Daniel 4:13 - ŊWÀʼ NYÙY

¹³ «Kù mo m néŋ fo, buúne, vinjeenjèm vi kú a shaà e mǒ si, m yén nshìylav Nyùy, a yì sə́y fo yuv. Nshìylav, a dzə̀ yee ŋgaà ŋkiy, a yì dzə̀ e ránén.

Daniel 4:13 Referans Kwoze

Remrí 33:2

Wù lòo lon, e yòŋ jii: «Nyùy Tàr‑iì sə̀y fó Gwan Sinay ji wun sə́ vèsən, wù‑uù tò moo shúy fo Edom, e bàn e wír vəə́ kitu. Rán rəə́ ŋwàŋ fo Gwan Paran. Nsheèlav sə́ sí‑iì dzə̀ wùn áwune ansə̀kì ansə̀kì. Wù‑uù kér və́y é kiwo ke yìy kí, a wú baári ji vùŋ vùŋ.

Daniel 8:13

M nèn lò, e yù, a nshìylav Nyùy yìmòʼ súŋninè, dzə́r e yìmòʼ jii, «Vilìtì ve vinyò ve á yenen é njà kinjeenjèm vìn vi wíy yensín e ghàn ka? Kiguynìn ke kí bívir kirə́ʼ bívírín kin ki wíy dù, e meé e le, bóo ndzəə̀r cu ye á yii kishiíy kidzə̀m? Á wíy nyèŋrì wír Nyùy wùn à kirə́ʼ ké cù ki, e dù, e meé e le?»

Daniel 7:1

Wáa dzə e kiya ke mbìy ke Belshasar‑iì sáʼ ji fon woó Babilon, Daniel neém e wun kikun, e lòo buuné, njèm shí wun, kilìtì ke kinyò ki wíy e wun si e njà kinjeenjèm. Á bèy, vitú ve vinyò ve Daniel‑iì saŋen, e naàrì kùm njèm rə̀n vi víne.

Ŋwàʼ Jud 1:14

Enok wo wù‑uù ràmèn fo Adam ji lav saàmbà‑aà ló a suŋnín kùm wír vìn, a taŋ mo Nyùy wíy lovtí aáwune. Wù‑uù suuy jii, «Vèn yén, Nyùy wíy wìy wùn à nshèelav sə́ sí, ansə̀kì ansə̀kì,

Sekariya 14:5

Kí kooy bèy, é vèn nyéŋ, e tòsín kiwoóy ke Nyùy yiìn, kí jáv gwan mbìv sibaà, e dù, e meé e Asal. Vèn wíy nyeŋ réŋréŋ mo atàr véné‑eè nyeŋen é ghan se nsay‑iì sə̀ʼsìn, a Ussiya sáʼ ji fon e Juda. Vinyo vìn vi fəə́sin bèy, é Nyùy Tàr woo Nyùy wom nèn wìy, a wìy wùn à nsheèlav sə́ sí sidzə̀m.

Daniel 4:23

«Tàr wor kfən yèn nshìy lav Nyùy, a yì sə́y fo yuv, nshìylav ye yì‑iì dzəə̀n ŋgaà ŋkiy, a yì dzə̀ e ránén. Yì‑iì sə́y, fúŋ kitávín, yoŋ ji á baʼ á kicí kiy, e laàr. Yii bèy, á maʼti á kinyè wùn à gháŋé. Á ku kùr á kinyè, e səə̀nè e kisha kee kisha ki, e səə̀nè e kee brons ki, e màʼtì, é kí kú a tiy e mvə̀m viŋgà bey. Ŋwéʼe kú a gbù e ŋgaàŋ wùn, é wúné wáa rə̀, é wùn à nyám se kwaʼ si wáa yi a dzə̀ viŋgà veé kwaʼ, e kù wìy a yi bèy kiyá saàmbà.

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Nsùyrì Nyùy 89:7

Kintatì ke nsheèlav sé ki ghvə́m wò. Á ghvə́m kfə̀n fan wò e ŋàáŋàŋ, e shaà kifá kidzə̀m.

Ŋgaà Yen 14:10

ŋgaàŋ kù wíy no meluʼ me Nyùy me bi mè. A dzə̀ ŋgeʼ ye tavín ye Nyùy wíy way e wùn bàr, a ŋgaàŋ kù kér fó jiiyí e dzə̀m. Ŋgaàŋ wíy a rəsí, a saŋrí e və̀y wo wú shwí, baári moo mekàŋ, a Wàn Njiì Nyùy wùn à nshèelav sə́ sí leeyì.

Ŋwàʼ Luk 4:34

«Ábáy, Jesus woó Naasarer, à taʼ ji à yée le e vèr? À wìy ne ji à laar ver a? M kìíy ne wò. À lò fo Nyùy, à dzə̀ Wan Nyùy.»

Maak 1:24

Wù nəə́, a rəəmé jii, «Jesus woó Naasarer, à taʼ ji à yée le e vèr? À wìy ne ji à laar ver a? M kìíy ne wò. À lò fo Nyùy, à dzə̀ Wán Nyùy.»

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Daniel 7:23

Wìr və̀y nèn a naàrì e mò, a suúy jii, «Nyàm ye yì meen ji kweè, dzə̀ á kitúm kímóʼ kí ke kí meen ji kweè, a kí wíy fəəsín e kitu ke nsay, a saʼ. Kitúm kìn ki wíy a dzə jeéy fo vitúm vímóʼ ví, a kí wíy a nyàvrì e kitú ke nsay ki kidzə̀m, e nyèŋrì e wuú, e taʼár e vishev vishev.

Daniel 7:17

Wù suúy ji nyám se kuʼkìn see sikweè si dzə̀ á vitúm vikweè ve ví wíy ŋaʼáy e kitu ke nsay, a saʼ.

Daniel 4:10

«Kù mo mò‑oò loòn ji m bóŋ shimbuùné, vinjeenjèm vi wíy e mǒ si, m yén kicí, a kí tíy e ntìntìn wòŋ, a kí dár é ŋàŋ.

Nsùyrì Nyùy 103:20

Viŋgáʼ ve nsheèlav se Nyùy Tàr, vèn wáa burí wun. Ven ve á yúnin nsər sə́, vèn wáa burí wun, Ven ve á yuúri kinyo ke wù suuyì, vèn wáa burí wun.

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Ŋwàʼ Jov 12:24

Wù lo, wù jìŋèr afon veé kitu ke nsay, e yiì, á wàa ghan, a jan e kwaʼ.