Daniel 4:2 - ŊWÀʼ NYÙY

² «M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Daniel 4:2 Referans Kwoze

Daniel 3:26

Fòn Nebukadnessar nèn bìʼtí e shuù wo wú nəə e kimbiirìn ke və̀y fey, e fuùŋé kitávín jii, «Shadrak, Meshak, Abednego, ven vee aŋgàa lim Nyùy woo Taà Vitu, vèn fəə́kír, e wìy fèn. Áwune vee ataári ku nèn fəə̀kír fo mvə̀m və̀y fey.»

Nsùyrì Nyùy 66:16

Ven ve á ghvə́m Nyùyi wiy adzə̀m, e yù. M yíi a fìʼtì kinyo ke wù yiìn e mò e vèn.

Nsùyrì Nyùy 71:18

Éè Nyùy, lèn mo m dzə̀nèn ne, kitú ki fə́r, lá à yòʼ màʼày mo máʼayin. Kú a dzə wòsò, é m wáa fìʼtì vinyo vé ve ghaʼtín ví, a fìʼtì e ŋgwàʼ se sí wiy fo bàm sí.

Nsùyrì Nyùy 51:14

Éè Nyùy, wò woo ŋgaà lùŋèr wom, sù njò yem yee bìʼ kinjuyrìwìr, é m boy, a fuŋ yòv, a fìʼtì mo à dzəə̀n e juŋ.

Joshua 7:19

Joshua nèn yòŋ sho jii, «Wan wòm, suúy suuyrú lèn fèn e Nyùy Tàr woo Nyùy wìr veé Isray si, e kà kitú ké ki. Yòŋ e mò kinyo ke à yiìn kí. Lá à yòʼ a mùm fóo lìtì fo mò.»

Joon 4:48

Jesus suúy shó jii, «Vèn dzə̀ ben, a bó yòʼ dzə̀ vèn wày shilív e mǒ wùn, a bó á yén ji m yiì kinyo ke kí wáa dìn vitaáví vé Nyùy.»

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Daniel 4:24

«Nyàr, á yú á mo nsàv wàa dzəə̀n. Á yú á mo Nyùy woo Taà Vitu tinen á ji kí waà yíi koóy tàr wor woo fon.

Daniel 4:25

Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Daniel 4:34

«Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 6:27

Wù lo, wù fə̀ə́r wír fo kinyò, e bòyìr ŋgaàŋ, a wù din visəəm, yii viŋgaʼnìn ve vinyò e yuv wùn ǎ nsay. Dzə̀ wun wo wù fəərin Daniel fo abvərə̀ʼə́ wo.»

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Ŋwàʼ Jov 7:14

à kù a bemér mo e njèm si, a kèr tím yém e vinjeenjèm vi.

Nsùyrì Nyùy 65:9

À leey fo kitú ke nsay ki, tsə́nsi wuú. À bórir kitú ke nsay e mbòómbòŋ, yii, a ndzə́v sí rún ghán sidzə̀m. Yii wò, bo wíri wáa ker vifá ve yi e nsay, a kù dzə̀ mo à baʼtin ne bèy.

Daniel 2:1

Fòn Nebukadnessar‑iì sàʼ vifon, kí lòo meé ji viyá vibaà, njèm si shí wun, shilív sə́ shí wáa buʼ, mbuùné sí káŋ fo wun si.