Daniel 4:21 - ŊWÀʼ NYÙY

²¹ Vav sə́ sí‑iì səə́ne bèn ji lìŋ, a báŋ si koóm shó sinín, a kí kér viyíkìr ve a yì‑iì dzə̀ ví yìír wir dzə̀m, a nyám se kwaʼ si kù‑uù bee shúy a dzə̀ é sar wo, a menə́n mè kù baʼrì a dzə̀ é tam si wó.

Daniel 4:21 Referans Kwoze

Esiker 31:6

Menə́n meé kòv medzə̀m mè bàʼrì e wun tam si, nyám se kwaʼ sidzə̀m si dzəə́kír e wun sar, vitúm vidzə̀m vi wáa beè e wun kindzə̀ə́ndzəm.

Daniel 2:38

A wìr fə̀m‑eè soò feé, nyàm kwaʼ soó feé, e bóo lì menə́n me mè féŋ e yuv, bo Nyùy kù wày á ne vifá vìn vidzə̀m a dzə̀ e wun kiwo, e lèm a wun ji taà saʼ, á wáa saʼ a vifá vìn vidzə̀m. Kitú ke kibámmbó ke kí‑iì dzəə̀n é njèm, aá fér a dzə̀ e kisha ke mbàm ke baar kí, fèn dzə̀ á wun.

Daniel 4:11

Kicí kin ki‑iì dàr, e tàv é ŋàŋ, e dàr, e kòʼ kùm yúv. A wìr‑iì tìím feé, a fə̀m dzə̀ é ndzəywoŋ, wù kù yèn.

Daniel 4:20

Kicí ke fòn yenen kí‑iì dzə̀, a kí tàv é ŋàŋ, e dàr, e kòʼ, e kùm a yúv. Wìr fə́m tiim fèé, a fə̀m dzə̀ é ndzəywoŋ, wù kù wàa yèn, e kìíy.

Daniel 4:22

Éè bvərə̀ʼ, kicí ke vé‑ee yenen é njèm kìn ki dzə̀ á wun woo fon. Dzə̀ á wun mo sáʼ rəə́ kuyin, a ker vitaáví é ŋàŋ. Vikuʼùy və́ ví kóʼ, e dù mèé e yuv. Woŋ wo fòn sáʼáa kúʼ ben, e dù mèé a fo nsay jòʼsìn.

Nsùyrì Nyùy 104:17

Menə́n mè lo, mè wàa bàʼrì láʼ sév shó, a vilìmbìy ve ŋguùmé ví baʼrì láʼ sév é vici vé *dzəʼə̀y.

Esiker 17:23

M yíi bìy e Gwan Isray, é tám si teʼ shó, e fə̀ʼ, a ker ŋgoòy, a dzə ji kintìŋ ke kici ké sidar ke wiy kí. Menə́n mè wíy a bàʼrì láʼ sho kfəə́ e dzə̀m, a beè e kindzə̀ə́ndzəm ke tam si.

Ŋwàʼ Luk 13:19

Yí dzə̀ moo ŋgoòy shishùr shímóʼ shí she wìr‑iì liìn, e màʼ e wùn sum. Yì fəə́, tíŋe kúy, e rə̀ŋsìn, a dzə lèn ji kicí, menə́n mè wáa bàʼrì sho.»