Daniel 3:8 - ŊWÀʼ NYÙY

⁸ Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Daniel 3:8 Referans Kwoze

Lim Aŋgàa Ntum 28:22

Yii bèy, a vèr yíi a kòŋ fó yu kinyo ké. Ke vèr kiìn kí dzə̀ ji wíri tún a kintatì ke à dzəə̀n shó kìn virə́ʼ vidzə̀m.»

Daniel 2:10

Vé si vìne bùn fon, e bìnèr sho jii, «Nyàr, bó wìr yòʼ dzə̀ shó a e kitu ke nsay wo dzə̀ wù yiì kinyo ke fòn suuy kìn. Bó fòn wùmòʼ, kìn taà saʼ wùmòʼ yòʼ‑oò ghàn ne dzə̀r á kfə́ə kinyò kee ben e ŋgaà fù, kìn e ŋgaà ŋgàŋ, kìn e ŋgaà si, a fə̀m dzə̀ taà saʼ, a wù táv é le.

Esta 3:6

Mo wù yuun fo Mordekay loòn, e nèn lò, e yèn ji bó yòʼ dzə̀ wun lòvtí a dzə̀ á e Mordekay wùn mòʼón. Wù nèn tàŋ ji bòŋ á ke wun yúyrí á wír veé Juda adzə̀m ve á dzə́ e virə̀ʼ ve Fòn Ahasuru sáʼá.

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Daniel 3:7

Á bèy, ghán sí gheén, vifá ve cèŋ vìn vi súŋnín, e làŋsìn, kiléŋléŋ kí kóʼ, wìr dzə̀m, a fə̀m dzə̀ wír kitum kìka, kìn woó wòŋ vəné, a wù fə̀m súŋnin lám a dzə̀ vəné, á ku nèn tsə̀m fó nsay, a ghvəm shibvə̀m she Fòn Nebukadnessar tuuyin.

Daniel 4:7

Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.

Daniel 6:4

Vitú ve saʼ vi nèn tàtí wùn à kibér ke vé saʼ ki, e kèʼ, a shweʼ ji mo Daniel lim vinyo veé wòŋ, á sà‑áà yén kintéŋ ke kinyò sho a. Á leéy, e làa yòʼ yen, bìʼ fo Daniel‑iì dzəə̀n wir suuyrú, a wù yòʼ‑oò kér kintéŋ ke kinyò.