Daniel 3:14 - ŊWÀʼ NYÙY

¹⁴ Fòn dzə́r aáwune jii, «Shadrak, Meshak, à Abednego, kù yòʼ dzə̀ rú ji vèn tèn fóo ghvəm anyùy vém, e tèn fóo ghvəm shibvə̀m she mò‑oò tuuyin á?

Daniel 3:14 Referans Kwoze

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Daniel 3:1

Fòn Nebukadnessar nèn fèr shibvə̀m e *kisha ke mbàm ke baar kí, a vida və́ ví dzə̀ kóy nshòv sitàn e ghvə̀m, vikuʼùy ví wáa dzə kóy e kimbéʼ ki. Wù‑uù tùúy shibvə̀m shee shoon a dzə̀ é mboʼ yeé Dura e wun kishev ke wòŋ ke dzəə̀n Babilon.

Aysaya 46:1

Nyùy Tàr suuy jii: «Ké nyùy woo Bel wùn Nebo ki kù mày ne bèn. Á lì ne aŋkùvtu vév, e kùr e vimbèʼbìy ví ndzə̀m, a dù sho. Á lì ne mebvə̀m mèn, a rəʼə́y nyám sho, a sí dór ne, a làv làvìn,

Daniel 4:8

Fo bàm, Daniel nèn wìy, wun wo vé‑eè shuùn yír yímóʼó ji Belteshasar, kù mo yír nyùy womé dzəə̀n, a dzə̀ wír wo wù yú kinyo fo kiyoy ke anyùy ve á dzəə̀n aránéné. Wù dù, e wìy, m wáa naarì njèm yem shó, a suúy jii,