Daniel 3:4 - ŊWÀʼ NYÙY

⁴ Gwèy nèn a fuŋ jii, «Wìr dzə̀m yuúrí, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Fòn suuy jii,

Daniel 3:4 Referans Kwoze

Daniel 6:25

Kee shooy ki shaà, Fòn Darius nèn sàŋ ŋwàʼ fo wìr dzə̀m, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Wù sáŋ jii: Nyaáŋ wo wù dzəə̀n e věn mvəm kú a kuy kuyín.

Daniel 4:1

Fòn Nebukadnessar‑iì lò, e tsə̀nsí kisúŋnìn e wír vee wùn sar saʼa adzə̀m, kìn dzə̀ veé kitum kiné kí, kìn veé wòŋ vəneé, kìn á súŋnin a dzə̀ lám gha, a kí‑iì dzə̀ jii: «Nyaáŋ wo wù dzəə̀n e věn mvəm kú a kuy kuyín.

Mayka 6:16

Vinyo vìn vi wíy koóy ven, bìʼ fo vèn bìʼnìn liì kisaŋ Fòn Omri, e bìʼnìn sa wo wan və woo Ahav. Vèn kù shaa fo mbìy, yuúri a dzə̀ ntir sév. Bìʼ bey, m yíi laàr kitúm kén, é vitúm vee fó ghaŋ vi wáa kay ven, a wìr dzə̀m wíy a jàʼ ven.»

Hosea 5:11

Á táy wír veé mbìv wòŋ ye dzəə̀n Isray, a dzə̀ lòn mo wú koon áwune, e rə̀ʼtí. Á faàsì ne nsay ye yì‑iì dzəə̀n yéev féyì feyì, a kù dzə̀ bìʼ fo áwune shwèyìn ne Nyùy Tàr, a jùmrì a dzə̀ mebvə̀m.

Daniel 4:14

Yì fuúŋé kitávín, e yòŋ aàŋgaà və́ ŋgoo jii: « ‹Vèn baʼ kicí kiy ki, e shètì tám si. Vèn soóy vav sə́ sí, e tàʼár báŋ se sí koomen shó si. Nyám si ku tàʼrí fo sar wo taʼrín, é menə́n mè léʼkír fó tam si wó.

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Aysaya 40:9

Wír veé Sion, ven ve á yii fiʼtì sáʼka wo juŋ, vèn kóʼ é ntoò gwan. Wír veé Jerusalem, ven ve á yii fiʼtì sáʼka wo juŋ, vèn tiísí ntum yem. Vèn tiísí ntum rə̀n kijuŋ, e làa yòʼ a fàn. Vèn suúy e wír veé Judàa jii, «Vèn leéy, e yèn, Nyùy won və̀ne.»

Esta 8:9

Á bèy, á nèn kù tòóy vé saŋ veé ntoʼ e ghan fóo fèy, a yì‑iì dzə̀ é kishiíy kee nshòv sitaár e mbaà fó ŋwee wo wú meen ji taár e kiya, aá yoŋ ji Sivan. Áwune nèn a saŋ kinyo réŋréŋ, kù mo Mordekay‑iì yoŋè. Vé‑eè sáŋ ji nsər ye á yíi tsənsí e wír veé Judàa, e tsənsí e wír ve á sáʼ kitúme, à ve á sáʼ vishév ve wòŋ jeéy jeéyí, e lì atǎr wòŋ adzə̀m vee kèʼ fó India, e dù, e meé e Etiopia, a woŋ fòn və̀ne‑eè dzə̀ vishév nshòv saàmbà e mbaà é wiì (127). Ŋwàʼa‑aà lóo dù e kirə̀ʼ kee shó, á kù sàŋ a dzə̀ é dzəə ye wír vee fóo yii sáŋ vinyo vév shó, e kù sàŋ a dzə̀ aáwuné làm sí jeéy jeéy. Á nen kù sàŋ sá wó wìr veé Juda a dzə̀ mo áwune yii sáŋ vév vee vinyo aáwuné làm.

Ŋgaà Yen 5:9

Á wáa gbù bèy, a yòv luŋ wo fíy wúmóʼó, a wú dzə̀ jii: «Kù dzə̀ wò, wo à gheenen fó sə ŋwàʼ və̀n, e bày mfìn, e mvə̀ʼ. Wò‑oò biìmé kpú, mensə́ mè mè leém, à tín wíri fó lòn, e siìr e Nyùy. A vé‑eè lò vitúm vidzə̀m, kìn dzə̀ ke kí súŋnin lám vəné, kfə̀n lò woŋ sidzə̀m wùn à rám wìr msòŋé e dzə̀m.

Daniel 3:3

Vé saʼ vìne báʼtí adzə̀m adzə̀m ji á shéʼri a shibvə̀m she Fòn Nebukadnessar tuuyin. Á báʼtí, e tìím e shibvə̀m shee shooy shí si.

Daniel 3:7

Á bèy, ghán sí gheén, vifá ve cèŋ vìn vi súŋnín, e làŋsìn, kiléŋléŋ kí kóʼ, wìr dzə̀m, a fə̀m dzə̀ wír kitum kìka, kìn woó wòŋ vəné, a wù fə̀m súŋnin lám a dzə̀ vəné, á ku nèn tsə̀m fó nsay, a ghvəm shibvə̀m she Fòn Nebukadnessar tuuyin.

Daniel 3:10

Nyàr, á lo fò á sáʼ jii, aá tòŋ loŋ, e kùm lúŋ, à yé nshìí, e lì yé mbàytì, á yú, a vifá vìn vi tátí ne, e làŋsìn, kiléŋléŋ kí wáa koʼ, wìr dzə̀m waà tsə̀m, e ghvə̀m á shibvə̀m she fòn fèrìn e kisha ke mbàm ke baar kí.