Daniel 4:22 - ŊWÀʼ NYÙY

²² Éè bvərə̀ʼ, kicí ke vé‑ee yenen é njèm kìn ki dzə̀ á wun woo fon. Dzə̀ á wun mo sáʼ rəə́ kuyin, a ker vitaáví é ŋàŋ. Vikuʼùy və́ ví kóʼ, e dù mèé e yuv. Woŋ wo fòn sáʼáa kúʼ ben, e dù mèé a fo nsay jòʼsìn.

Daniel 4:22 Referans Kwoze

2 Samuel 12:7

Natan nèn sùúy e Davir jii, «Dzə̀ wò wír wo wù mùmèn kinyo kìn. Nyùy Tàr woo Nyùy wìr veé Isray suuy jii, ‹Mò‑oò yòʼ wò ji fon wìr veé Isray, e bòyìr wò fo Saul wo,

Ŋgaà Yen 18:5

Vèn wáa kiíy ji wù yiì ne vinyo, e tònén, Nyùy yú fó yuv, a wù sí yìi màʼ ŋgeʼ sho lèn.

Matio 14:4

Joon wáa shaʼnín jii, nsər yoʼ biìmé a ji wù wáa ker wiiy fər və.

Nsùyrì Nyùy 108:4

Koŋ yé ye à koŋ wír vée kùʼ feyì. Yí kùʼ feyì, a bó mfìʼ yòʼ dzə̀, aà kù yii tíy vèn áwune, e dù, e jòʼsì.

Nsùyrì Nyùy 36:5

Nyùy Tàr, koŋ ye à koŋ wír vée dzə̀ là mfìʼ, aà kù tíy vèn áwune e dù, e jòʼsì.

2 Wòŋ 28:9

Ŋgaà ntum Nyùy Tàr wùmòʼ‑oò dzə̀ é mvə̀mlaʼ yee Samaria, a yír rəə́ dzə̀ Oded. Wù‑uù fəə̀, e dù yèn vé rərí, aá sí nəə e mvə̀mlaʼ, e sùúy aáwune jii, «Nyùy Tàr woo Nyùy atàr vén‑eè shwìíy kilòŋ wùn à wír veé Judàa, e wày áwune e věn kiwo. Vèn nèn lò kén, e yùyrí áwune, e shaàsìn, Nyùy Tàr yú é yuv.

Kèʼlo 28:12

Njèm nèn shì wun, wù yén, a kiráŋ ki ló fó nsay, e kòʼ, e tàŋ yúv, a nsheèlav se Nyùy si kóʼ, kfə̀n sə́y e ntuŋ se kiraŋ fèy.

Kèʼlo 11:4

Áwune nèn kfə̀n sùúy jii, «Vèsən báʼtí, e bòm ŋkàlaʼ yèsən wùn à kirùmèn ki, é kí dar, e kòʼ, e mèé e ntoò yùv, é wíri fiʼ kìíy vèsən ji antav. Vèsən yii bèy, é la vèsən yòʼ dzəə tàʼrí e kitu ke nsay.»

Esiker 17:3

Yòŋ ji ke Nyùy Tàr woo Taà Ndzə suuy ki dzə̀ á jii, ‹Kintìŋ ké lùŋ wo wiy kímóʼ kí‑iì lò, a kí kér fəə ye juŋe nshòm si jeéy jeéy, a vav si sáŋrí wún, e fàŋkìr, kí féŋ, e wìy aàgwan veé Lebanon, e bèʼ kitú ke kici ké *sidar.

Daniel 4:11

Kicí kin ki‑iì dàr, e tàv é ŋàŋ, e dàr, e kòʼ kùm yúv. A wìr‑iì tìím feé, a fə̀m dzə̀ é ndzəywoŋ, wù kù yèn.

Daniel 4:21

Vav sə́ sí‑iì səə́ne bèn ji lìŋ, a báŋ si koóm shó sinín, a kí kér viyíkìr ve a yì‑iì dzə̀ ví yìír wir dzə̀m, a nyám se kwaʼ si kù‑uù bee shúy a dzə̀ é sar wo, a menə́n mè kù baʼrì a dzə̀ é tam si wó.

Daniel 4:36

«Kú a dzə e ghan se vifií vém ví kfənen é bàm sin, Nyùy ku nèn siìr vikuʼùy wùn à vijuŋ vém ví fó ji m kfə́n, a saʼ vifon vém e viwìr vi. Vé ntir wùn à vé saʼ vémé táʼ mo, e wìy, vèr áwune béynín, á siír mo é kàvàʼ, m kfə́n a saʼ vifon. Viwìr vém ví kfən kùʼ, e shaà mo ví‑iì dzəə̀n fó mbìy.

Jeremia 27:5

‹Kù dzə̀ mo wo mò‑oò bomen kitú ke nsay e vitaáví vém ve wiy ví, mo və̀n, wo m dzəə̀n e gháʼán, e bòm wir dzə̀m, à nyám se sí dzəə̀n shó si. A dzə̀ kù kìíy mo wír wo m fó sho.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Daniel 4:29

Kiyá ki lòo kum, fòn kóʼ, a ghan e wun kitu ke ntoʼ ye vé‑eè bomen, e laàrì kikfə́v láarin.