Daniel 4:18 - ŊWÀʼ NYÙY

¹⁸ «Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Daniel 4:18 Referans Kwoze

Daniel 5:15

M tòóy ne vé sii wùn aàŋgàa ŋgàŋe, e kòʼór e mǒ si ji á yoŋ nsáŋtí və̀n, e tòʼtí nsàv, é m yú, la áwune yòʼ yù fóo yòŋ.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Daniel 5:8

Á bèy, vé si vìne dù wìy e fòn si, nsáŋtí və̀y gháʼ fo á yoŋ, e tòʼtí nsàv.

Kèʼlo 41:15

Fòn suúy e Joosev jii, «Njèm‑ee shí mo, la m yòʼ a ker wír wo wù tóʼtí e mò. Yii bèy, á suúy e mò ji à yii yú njèm, à kìíy á móo toʼtí.»

Amos 3:7

Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.

Daniel 2:7

Áwune nèn kfə̀n bùn fon jii, «Nyàr, á ku fèr a njèm ye yì kì shiin wun, áàkwàn vəə́ tóʼtí, e fò á e wun.»

Aysaya 19:3

Wír veé Ejivi yòʼ kfə̀n wíy a ker melív mé a taamé kifá sho. M kù wíy a bvəə́r antaŋ vév bvəərín. M wíy bvəə́r antaŋ vév. Bìʼ bey, aáwune nèn kù a tàʼ ntir a dzə̀ fo anyùyi, a tàʼ fo wír ve á mbaa aŋkfəə. Á wíy a dù fo vé ŋgàŋe, a dù fo wír ve á shwéŋ vinyóo.

Kèʼlo 40:12

Joosev suúy jii, «Yuúrí nsàv njèm rə̀n. Tám se kitiír see sitaár si din a dzə̀ vishiíy vitaár.

Daniel 1:20

Fòn káʼáy vifií vév, à kiíy ye á kiiy jeéyjeéy fó vinyòo, e yèn jii, aá lòo dzə, e neèr vifií vév kirə́ʼ e ghvə̀m, la aŋgàa səm wùn à vé fù vee wun kitume yòʼ lì a kee kimòʼón ki.

Daniel 2:38

A wìr fə̀m‑eè soò feé, nyàm kwaʼ soó feé, e bóo lì menə́n me mè féŋ e yuv, bo Nyùy kù wày á ne vifá vìn vidzə̀m a dzə̀ e wun kiwo, e lèm a wun ji taà saʼ, á wáa saʼ a vifá vìn vidzə̀m. Kitú ke kibámmbó ke kí‑iì dzəə̀n é njèm, aá fér a dzə̀ e kisha ke mbàm ke baar kí, fèn dzə̀ á wun.