Daniel 3:18 - ŊWÀʼ NYÙY

¹⁸ Yii bèy, a Nyùy fə̀m tèn fóo sə ver, nyàr, bo bó yòʼ dzə̀ féyì feyì vèr mùm á ji á ghvə́m nyùy və, kìn ji vèr wáa sùyrì shibvə̀m she fòn fèrìn e wóo, e tùúy shìn.»

Daniel 3:18 Referans Kwoze

Matio 10:39

A wìr lò, a bavtí kitú kfə́ ji fo wun kpú, bo ŋgaàŋ kù wíy kpu. Wìr maʼay kitú kfə́ bìʼ kinyo kém, bo ŋgaàŋ wíy shaàrì.

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Joshua 24:15

A vèn tàn shií wó a ghvəm Nyùy Tàr, vèn nèn shòʼ é kishiíy ké lán ki anyùy ve vèn yíi a ghvəm. Kìn vèn yíi a ghvəm a dzə̀ anyùy ve atàr véné‑eè cu e Mesopotamia, kìn anyùy wìr veé Amor veé nsay ye vèn dzə́ sho. Bo, fo kém kí, vèr à kfə́ə yémé e dzə̀m, vèr yíi a ghvəm a dzə̀ Nyùy Tàr.

Daniel 3:28

Fòn nèn sùúy jii, «Búríi wáa dzə fo Nyùy wo Shadrak, wùn à Meshak, à Abednego ghvə́mé. Wù‑uù tsə̀nsí nshìylav rə, yì wíy, e bòyìr vé lìm və́ ve á yeʼtin a dzə̀ e wun wùn, e tèn fóo yunín nsər yem, e fò vitú vév ji bòŋ aá nyavri aáwune, e shaà fo áwune ghvə́m nyùy wùmòʼ, e shaà Nyùy wov.

Ŋgàn 28:1

Wír ve á méŋ Nyùyi nyéŋ là ŋgaà jùm, a ve á yú Nyùyi tíy ji ŋkǐŋ moo bvərə̀ʼ.

Ŋwàʼ Jov 13:15

Rúrú, a Nyùy lò, a yuyrí mo, bo m kù‑úù wáa yeʼtí a dzə̀ é wùn wó. A wù lò a yuyrí, bo m kù‑úù tiím é si wo, e bóo tunér kitú kém.

Lim Aŋgàa Ntum 4:19

Pita wùn Joon nèn bìnèr jii, «Vèn ku kwàʼtì kinyo ke Nyùy koŋ ji wìr yii. Wù koŋ ji wìr yú kinyo a dzə̀ ké wìr moo ké wun woo Nyùy a?

Cù 19:4

«Lá vèn yòʼ bìn ndzə̀m e mò, e fèr mebvə̀m e kisha ki ji anyùy vén, a ghvəm. Dzə̀ mo Nyùy Tàr woo Nyùy won.

Matio 10:28

Lá vèn yòʼ a fàn wír ve dzə̀ á yùyrí ven a dzə̀ fó wùn cáʼcáʼ, a bó yòʼ dzə̀ á kùm kiyóy kén. Wìr wo dzə̀ vèn wàa fàn dzə̀ Nyùy wo dzə̀ wù tàtí wún wùn à kiyoy ke wìr ki, e laàr e və̀y.

Matio 16:2

Jesus bìnèr jii, «Shùy yii lóo toŋrí, vèn yén, a mbàʼ baaŋè, vèn wàa suúy ji ndzə yíi bvəəshí, e bòŋ feyì.

Hibru 11:25

Wù kàŋ kfə́ ji kí bòŋ a ji wun wáa yen a dzə̀ ŋgeʼ wùn à wír ve dzəə̀n vé Nyùyi, e shaà fó a way kiwó e kinyò ke bi kí ji wun wáa yu vijuŋ, a bó yòʼ dzə̀ ví tìytíy.

1 Afòn 19:14

Elija bìnèr jii, «Nyùy Tàr, Nyùy woo Taà Mànjòŋ, mò‑oò rə́si ghán ntum a dzə̀ ye. Yii bèy, wír veé Israyi gbù ne mensaŋ mè, e kètì kíy sé se cù, e yùyrí aŋgàa ntum vé. Bèr ne mo vèr mòʼón, aá kfə̀n sí taʼ sa ji á yúyrí á mo.»

1 Afòn 19:18

Yii bèy, m yíi bavtí wír nsə̀kì saàmbà e Isray, a dzə̀ wír ve á yòʼ‑oò yiì ne tsə̀m ndzəə́ e nyùy woo *Baal, aá yòʼ‑oò yiì ne baàmé shibvə̀m sə́.»