Daniel 4:3 - ŊWÀʼ NYÙY

³ «Vinyo ve ví din vitaáví və́ ví shoò é ŋàŋ, a viŋgaʼnìn ve vinyò ve wù yii vi dzə̀ viwiíwíy. Kù dzə̀ wun fon ghán sidzə̀m, e dù, e jòʼsì, a sáʼ rəə́ kù wíy a tiy fo, mo ŋgwàʼ wíy a koʼ, a fo ghay e yìmòʼ.

Daniel 4:3 Referans Kwoze

Nsùyrì Nyùy 145:13

Vifon vé vi dzə̀ vifon, a bó yòʼ dzə̀ ví mày, a sáʼ yée kù wíy a tiy fo e ŋgwàʼ sí ŋgwàʼ si, là may. Nyùy Tàr kù yii tíy e wun jì, a vinyo ve wù yii vidzə̀m vi kù din mo wù dzəə̀n e juŋ.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Aysaya 25:1

Éè Nyùy Tàr, à dzə̀ Nyùy wom, a m yíi a wùʼsì wò, a koʼór yír yé, bìʼ fo à yiìn ne viŋgaʼnìn ve vinyò. Vinyo, a dzə̀ ve wò‑oò sìysìn ne, e kèʼ fo yàŋgùʼ, e kù nèn yiì kíwun réŋréŋ mo wò‑oò suuyin.

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Hibru 1:8

Fo ké Wan və kí, wù suúy jii: «À dzə̀ Nyùy, a sáʼ yée kù wíy a tiy fo, e dù, e jòʼsì. À wíy a saʼ vifon vé kijuŋ feyì là kiloʼ.

1 Timoti 1:17

Á kú a kwa Nyùy wo dzəə̀n Fon wo wù sáʼ ghán sidzə̀m, Nyùy, wo bó yòʼ dzə̀ wù kpù, a bó yòʼ dzə̀ wìr yèn sí rə́. Kù jòʼsì wun wo dzəə̀n rú Nyùy. Á kú a wùʼsì yír rə́ viyá viyá là may. Amen.

Daniel 7:27

Á bèy, á wíy fo vitaáví vé saʼ e wír Nyùy woo Taà Vituu, aá sə́ sáʼ yeé kitu ke nsay kidzə̀m, à vikuʼùy və́ ví. A vifon ve Nyùy woo Taà Vitu vi kù wíy a tiy fo, e dù, e jòʼsì, aàfon adzə̀me wíy a lìm fo wun, a yunín wun.

1 Pita 4:11

A Nyùy bùʼ wír, wù kiíy mo dzə̀ wù fìʼtì kinyo, ŋgaàŋ wàa fìʼtì a dzə̀ kinyo ke kí lo fo Nyùy. A wo wìr woo mbùʼmé dzə̀ ji wù wáa sə wíri, ŋgaàŋ kù bàʼtí vitaáví ve Nyùy foon e wun vee shooy vidzə̀m, a sə wíri shó kijuŋ. Vèn ku nèn a yiì vinyo vidzə̀m bèy, ji wíri fíʼ a burí Nyùy bìʼ Jesus Kristu wo wù bánri ven, é bo á wáa yiì. Vèsən wáa burí wun, a koʼór yír rə́, é sáʼ rəə́ wáa dù fo mbìy viyá viyá, là may. Amen.

Hibru 2:4

A Nyùy‑iì lo dìn sa ji vinyo ve áwune fiʼtì vìn vi dzə̀ á rú, bìʼ fo vé‑eè lóo fìʼtì, wù wàa yiì, á wàa yiì viŋgaʼnìn ve vinyò ve dzə̀ ví dìn vitaáví və́, wíri wàa yen, a ker gháʼ. Wù kfən yiì, Kiyoy ke Ranén kí bùʼ wír və́, á wáa yiì vinyo e dzə́ə sí dzə́ə sí, mo wù bùʼùn ŋgaàŋ.

Jeremia 10:10

Yii bèy, dzə̀ wò Nyùy Tàr, Nyùy wo ru. Dzə̀ wò Nyùy wo tin, a vifon vé ví wíy shaàrì. Aà shwìíy kilòŋ, kitú ke nsay ki sə̀ʼsì, dòʼshwíiy wò kóʼ, la vitúm vi yòʼ tìím.

Nsùyrì Nyùy 105:27

Áwune dìn visəəm vé vitaaví vé Nyùy e wír veé Ejiví mvəm, a yiì viŋgaʼnìn ve vinyò e nsay Ham.

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Aysaya 28:29

Yéʼéy ye m fó e vèn rə́ne lò a dzə̀ fo Nyùy Tàr woo Taà Mànjòŋ. Wù dzə̀ ŋgaà ntir wo wù fiirin, e shaà aŋgàa ntir adzə̀m. Vifií və́ ví shoò é ŋàŋ.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Nsùyrì Nyùy 104:24

Rúrú, Nyùy Tàr, lim yée kùʼ e ŋàŋén. Wò‑oò bòm vifá vidzə̀m, a dzə̀ mo vifií vé vi dzəə̀n vishoón. Kitú ke nsay ki kù rún e vifá ve wò‑oò bomen ví.

Nsùyrì Nyùy 92:5

Rúrú, Nyùy Tàr, lim sé si dzə̀ sigháʼtín, a kwaʼtì yée shoò é ŋàŋ.

Nsùyrì Nyùy 86:10

À dzə̀ e wíy, kfə̀n yii viŋgaʼnìn ve vinyò. Kù jòʼsì wò wo à dzəə̀n Nyùy.

Nsùyrì Nyùy 77:19

Tuúmé yée wáa dzə a dzə̀ é rìbà ndzə̀v fo ŋkiʼ dzəə̀n, a kiwuú ké ke dzəə kí tóʼnin a dzə̀ ndzə́v ye wiyí, a bó yòʼ‑oò dzə̀ wìr yèn kitooshì ké.

Nsùyrì Nyùy 72:18

Búríi wáa dzə fo Nyùy Tàr woo Nyùy wìr veé Isray. Jòʼsì wun wo wù yii viŋgaʼnìn ve vinyò.

Nsùyrì Nyùy 66:7

Wù sáʼ ndzə e vitaáví və́ ví, a bó sáʼ rəə́ yòʼ wíy mày. Sí rəə́ kù tíy e vitúm ví wùn, kíy áwune. Wír ve á méŋ Nyùyi wáa yen. Á wáa yen fó a tsəy kóy wùn à Nyùy.

Ŋwàʼ Jov 25:2

«Sáʼa dzə̀ yé Nyùy, a dzə̀ á kù a fàn wun fánen. Wù neèr ne sáʼ rə́ é ntoò yùv, e yiì, vifá vidzə̀m vi wáa lèm nyaáŋ.

Remrí 4:34

Mo nyùy wùmòʼ dzə̀ sá sho wo wù‑uù duùn ne, e fə̀ə́r kitúm fo kímóʼ kí mvəm, e lì ji kfə́ mo Nyùy Tàr woo Nyùy won‑eè yiìn é ghan se wù‑uù fəərin ven fó Ejiv a? Wù‑uù yiì viŋgaʼnìn ve vinyò, e bóo fəə́r ven fó fo e vitaáví və́ ve ghaʼán ví. Wù‑uù sùm woŋ e ŋgeʼ si, e yiì vinyo ve ví din vitaáví və́, e màʼ rə́r, e kfə̀n yiì, vimbeemè ve vinyò vi koóy, a vèn kù yén e sí yéné.

Ŋwàʼ woó Rom 11:33

Vèn ku yèn búʼú mo Nyùy koŋ wíri, rə́r mendzən mev é ŋàŋ. Vifií və́ ví dzə̀ vigháʼán, a wù kì vinyo vidzə̀m. A bó yòʼ dzə̀ wìr kìíy mo wù lo, wù kwàŋ kinyo kfə́, a bó yòʼ dzə̀ wír wù kìíy sá mo wù yii vinyo ve wù yii.

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.