Daniel 4:19 - ŊWÀʼ NYÙY

¹⁹ Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Daniel 4:19 Referans Kwoze

Daniel 8:27

Á bèy, mo woo Daniel nèn lò, a mày màyìn, e jòy feyì fo bǎm vishiíy. M jòy bèy, e ŋàʼáy, e nèn kfə̀n é bàm, a lìm vinshìylav vém é ntoʼ. Kinjeenjèm kìn ki‑iì yiì, shilív shí wáa buʼ mo búʼún, la m yòʼ kìíy nsàv rə.

Daniel 7:28

«Á kinyo kidzə̀m ke mò‑oò yenen é njà kinjeenjèm. Mò‑oò yèn, wúné beémé mo, m bínkír a fər moo shiŋgíy. Yii bèy, kí ku gòʼ, e yùm e mǒ wùn, la m yòʼ fèr e wìr.»

Daniel 4:24

«Nyàr, á yú á mo nsàv wàa dzəə̀n. Á yú á mo Nyùy woo Taà Vitu tinen á ji kí waà yíi koóy tàr wor woo fon.

Jeremia 4:19

Éè mò, nyár yémé ghàʼ ne, a yòʼ dzə̀ m kùʼtí. Nyár ye yí dzəə̀n e mǒ shiliví dzə̀ féyì. Shilív shém shí búʼ e ŋàŋ féyì. Yòʼ dzə̀ m gòʼ kisə́sə. M yú mo sóŋé súŋninè, yú, a leŋ rərí wiyì.

1 Samuel 3:17

Eli dzə́r shó jii, «Nyùy Tàr kì sùúy e wò ji ka? Lá à yòʼ lìtì fo mò. Aà lìtì kinyo fo kinyò ke Nyùy kì suuyin e wò, Nyùy kù màʼ ŋgeʼ ye tavín e wò kitu.»

Habakuk 3:10

aàgwane leey wò, yaʼà, a ndzə́ví kúŋ virə́ʼ, a ndzə́v yeé loònsayi yorkìrì, a shwéri tsə́y, kóʼor e yuv.

Daniel 7:15

Kinjeenjèm ke mò‑oò yenen kin ki‑iì kàr mo woo Daniel, e yiì, wúné wéʼ mo.

Daniel 5:12

Daniel wo fòn‑eè shuùn yír ji Belteshasar və̀n‑eè kér a vifií vee jeéy ví, a wù‑uù kì kfə́ á móo toʼtí njèm e ŋàŋ, tóʼti a, à ŋgàn si shó, kfə̀n sar a vinyo veé kilìtì. Bo dzə̀ á ji fòn ku tòóy a Daniel, wù wiyì, é wù naari á e ntoʼ mo nsàv nsáŋtí waà dzəə̀n.»

Daniel 2:26

Fòn nèn dzə̀r e Daniel wo yír yímóʼó‑oò dzəə̀n ji Belteshasar jii, «A kù yòʼ dzə̀ rú, à yù fóo naàrì kinyo ke mò‑oo yenen é njèm, e tòʼtí e mò mo nsàv dzəə̀n á?»

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Jeremia 29:7

Vèn wáa mùm ji ŋkàlaʼ yee fo m tsənsin ven wáa dzə a kijuŋ, a bùnrì ji Nyùy Tàr sə́ á áwune, bìʼ fo áwune yíi lòo dzə kijuŋ, bo vèn yíi a dzə sa kijuŋ.

1 Afòn 18:7

Obadia lòo dù, Elija sàsìn, e bvə̀y e wun si. Obadia kiíy wun, e nèn tsə̀m ndzəə́, e làʼ kitú fo nsay, e dzə̀r jii, «Dzə̀ wò Elija woo taàtá wom a?»

1 Samuel 26:15

Davir bìnèr jii, «Abner, à yòʼ dzə̀ wír wo tavín é Isray à? Yiì ka, la à yòʼ a kìŋsìn tàr won wo dzəə̀n fon? Wìr kì nə̀ə́ ne e kilaʼáy ji wun yúyrí á fon.

1 Samuel 24:8

Davir fəə́ fó bam, e nàn jí, e bùn Saul ji nyàr. Saul bínkír, e lèéy bám. Davir tsə́m ndzəə́, e làʼ kitú e nsay,

1 Samuel 1:15

Hanna bìnèr jii, «Àáy taàtá wòm, m dzə̀ wiíy, a m dzə̀ é mvə̀m nyar. M yoʼ nò meluʼ, fə̀m à mené mè. M kì bunrì, neer ŋgeʼ sém e Nyùy Tǎr si.

Ŋwàʼ Fəə 32:32

Ku làysìn jay wov. Aà dzə̀ làa yòʼ làysìn, à fə̀ə́r yír yém fo wò ŋwàʼ wo à saŋen yír sé wìr vé sho.»

Kèʼlo 32:18

À nèn bìnèr sho jii, ‹Kér wánlè wò lìm woo Jakov. Dzə̀ fómo wo wù foon e wò woo kitú kfə́, a wù jumrì fo bàm.› »

Kèʼlo 31:35

Racel suúy e tàr wov jii, «Lá tàr wor yòʼ a yu nyár ji m yoʼ lò e yuv ji m din á ghvə́m e wun, bìʼ fo m dzə́ bèn, a m yén ghán sém.» Laban tàʼ bèy, e làa yòʼ yen anyùy vìy.

Kèʼlo 40:12

Joosev suúy jii, «Yuúrí nsàv njèm rə̀n. Tám se kitiír see sitaár si din a dzə̀ vishiíy vitaár.

Daniel 2:37

Nyàr, á dzə̀ á fon fo afone. Nyùy woó yuv fò á ne wun kitúm ji á wáa saʼ, e fò á wun vitaáví wùn à vikuʼùy ví.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.