Biblia Todo Logo
Bib sou entènèt

- Piblisite -




Daniel 4:14 - ŊWÀʼ NYÙY

14 Yì fuúŋé kitávín, e yòŋ aàŋgaà və́ ŋgoo jii: « ‹Vèn baʼ kicí kiy ki, e shètì tám si. Vèn soóy vav sə́ sí, e tàʼár báŋ se sí koomen shó si. Nyám si ku tàʼrí fo sar wo taʼrín, é menə́n mè léʼkír fó tam si wó.

Gade chapit la Kopi




Daniel 4:14
19 Referans Kwoze  

Vèn wáa kiíy jii, á nàn ne njàm ji á sí gwar vicí ve bó ví yòʼ koom vifá ve juŋ vi vidzə̀m. Aá yíi mèn, à gháŋé shó, e tòn e və̀y.»


«Tàr wor kfən yèn nshìy lav Nyùy, a yì sə́y fo yuv, nshìylav ye yì‑iì dzəə̀n ŋgaà ŋkiy, a yì dzə̀ e ránén. Yì‑iì sə́y, fúŋ kitávín, yoŋ ji á baʼ á kicí kiy, e laàr. Yii bèy, á maʼti á kinyè wùn à gháŋé. Á ku kùr á kinyè, e səə̀nè e kisha kee kisha ki, e səə̀nè e kee brons ki, e màʼtì, é kí kú a tiy e mvə̀m viŋgà bey. Ŋwéʼe kú a gbù e ŋgaàŋ wùn, é wúné wáa rə̀, é wùn à nyám se kwaʼ si wáa yi a dzə̀ viŋgà veé kwaʼ, e kù wìy a yi bèy kiyá saàmbà.


Vèn wáa kiíy jii, á gàʼ ne njàm ji á gwar vicí vidzə̀m ve bó ví yòʼ koom vifá ve juŋ vi, aá yíi mèn wùn à gháŋé shó, e tòn e və̀y.»


Lóo dzə vicí ve bó ví yòʼ koom vifá ve juŋ vi, á gwàr vee shooy vidzə̀m, a tòn tònèn.


Vav sə́ sí‑iì səə́ne bèn ji lìŋ, báŋ si kfən kòóm sho sinín, a kí kér viyíkìr ve yì‑iì dzə̀ ví yìír wir dzə̀m. Nyám se kwaʼ sidzə̀m si kù‑uù bee a dzə̀ é sar wo, a menə́n mè kù baʼrì a dzə̀ é tam si wó. Kifá ke ŋeʼèn kí kidzə̀m ki kù‑uù yíkir a dzə̀ fó fo.


Gwèy nèn a fuŋ jii, «Wìr dzə̀m yuúrí, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Fòn suuy jii,


A yì wiy, fúŋ kitávín jii, «Babilon wo kuʼùn gbù ne. Wù gbù ne. Fóo sì kisáŋ. Kù sì ji kitár ké anyùy. Vibáy vidzə̀m wùn à kfəə́ se menə̀n me mè kóʼoy medzə̀m mè sí báʼti a dzə̀ fó.


Yì tiím bey, e jàŋ kitávín mo wàm bvərə̀ʼ. Kishèv ke kí yii wámkir kàŋ saàmbà ki nèn bìnèr.


Yii bèy, kiŋkoʼòrwùn kí nèn lò, e sùm wun, wù wáa tav kitú, a kùm a kiŋkùm, yii kinyo ji wìr woo moo wun sà dzə̀ la á. Bìʼ bey, Nyùy sén wun fo kàvàʼ, e sə̀ vikuʼùy ve wù‑uù sí kérí.


A yì‑ii dzə vèsən sə̀ wír veé Babilon, á bèy, a dzəə̀ sə yòʼ kfə̀n‑ee ló a dzə. Vèsən maʼti nsay Babilon, a lò, é wìr wáa kfən e kév kee kitúm ki. Wóŋ Babilone gbù ne e dzəə ye biibí. Fóo gbù ne, kitú ke nsay ki yúʼnín, léŋe kóʼ, e dù, e mèé e ntoò yùv.


Ven vee wír veé Isray wùn à veé Judàa, vèn wáa leʼ fo wòŋ Babilon, wìr wáa leʼ e kitú kfə́ kí. Vèn wáa yen fó lày dzəʼə̀m yén bìʼ jay wìr veé Babilon. Sì ghán se Nyùy Tàr wíy a siìr ŋkfə́tír, a wù wíy a laamé áwune, kù mo yii yéví dzəə̀n.


Ayìy véví ku làysìn áwune, é séʼ si ku là wún wóv nyom nyom, é yír yéví lay láyin. Á ku laàr áwune láarin moo kicí ke á bàʼàn, e sàn.


«Kí nén a dzə jii, ke suuy mo woo Nyùy Tàr woo Taà Ndzə ki dzə̀ jii, ‹Kicí kiy ki‑iì kùy, e dàr e ŋàŋ, to rəə́ bàʼ e mvə̀m mbàʼ, kí nèn lò, a dzə̀v nsaŋ bìʼ vida və́.


‹Kù dzə̀ mo wo mò‑oò bomen kitú ke nsay e vitaáví vém ve wiy ví, mo və̀n, wo m dzəə̀n e gháʼán, e bòm wir dzə̀m, à nyám se sí dzəə̀n shó si. A dzə̀ kù kìíy mo wír wo m fó sho.


Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.


Kiyá ki lòo kum, fòn kóʼ, a ghan e wun kitu ke ntoʼ ye vé‑eè bomen, e laàrì kikfə́v láarin.


Vé‑eè jùm wun fo wìr msǒŋ mvəm, shilív shí bìnkìr fo fo, a dzə a ji shé nyàm kwaʼ, wù wáa dzə a dzə̀ á wùn à vimbèʼbìy veé kwaʼ vi. Wù‑uù dzə́ a fo bèy, kfə́r a dzə̀ á viŋgà moo mbòŋ, a ŋwéʼe gbu a e wùn wó. Kí ku nèn a koóy bèy, e meé mo wù‑uù binsin á ji kù sáʼ a Taà Vitu kitúm ke wìr msòŋ kidzə̀m, a kù dzə̀ á wun wo dzə̀ wù fò á e wìr wo wù shoʼon ji wù wáa saʼ.


Swiv nou:

Piblisite


Piblisite