Daniel 4:1 - ŊWÀʼ NYÙY

¹ Fòn Nebukadnessar‑iì lò, e tsə̀nsí kisúŋnìn e wír vee wùn sar saʼa adzə̀m, kìn dzə̀ veé kitum kiné kí, kìn veé wòŋ vəneé, kìn á súŋnin a dzə̀ lám gha, a kí‑iì dzə̀ jii: «Nyaáŋ wo wù dzəə̀n e věn mvəm kú a kuy kuyín.

Daniel 4:1 Referans Kwoze

Daniel 6:25

Kee shooy ki shaà, Fòn Darius nèn sàŋ ŋwàʼ fo wìr dzə̀m, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Wù sáŋ jii: Nyaáŋ wo wù dzəə̀n e věn mvəm kú a kuy kuyín.

1 Pita 1:2

Nyùy woo Tàr wòsən‑eè shòʼ ven a dzə̀ mo wù‑uù sìysìn ne fo ŋgùʼ. Wù nèn wìy tùm Kiyoy kfə́, kí wìy, e nàŋsín ven ji və́ vee wír. A wù‑uù yiì bey, ji vèn wáa dzə, a yu a dzə̀ á fo Jesus Kristu, é mensə́ mvə mè táŋrí ven, é vèn boy fó njò. M nén a lon jii, Nyùy kú a shaà fo mbìy, a leéy fo vèn, a yiì, é melív men mè wáa dzə nyaáŋ.

Daniel 3:4

Gwèy nèn a fuŋ jii, «Wìr dzə̀m yuúrí, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Fòn suuy jii,

Efesor 1:2

A m lón ji Tàr wòsən Nyùy wùn Taàtá wòsən Jesus Kristu kú a kòŋ ven, a leéy fo vèn, e yiì, é melív men mè wáa dzə nyaáŋ.

Daniel 3:29

Bìʼ bey, sáʼ yémé nén a dzə jii, ‹A fə̀m dzə̀ wír vəné, kìn woó kitum fèé, kìn wù súŋnin a dzə̀ lám gha, wù mvəʼ shuu, e yòŋ kinyo ke kisaŋ ki, e kùm Nyùy wo Shadrak wùn à Meshak, à Abednego ghvə́mé, á kù shètì ŋgaàŋ e vintin vintin, e laàr láʼ sév, é sí kfə́n é vifə̀m sidzə̀m, bìʼ fo bó yòʼ dzə̀ nyùy wùmòʼ bòyìr wír e dzəə ye wóov bòyìrìn áwune shó.› »

Esra 4:17

Fòn‑eè yù bey, e nèn tsə̀nsí binèr jii: «Á sáŋ ŋwàʼ və̀n fo Rehum woo ŋgaà saʼ wùn Shimshay woo ŋgaà saŋ fòn, e lì kibér ke aŋgàa ŋgoo vév ve á dzə́ e Samaria, e kfə̀n a dzə e virə̀ʼ vímóʼ ví é mbìv wòŋ ye á liysin ne Yufret, a sì é mbìv yee fo shùy yii nəə. «M nén a shàʼtì ven, a suúy jii,

1 Wòŋ 12:18

Á bèy, Kiyoy ke Nyùy ki nèn wìy fo Amasay wo wù‑uù loòn, a dzə kilìmbìy ke antav vee mtaár. Wù yòŋ jii: «Éè Davir, wò woo wan Jessi, vèr sì wír vé, vèr kpù e wò mbòv. Kú a tòn, a dù duùn. Vèn à wír vée yíi a tòn, a dù duùn, bìʼ fo maʼ Nyùy rə́r sé.» Davir nèn biìmé, wùn áwune wáa dzə. Wù lèm áwune, á wáa wam vé rər ve vé‑eè lo, á tò, e faàsì vifá fo ntèʼ se sí‑iì ban áwune.

1 Timoti 1:2

A m sàŋ a dzə̀ fo wò woo Timoti. À dzə̀ wán wom féyì bìʼ kinyo ke Jesus Kristu wo wòsò wayin shilív é wùn wó. M nén a lon jii, Tàr wòsən Nyùy wùn Taàtá wòsən Jesus Kristu kú a kòŋ wò, a sham wò, a leéy fo wò, a yiì, é shilív shé shi kú a dzə nyaáŋ ghán sidzə̀m.

Ŋwàʼ woó Rom 1:7

M nén a saŋ ŋwàʼ və̀n fo vèn adzə̀m ve á dzəə̀n é Rom, ve Nyùy shavin ne ji və́ vee wír, e wày e wùn shiliv. M wáa shàʼtì ven, a lon jii, Nyùy woo Tàr wòsən wùn Taàtá wòsən Jesus Kristu kú a kòŋ ven, a leéy fo vèn, a yiì, é melív men mè wáa dzə nyaáŋ.

Lim Aŋgàa Ntum 2:6

Á yú mo kifá kìy ki yor bèy, á nèn wìy, e bàʼtí e wír Jesus vìyí ghaŋ nyanyày. Á yú, aá fiʼtì kinyo, a wìr mòʼón mòʼón yú aáwuné làm sé vitum jeéy jeéy, kí tárír áwune.

Sekariya 8:23

A ke suuy mo woo Nyùy Tàr woo Taà Mànjòŋ ki dzə̀ jii, wíy lòo dzə e ghan fóo fèy, é wíri wáa fəə fo vitum, a fə̀m dzə̀ ve ví súŋnin lám vəneé. Wíri lo e ghvə̀m, aá ghár ndzə̀y sé wìr woó Juda, a suúy ji vèsən kú a dù, vèr yú ji Nyùy dzə̀ á vèn áwune.»

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Daniel 6:27

Wù lo, wù fə̀ə́r wír fo kinyò, e bòyìr ŋgaàŋ, a wù din visəəm, yii viŋgaʼnìn ve vinyò e yuv wùn ǎ nsay. Dzə̀ wun wo wù fəərin Daniel fo abvərə̀ʼə́ wo.»

Esta 8:9

Á bèy, á nèn kù tòóy vé saŋ veé ntoʼ e ghan fóo fèy, a yì‑iì dzə̀ é kishiíy kee nshòv sitaár e mbaà fó ŋwee wo wú meen ji taár e kiya, aá yoŋ ji Sivan. Áwune nèn a saŋ kinyo réŋréŋ, kù mo Mordekay‑iì yoŋè. Vé‑eè sáŋ ji nsər ye á yíi tsənsí e wír veé Judàa, e tsənsí e wír ve á sáʼ kitúme, à ve á sáʼ vishév ve wòŋ jeéy jeéyí, e lì atǎr wòŋ adzə̀m vee kèʼ fó India, e dù, e meé e Etiopia, a woŋ fòn və̀ne‑eè dzə̀ vishév nshòv saàmbà e mbaà é wiì (127). Ŋwàʼa‑aà lóo dù e kirə̀ʼ kee shó, á kù sàŋ a dzə̀ é dzəə ye wír vee fóo yii sáŋ vinyo vév shó, e kù sàŋ a dzə̀ aáwuné làm sí jeéy jeéy. Á nen kù sàŋ sá wó wìr veé Juda a dzə̀ mo áwune yii sáŋ vév vee vinyo aáwuné làm.

Esta 3:12

Á bèy, wáa dzə kishiíy nshòv sitaár e ghvə̀m fo ŋwee mbìyi, Haman ku nèn jàŋrì wír ve á yii sáŋ vinyo veé ntoʼ. Haman fəə́r sáʼ ye wù‑uù fəərin, aŋgàa saŋe ku nèn sàŋ, e tsə̀nsí e vé saʼ ve á sáʼ kitúme, e tsə̀nsí sa aàŋgàa saʼ ve á sáʼ vishév ve wòŋe, e tsə̀nsí aàtǎr laʼa. Vé‑eè lóo saŋ ŋwàʼ woó kitum, kìn dzə̀ kiné kí, kìn woó kishev ke wòŋ kiné kí, á kù sàŋ a dzə̀ e wír vee fóo làm, aá kù sáŋ bèy e Fòn Ahasuru yir, e fìnèr e ndzə̀ŋgwaŋ fòn.

Esra 5:7

Kinyo ke vé‑eè saŋen kí dzə̀ jii, Fòn Darius, nyaáŋ wáa dzə à.