Daniel 3:7 - ŊWÀʼ NYÙY

⁷ Á bèy, ghán sí gheén, vifá ve cèŋ vìn vi súŋnín, e làŋsìn, kiléŋléŋ kí kóʼ, wìr dzə̀m, a fə̀m dzə̀ wír kitum kìka, kìn woó wòŋ vəné, a wù fə̀m súŋnin lám a dzə̀ vəné, á ku nèn tsə̀m fó nsay, a ghvəm shibvə̀m she Fòn Nebukadnessar tuuyin.

Daniel 3:7 Referans Kwoze

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

Ŋgaà Yen 17:8

Nyàm ye à yén rə̀n dzə̀ ben, a yì‑iì kpù ne. Yì‑iì ló a dzə e tin, e bóo kpu. A yì kfə̀n wíy fəə fo biíntùr, a ŋèʼ. A yì fəə́ bèy ji yì ku nə̀ə́ lèn, a dzə̀ é lòn woo là may. Wír veé kitu ke nsay adzə̀me wíy a leéy nyám rə̀n, a ker gháʼ, bìʼ fo yì‑iì ló a dzə fo mbìy, e nèn lò, e kpù, e bóo kfə̀n a dzə sho lèn, a ŋèʼ. A kí kù wíy a ghaʼ a dzə̀ wír ve bó yír sév sí yòʼ dzəə̀n é ŋwàʼ wo vé‑eè saŋen yír sé wìr ve á kù‑uù wíy lùŋ sho é bo ndzə wìy a kèʼ.»

Ŋgaà Yen 13:14

Nyùy ku nèn màʼtì wùn nyàm yee fó mbìy rə̀y wáa ghan, yì wáa yiì viŋgaʼnìn ve vinyò bèy, e bòʼtí wír veé ndzə sho adzə̀m. Yì nèn wìy lò, e bàyrí wíri, á fèr kibámmbó ke kí wáa shwinín nyam mbìy ye vé‑eè lemerin e nyùy, bo yì bónén rə̀y.

Ŋgaà Yen 13:8

Kù dzə̀ mo wír veé kitu ke nsay adzə̀me wíy a ghvəm nyám yee shooy ji Nyùy, a yu fo fo. A kù wíy a ghvəm wír adzə̀m ve bó á yòʼ‑oò lo sàŋ yír sév é ŋwàʼ Wàn Njiì wo vé‑eè yuyrin. A ŋwàʼ və̀ne dzə̀ wo vé‑eè saŋen yír sé wìr ve á kù‑uù wíy lùŋ sho, é bo ndzə wìy a kèʼ.

Ŋgaà Yen 13:3

Mo kitú ke nyàm rə̀n ki dzəə̀n saàmbà, kee kimòʼón ki kér kileémé a dzə̀ ke wìr lóo leéy, wù kù a yen ji wù‑uù kpù á ne. Yii bèy, fóo ku yòʼ bònén, nyàm rə̀y lùŋ, wíri wáa leéy, a ker gháʼ. Kitú ke nsay kidzə̀m ki nèn lò, a gbù e wùn wó,

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

1 Joon 5:19

Vèsən kì sá ji vèsən dzə̀ á wón Nyùy, yii bèy, a wír ve dzəə̀n veé ndzə fèn adzə̀me dzə̀ kév e ŋgaà vinyò ve bi ví və̀y kiwo.

Jeremia 51:7

Wóŋ Babilone‑eè dzə̀ e Nyùy Tǎr kiwo moo bàr, bàr woo *kisha ke mbàm ke baar kí, a wù noor kitú ke nsay sho, a kí nó, jiʼkìrì. Vitúm vi‑iì lo nò bàr və̀n. Vé‑eè nò, e dù ji aŋgaàbaá.

Lim Aŋgàa Ntum 14:16

Wù‑uù màʼtì wíri fó ŋgùʼ, á wáa yiì mo á koŋè.

Daniel 2:46

Á bèy, Fòn Nebukadnessar nèn gbù e Daniel si, a ghvə̀m wun, e lò, e fò sáʼ ji á ku wìy a e vifá ve cù vi wùn à virə̀ʼtìn ve kilay ví, e cù a Daniel sho.

Daniel 3:4

Gwèy nèn a fuŋ jii, «Wìr dzə̀m yuúrí, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Fòn suuy jii,

Daniel 3:5

‹Vèn yií yú, aá tóŋ sóŋ, e tòŋ loŋ, e kùm lúŋ, à yé nshìí, e lì yé mbàytì, vèn yú, a vifá vìn vi tátí ne, e làŋsìn, kiléŋléŋ kí wáa koʼ, vèn waà tsə̀m é nsay, a ghvəm a shibvə̀m she wun woo Fòn Nebukadnessar tuuyin.

Daniel 3:6

A wìr tèn ji wun yòʼ tsə́m e nsay, e ghvəm shibvə̀m shìn, bo á li ŋgaàŋ, e màʼ e kimbiirìn ke və̀y ke kí bo, gheʼèmè.› »

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Daniel 3:10

Nyàr, á lo fò á sáʼ jii, aá tòŋ loŋ, e kùm lúŋ, à yé nshìí, e lì yé mbàytì, á yú, a vifá vìn vi tátí ne, e làŋsìn, kiléŋléŋ kí wáa koʼ, wìr dzə̀m waà tsə̀m, e ghvə̀m á shibvə̀m she fòn fèrìn e kisha ke mbàm ke baar kí.