Daniel 4:26 - ŊWÀʼ NYÙY

²⁶ Kù mo nshìylav Nyùy‑iì foon sáʼ ji á ku màʼtì kinyè ké kici wùn à gháŋ sí é nsay, bo dzə̀ á ji á kù dzəə́ wìy siìr a sáʼ rə́ fo. Fòn wíy binsí ji sáʼ a Nyùy woó yuv kitú ke nsay, aá nèn siìr a fo.

Daniel 4:26 Referans Kwoze

Daniel 4:15

Yii bèy, vèn ku màʼtì kinyè ké kici wùn à gháŋ sí. Á ku kùr, e səə̀nè e kisha kee kisha ki, e səə̀nè e kee *brons ki, é kí goʼ, a tiy e nsay. Vèn maʼti, é kí kú a tiy e mvə̀m viŋgà bey. Ŋwéʼe kú a gbù e ŋgaàŋ wùn, é wúné wáa rə̀, é wùn à nyám si wáa dzə, a yi a dzə̀ viŋgà veé kwaʼ.

Ŋwàʼ Luk 15:21

Wàn nèn a suúy jii, ‹Tàr, mò‑oò jày ne, e yiì kinyo ke bi kí e Nyùy, e kfə̀n yiì fo wò. A bó m yoʼ dzəə ghèén lèn ji à wáa yòŋ mo ji wan wò.›

Ŋwàʼ Luk 15:18

Mo‑óò wáa dù, e yèn tàr wor, e sùúy sho jii, tàr, mò‑oò jày ne, e yiì kinyo ke bi kí e Nyùy, e kfə̀n yiì sa e wò,

Matio 21:20

Wón və́ lìme yén, a ker gháʼ, a ghay jii, kí sà ghàn é le, bo kicí kin ki ku nèn yùm cér bèn a?

Matio 5:34

M nén a dùŋrì kém e vèn jii, lá wìr yòʼ a kàʼ kinyo kfə́, a kàn yír Nyùy gheéy. A wù kan yúv, bo wù kan a dzə̀ Nyùy, bìʼ fo yúví dzəə̀n kàvàʼ Nyùy.

Daniel 4:23

«Tàr wor kfən yèn nshìy lav Nyùy, a yì sə́y fo yuv, nshìylav ye yì‑iì dzəə̀n ŋgaà ŋkiy, a yì dzə̀ e ránén. Yì‑iì sə́y, fúŋ kitávín, yoŋ ji á baʼ á kicí kiy, e laàr. Yii bèy, á maʼti á kinyè wùn à gháŋé. Á ku kùr á kinyè, e səə̀nè e kisha kee kisha ki, e səə̀nè e kee brons ki, e màʼtì, é kí kú a tiy e mvə̀m viŋgà bey. Ŋwéʼe kú a gbù e ŋgaàŋ wùn, é wúné wáa rə̀, é wùn à nyám se kwaʼ si wáa yi a dzə̀ viŋgà veé kwaʼ, e kù wìy a yi bèy kiyá saàmbà.

Daniel 2:37

Nyàr, á dzə̀ á fon fo afone. Nyùy woó yuv fò á ne wun kitúm ji á wáa saʼ, e fò á wun vitaáví wùn à vikuʼùy ví.

Daniel 2:18

a boòrì áwune bóorin ji á kú a lon a dzə̀ á Nyùy woó yuv ji wù shám áwune, e tòʼ á kilìtì ke kinyò kìn aáwune, fo kí koóy ji á li áwune, e tàtí wùn à vé si veé Babilone, e yùyrí.

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

Daniel 4:31

Kù mo fòn dzəə́ súŋninè, Nyùy súŋnín fó yuv, a suúy sho jii, «Fòn Nebukadnessar, yuúrí kinyo ke m sìysìn kùm wò ki. M sə̀ ne sáʼ vifòn fo wò.

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Daniel 5:20

Yii bèy, kiŋkoʼòrwùn kí nèn lò, e sùm wun, wù wáa tav kitú, a kùm a kiŋkùm, yii kinyo ji wìr woo moo wun sà dzə̀ la á. Bìʼ bey, Nyùy sén wun fo kàvàʼ, e sə̀ vikuʼùy ve wù‑uù sí kérí.

Daniel 5:21

Vé‑eè jùm wun fo wìr msǒŋ mvəm, shilív shí bìnkìr fo fo, a dzə a ji shé nyàm kwaʼ, wù wáa dzə a dzə̀ á wùn à vimbèʼbìy veé kwaʼ vi. Wù‑uù dzə́ a fo bèy, kfə́r a dzə̀ á viŋgà moo mbòŋ, a ŋwéʼe gbu a e wùn wó. Kí ku nèn a koóy bèy, e meé mo wù‑uù binsin á ji kù sáʼ a Taà Vitu kitúm ke wìr msòŋ kidzə̀m, a kù dzə̀ á wun wo dzə̀ wù fò á e wìr wo wù shoʼon ji wù wáa saʼ.