:24

Éè Nyùy wom, wò wo à dzə́ sho, e dù, e jòʼsì, lá à yòʼ lì dzəʼə̀m yém, a m dzə̀ə́ ntìntìn wìr.

Nsùyrì Nyùy 92:1

Kí dzə̀ kijuŋ fó a beèrì Nyùy Tàr. Kí bòŋ feyì ji á wáa yòv, a wùʼsì yír yé, Nyùy, wò woo Taà Vitu,

Nsùyrì Nyùy 10:16

Rúrú, Nyùy Tàr dzə̀ fon viyá viyá là may. Wír ve á ghvə́m anyùy kisaŋe kù wíy lò fo wun nsay.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Joon 5:26

A kí dzə̀ bey, bìʼ fo Nyùy Tàr wo kù yii wun, bo wíri wáa lùŋ, foon ne sa vitaáví vee shooy e Wan və.

Ŋwàʼ Luk 18:13

Wìr wo wù‑uù báʼti mbàm se bàràʼ və̀y ku tìím kfə́ a dzə̀ fó bàm, e jòór kitú, e wày wóm, a lon jii, ‹Éè Nyùy, ku rə̀r mendzən mem mè, mo woo ŋgaà vinyò ve bi ví.›

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Nsùyrì Nyùy 107:22

Áwune wáa yiì cu yée beèrì wun sho, a yòv luŋ se kisheʼrì, a fìʼtì lim sə́ shó.

Nsùyrì Nyùy 107:15

Áwune kú a beèrì Nyùy Tàr bìʼ koŋ ye wù kér fo wíri, a beèrì wun bìʼ viŋgaʼnìn ve lìm ve wù‑uù yiìn aáwune.

Nsùyrì Nyùy 107:8

Áwune kú a beèrì Nyùy Tàr bìʼ koŋ ye wù kér fo wíri, a beèrì wun bìʼ viŋgaʼnìn ve lìm ve wù‑uù yiìn aáwune.

Nsùyrì Nyùy 50:14

Vèn kú a seerí nyám se cù si, a beèrì Nyùy sho. Vèn yii ri vinyo ve vèn‑eè kàʼàn Taà Vitu sho.

Nsùyrì Nyùy 9:2

Éè Taà Vitu, m yíi a sheʼrí, a seŋ, a sàvnìn, a yòv, a burí yír yé, bìʼ vinyo ve ghaʼtín ve à yii.

Nsùyrì Nyùy 7:17

M yíi a beèrì Nyùy Tàr, bìʼ fo wù yii yii kinyo kfə́ tìítiy, a m yíi a yòv, a burí yír Nyùy Tàr woo Taà Vitu.

Ŋwàʼ Jov 1:21

«Mò‑oò fəə́ fo yè wór bvə̀m, a m yòʼ kér kifá, a m wíy lòo kpu, e làa yòʼ lì kifá. Nyùy Tàr fò ne kifá kidzə̀m e mò, e kfə̀n sə̀. Búríi wáa dzə fo Nyùy Tàr.»

Ŋgaà Yen 10:6

a lìʼ, a kàn Nyùy wo wù gòʼòn kàŋ mòʼón, a dzə sho ghán sidzə̀m. Dzə̀ wun wo wù bomen yúv, e bòm nsay, e kfə̀n fə̀ə́r ndzə́v, e bòm vifá ve ví dzəə̀n é virə̀ʼ fóo fèn vidzə̀m. Wù wáa lìʼ, a suúy jii, Nyùy yòʼ waà dzəə́ yìi siʼsíʼ.

Ŋgaà Yen 4:9

Vifá ve ví ŋeʼ vìy vi kú a rəsí, a yòv bèy, a sùyrì ŋgaà wo wù dzə́ e kàvàʼ fèy, a koʼór yír rə́, a beèrì wun wo wù kù dzəə̀n shó ghán sidzə̀m, là may.

Daniel 4:2

«M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Daniel 4:36

«Kú a dzə e ghan se vifií vém ví kfənen é bàm sin, Nyùy ku nèn siìr vikuʼùy wùn à vijuŋ vém ví fó ji m kfə́n, a saʼ vifon vém e viwìr vi. Vé ntir wùn à vé saʼ vémé táʼ mo, e wìy, vèr áwune béynín, á siír mo é kàvàʼ, m kfə́n a saʼ vifon. Viwìr vém ví kfən kùʼ, e shaà mo ví‑iì dzəə̀n fó mbìy.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 7:27

Á bèy, á wíy fo vitaáví vé saʼ e wír Nyùy woo Taà Vituu, aá sə́ sáʼ yeé kitu ke nsay kidzə̀m, à vikuʼùy və́ ví. A vifon ve Nyùy woo Taà Vitu vi kù wíy a tiy fo, e dù, e jòʼsì, aàfon adzə̀me wíy a lìm fo wun, a yunín wun.

Jona 1:14

Áwune nèn lò, a toŋ e Nyùy Tàr jii, «Éè Nyùy Tàr, lá à yòʼ kìv njò yer ji vèr yùyrí wír là kinyo, e laàr ver bìʼ wír və̀n. Éè Nyùy Tàr, kinyo kìn ki ku ghèén, a dzə̀ mo wayin wò ji kí wáa dzə.»

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

2 Samuel 22:31

«Nyùy wor və̀n dzə̀, a wù yii vinyo vidzə̀m tìítiy. Ŋkàʼme Nyùy Tàr kù yii tíy fo. Nyùy Tàr dzə̀ ŋkeè wìr dzə̀m wo wù tiir wun fo mbìy.

1 Wòŋ 29:10

Fòn Davir nèn lò, e tìím e màŋgòŋ wo wù‑uù baʼtín si, a burí Nyùy Tàr, a suúy jii, «Éè Nyùy Tàr woo Nyùy Isray woo tàr à atàr vér, á kú a burí wò, e wìy dù, e mày.

1 Wòŋ 29:13

Nyùy wor, vèr beerì wò lèn, kfə̀n búri yír yé ye kuʼùné.

Nsùyrì Nyùy 66:7

Wù sáʼ ndzə e vitaáví və́ ví, a bó sáʼ rəə́ yòʼ wíy mày. Sí rəə́ kù tíy e vitúm ví wùn, kíy áwune. Wír ve á méŋ Nyùyi wáa yen. Á wáa yen fó a tsəy kóy wùn à Nyùy.

Nsùyrì Nyùy 111:7

Vinyo ve wù yii vidzə̀m vi kù dzə̀ ve ru ví, là kiloʼ, a ntò sə́ sé yeʼéy si dzə̀ see jwáʼ.

Aysaya 2:11

Wù wiy, e sèn wír wo wù li kitú kfə́ ji Nyùybomkpù, e dìn kisáŋ ke vé kiŋkoʼòrwùné adzə̀m. Á bèy, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy.

Aysaya 13:11

Nyùy Tàr suuy jii, «M wíy màʼ ŋgeʼ e kitu ke nsay, bìʼ liì kisaŋ wo wíri yii, e lovtí e wír ve á méŋ moó bìʼ vinyo ve á rə́si buʼtì. M wíy səʼə́r kóy wìr ve á yén ji wìr wùmòʼ yòʼ kfə̀n dzə̀ moo áwune, e sə̀r wír ve á guynìn, aá yòʼ fó shiŋkfəŋ e wìr.

Daniel 9:14

Bìʼ bey Nyùy Tàr, à shwèʼtí ne, e kìíy ghán sée màʼ ŋgeʼ e věr kitu. Aà kù yiì bèy, bìʼ fo à dzəə̀n Nyùy, aà yii yii vinyo réŋ, fə̀m mo bó vèr yoʼ yuùrí jí yè.