Daniel 3:6 - ŊWÀʼ NYÙY

⁶ A wìr tèn ji wun yòʼ tsə́m e nsay, e ghvəm shibvə̀m shìn, bo á li ŋgaàŋ, e màʼ e kimbiirìn ke və̀y ke kí bo, gheʼèmè.› »

Daniel 3:6 Referans Kwoze

Matio 13:50

e màʼ e və̀y wo wú bo ghán sidzə̀m, aá wáa toŋ fo, a ŋeytí sóŋ.»

Matio 13:42

e màʼ e və̀y wo wú bo ghán sidzə̀m, aá wáa toŋnín fo, a ŋeytí sóŋ,

Jeremia 29:22

Bìʼ bey, wír ve vé‑eè koon fó Juda, e dù sho e Babilone wíy lòo kuù wír, aá wáa yòŋ ji Nyùy Tàr ku lòvtí a sho mo vé‑eè lovtin e Tsədekiya wùn Ahav ve fòn woó Babilone‑eè tònèn é və̀y atin.

Daniel 3:15

Kí nén a dzə̀ jii, vèn dzəə́ yìi yu sóŋ, e yu loŋ, e yu lúŋ, à yé nshìí, e lì yé mbàytìi, é vifá vìn vi laŋsin, é kiléŋléŋ kí wáa koʼ. Vèn kù yòʼ yíi yu, a dzə kibáʼtín fóo tsəm, a ghvəm shibvə̀m she mò‑oò fèrìn á? Yii bèy, a vèn tèn, bo á kù‑úù li ven é nsənnsən, e màʼ e kimbiirìn ke və̀y fo və́yí bo, gheʼèmè, é m yén ó nyùy woo shó wo wù yíi fəə́r ven fó fo.»

Daniel 3:11

Yii bèy, wìr tén ji wun yòʼ tsə́m e nsay, e ghvəm shibvə̀m shìn, bo á li a ŋgaàŋ, e màʼ e kimbiirìn ke və̀y ke kí bo, gheʼèmè.

Ŋgaà Yen 14:11

Aáwune ve á ghvə́m nyám, kfə̀n ghvə́m kibámmbó kfə́, kér nsáŋtí wo wù din yír rəə́, kù wíy a saŋrí e və̀y bey, e làa yòʼ a ker meemè gheéy, kìn dzə̀ e shùy, kìn dzə̀ vitsə́ʼ, é kindzə́ʼ ki wáa koʼ fo fo ghán sidzə̀m, viyá viyá là may.

Ŋgaà Yen 9:2

Wù mvə̀ʼ, kindzə́ʼ ki dzə̀m fo fo mo á tòn Mbokam, a koʼ, a sətí sí shùy, mbàʼ wáa sən.

Maak 6:27

Wù ku nèn tsə̀nsí nshìy rə ji wù du, e wìy a e kitú ke Joon kí. Wù nèn dù e lav sháŋ, e shòʼ kitú ke Joon,

Matio 4:9

Wù dìn bèy, e sùúy jii, «M yíi fo wò vifá vìn vidzə̀m, kù dzə̀ cáʼ ji à gbu e mǒ si, e ghvə̀m mo ji Nyùy.»

Daniel 6:7

Nyàr, ver vee vitú ve saʼ, aàŋgàa saʼ ve á sáʼ vilíŋ ve kuʼkìn ví, à wír ve á sáʼ kitúme, aàtǎr saʼ ve á sáʼ ŋkà se laʼa, à vé ntiri, ver adzə̀m adzə̀m, vèr bvə̀n vighev, e yèn á ji fòn ku fò sáʼ, e wày á nsər, e sə̀ntì a jii, «E bǎm kishiíy mtaár, lá á yòʼ yù á ji wìr kì bunrì, lón a kifá fo nyùy wùmòʼ, kìn fo wìr msòŋ, e shaà ji wù lón a dzə̀ fo fòn. Yii bèy, a wìr lòo dzə, e ŋwày nsər rə̀n, bo á kù li a ŋgaàŋ, e màʼ aàbvərə̀ʼə́ mbvə̀ʼ.»

Daniel 3:21

Á ku nèn kùr áwune, aá dzə̀ e ndzə̀y sí é wùn, e dòm e kimbiirìn ke və̀y fey, a vé‑eè màʼ vikúm vév ve da vi, e ndzə̀m ndzə̀y seé kitu, e wày asə̀là ve dáa, à ndzə̀y símóʼ sí.

Daniel 2:5

Fòn nèn bìnèr aáwune jii, «M kù tíy e kinyò ke m kì wayin. A vèn dzə̀ làa yòʼ fèr njèm ye yì kì shiin mo, e toʼtí nsàv, bo m lo, e yòŋ, aá sheti ven é vintin vintin, é láʼ sén sí du é kibvə.

Aysaya 44:17

Wù maysì kintsə̀m ké kici kiy, wù sèm shibvə̀m sho ji nyùy. Wù lo, wù wàa tsəm e si wo, a ghvəm, a ka jii, «Ku bòyìr mo, bìʼ fo à dzəə̀n nyùy wom.»

Ŋwàʼ Fəə 20:5

Lá vèn yòʼ a ghvəm, lá vèn yòʼ a cù mebvə̀m mee shooy, bìʼ fo mo woo Nyùy Tàr woo Nyùy won dzəə̀n Nyùy wo wù kíyri ven é ŋàŋ. M yii maʼ ŋgeʼ e wóné wùn à wón woné, à wón wón woné, bìʼ ban ye atàr véví ban mo.

Kèʼlo 19:28

Wù máʼ sí, e lèéy mbìv Sodom wùn Gomorra, e lèéy mboʼ yee fó e dzə̀m, e yèn a kindzə́ʼ ki dzəm fo fo mo á tòn kincaàrì e kifir.

Daniel 3:7

Á bèy, ghán sí gheén, vifá ve cèŋ vìn vi súŋnín, e làŋsìn, kiléŋléŋ kí kóʼ, wìr dzə̀m, a fə̀m dzə̀ wír kitum kìka, kìn woó wòŋ vəné, a wù fə̀m súŋnin lám a dzə̀ vəné, á ku nèn tsə̀m fó nsay, a ghvəm shibvə̀m she Fòn Nebukadnessar tuuyin.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.