Daniel 4:25 - ŊWÀʼ NYÙY

²⁵ Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Daniel 4:25 Referans Kwoze

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Jeremia 27:5

‹Kù dzə̀ mo wo mò‑oò bomen kitú ke nsay e vitaáví vém ve wiy ví, mo və̀n, wo m dzəə̀n e gháʼán, e bòm wir dzə̀m, à nyám se sí dzəə̀n shó si. A dzə̀ kù kìíy mo wír wo m fó sho.

Nsùyrì Nyùy 83:18

Yìi, aáwune kiíy ji kù jòʼsì wò Nyùy Tàr, a kiíy ji kù dzə̀ wò Taà Vitu wo wù sáʼ kitú ke nsay.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Nsùyrì Nyùy 106:20

Á shaá Nyùy woo Ŋgaà Vitaàví Vidzə̀m, e nèn a cù a dzə̀ shibvə̀m shee nàʼ. Nàʼ, a dzə̀ kifá, a kí yii yí a dzə̀ vikwiíy.

Nsùyrì Nyùy 75:7

Kù mày Nyùy wo wù yii tínen nsaʼ, baʼ wír ámóʼó é nsay, nan ámóʼó é yuv.

Nsùyrì Nyùy 103:19

Nyùy Tàr tùúy ne kàvàʼ və é yuv, a wìr dzə̀m dzə̀ e wun sar saʼ.

Daniel 2:37

Nyàr, á dzə̀ á fon fo afone. Nyùy woó yuv fò á ne wun kitúm ji á wáa saʼ, e fò á wun vitaáví wùn à vikuʼùy ví.

Daniel 2:47

Fòn suúy e Daniel jii, «Rúrú, Nyùy wò shaà anyùy adzə̀m. Dzə̀ wun Tàr wo wù sáʼ afon adzə̀m, a sar wun kinyo keé kilìtì kidzə̀m. M kìíy bìʼ fo à sàrìn kilìtì kém ké kinyò.»

Daniel 4:2

«M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Daniel 4:16

Á ku kùvsín vifií və́ fo vé wìr vi, é ví kfə́n e vé nyàm kwaʼ vi, e kù gòʼ bèy, e bǎm kiya saàmbà.