Daniel 3:22 - ŊWÀʼ NYÙY

²² Və́y wo wú bo e ŋàŋé‑eè fə̀ə́r kiyúy, kí yúyrí vé nsər ve vé‑eè liìn Shadrak, wùn à Meshak, à Abednego, e dù, e màʼ fo, bìʼ fo sáʼ fòne kù‑uù siìn féyì ji á yuŋri á və́y, é wú ríʼsín, e shaà a mo wú yii lumè.

Daniel 3:22 Referans Kwoze

Ŋgàn 21:18

Á wíy lì wír ve á méŋ Nyùy, e tin ve á koŋ wun sho, e lì ve á yoʼ biìmé Nyùy, e tin ve á dzəə̀n tìítiy sho.

Ŋgàn 11:8

À yúnin Nyùy, à bòy fó ŋgeʼ, méŋ wun, à nə̀ə́ shó nəə́n.

Ŋwàʼ Fəə 12:33

Wír veé Ejivi nèn kù a gìtì, a fəə́r wír veé Isray fo wòŋ, fəər bèy, suuy jii, «Aáwune dzə̀ là fó lò fo wòŋàn, bo vèr sì aŋkfə.»

Lim Aŋgàa Ntum 12:19

Fòn Heror yú, e fə̀ə́r wíri, á wáa ghan, a tàʼ. Á tàʼ ntéŋ, wù nèn kòʼór vé rər viy, a dzətí vinyo aáwune, e yiì lò, e sùúy ji á wàá li, e dù yùyrí. Mo kee shooy ki shaàn, Heror nèn lò fo mbìv wòŋ yee Juda foo fèy, e sə̀y é mvə̀mlaʼ Sisaria, a dzə fo.

Matio 27:5

Judar nèn màʼ mbàm sìy e lav cù, e fəə̀, e dù, e kèsìn.

Daniel 6:24

Fòn fó sáʼ, á wìy e vilum ve vé‑eè toyin kinyo e Daniel bàm víyi, e màʼ áwune é mbvə̀ʼ abvərə̀ʼ fey. Á ku tàtí sa vikìy vév wùn à wóné, e màʼ fo. Abvərə̀ʼə́ táv, e ghàʼ áwune. Áwune wáa jì ji á meé é sar mbvə̀ʼ, aàbvərə̀ʼə́ sáʼtí ne áwune sáʼtin, à vighvə́r ví shó.

Daniel 2:15

Wù wáa suŋnín e Ariok, a dzər sho jii, «Ábaáy, sáʼ fòne lò, e fəə̀ kigir kigir bèn ji ka?» Ariok nèn naàrì mo kinyo kee shó ki kì dzəə̀n e Daniel, e naáy naáy.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

1 Afòn 13:28

wù kóʼ, e dù yèn dzə́n rəy, a yí néŋ e ghaa dzəə, a bvərə̀ʼ wùn kimbèʼbìy kí tíy fo ghaŋ, a bvərə̀ʼ yoʼ kfə̀r dzə́n, a wù yoʼ kfə̀r kimbèʼbìy.