Daniel 3:25 - ŊWÀʼ NYÙY

²⁵ Fòn nèn kù a suúy aáwune jii, «Vèn leéy, m yén wír akweè, aá ghán e mvə̀m və̀y, aá yòʼ dzə̀ə́ akúrín, a bó və́yí yòʼ kum áwune, a wo wù meen ji kweè shwínin nshìylav Nyùy.»

Daniel 3:25 Referans Kwoze

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

Lim Aŋgàa Ntum 28:5

Yii bèy, Por nə̀r búv və̀y nə́rin fo wùn kiwo, wù gbù e və̀y, la wù yòʼ lèm gheéy.

Maak 16:18

A wìr fə̀m wìy ghàr yó e kiwó ki, kìn wù nò a dzə̀ ndzəʼ, é la wù yòʼ lèm. Wìr láʼ kiwó e ŋgaà yàsí wùn, é wù bónén.»

Ŋwàʼ Jov 1:6

Wáa dzə e kishiíy kímóʼ kí, nsheèlav se Nyùy si báʼtí e Nyùy Tǎr si ji á duŋri kitú, a Satan dzə̀ sá e ŋgoo.

Daniel 3:28

Fòn nèn sùúy jii, «Búríi wáa dzə fo Nyùy wo Shadrak, wùn à Meshak, à Abednego ghvə́mé. Wù‑uù tsə̀nsí nshìylav rə, yì wíy, e bòyìr vé lìm və́ ve á yeʼtin a dzə̀ e wun wùn, e tèn fóo yunín nsər yem, e fò vitú vév ji bòŋ aá nyavri aáwune, e shaà fo áwune ghvə́m nyùy wùmòʼ, e shaà Nyùy wov.

Nsùyrì Nyùy 34:7

Nshìylav Nyùy Tàr kiŋsìn wír ve á ghvə́m Nyùy Tàr. Yì kiŋsìn áwune, boyìr fo kpúu.

1 Pita 3:13

A vèn lò, a yiì a dzə̀ vinyo ve juŋ vi bey, bo dzə̀ kfə̀n yiì la ven e kinyo ki?

Daniel 3:18

Yii bèy, a Nyùy fə̀m tèn fóo sə ver, nyàr, bo bó yòʼ dzə̀ féyì feyì vèr mùm á ji á ghvə́m nyùy və, kìn ji vèr wáa sùyrì shibvə̀m she fòn fèrìn e wóo, e tùúy shìn.»

Ŋwàʼ Jov 38:7

Ndzə lóo ran e kijàvndzə foo fèy, mejiy mè wàa yiì mo yov wíri luŋ e mfòn, a nsheèlav sém sidzə̀m si kwá mo e kishéʼrì ki.

Ŋwàʼ woó Rom 1:4

Wù biímé kinyo ke Tàr wov Nyùy shilív shidzə̀m, e wìy kpù, Nyùy nèn fə̀ə́r wun woo Taàtá wòsən Jesus Kristu və̀n fo kpu, e dìn ji Wán və wo wù sí tíy vitú fo vifá vi vidzə̀m.

Ŋwàʼ Luk 1:35

Nshìylav Nyùy bìnèr sho jii, «Kiyoy ke Ranén kí yíi wìy fo wò, é Nyùy woo Taà Vitu yii e vitaáví və́ ví, áà tiím bvəm. Bìʼ bey, aá nèn wìy a yòŋ wán woo shooy ji wo ranén, e kfə̀n a yòŋ ji Wan Nyùy.

Ŋgàn 30:4

Yì‑iì kòʼ ne la é yuv, e dù sə̀y? Yì‑iì bàʼtí ne la shwér, e kfə̀vtí e wun mvə̀m kiwo? Yì‑iì kùr ne la wuú é mbàʼ mo wìr kùr kifá e ndzə̀y? Yì‑iì tùúy ne la vitóŋtóŋ vé ndzə? Yír ŋgaàŋe dzə̀ ji la, yé wan ji la? Suúy e mò, aà fèn kì.

Jeremia 1:8

Lá à yòʼ a fàn áwune. M yíi a dzə wòsò, a kìŋsìn wò. Suuy mo woo Nyùy Tàr.»

Jeremia 15:21

M wíy yiì, áà boy fo vé yiì kisaŋé wo, e tin wò fo vé nə̀ʼsìí wo.»

Daniel 3:24

Fòn Nebukadnessar lò, e tùm é yuv, a shúu má ne wun. Wù dzə́r e vé ntir vəə́ jii, «Vèsən yoʼ lò màʼ wíri é və̀y ataár, aá dzə̀ akúrín a?» Áwune bùn fon jii, «Nyàr, dzə̀ á mo kí kì dzəə̀n.»

Daniel 6:23

Kinyo kìn ki bóŋ fon feyì, a móo fèr yòʼ dzə̀. Wù fó sáʼ ji á fəə́r á Daniel fo mbvə̀ʼ. Á bèy, á nèn fə̀ə́r wun fo mbvə̀ʼ, a bó wù yòʼ kér kileémé, à shishàr sho. Wù‑uù lùŋ, bìʼ fo wù‑uù wayin shilív a dzə̀ e Nyùy wùn, Nyùy və wo wù‑uù ghvə́mé.

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.