Daniel 3:13 - ŊWÀʼ NYÙY

¹³ Á bèy, Fòn Nebukadnessar túmnín, a tímé sí ndzə́ʼ ndzəʼə́n, e sùúy ji á koórí á Shadrak wùn à Meshak, à Abednego, e wìy a sho. Á koórí wónlě vilum vìn, e wìy sho e fòn si.

Daniel 3:13 Referans Kwoze

Daniel 3:19

Mo áwune bìnèrìn bey, kinyo kìy ki nəə́ e Fòn Nebukadnessar vighìy, rə́r sə́ sí kúvsín bìʼ Shadrak wùn à Meshak, à Abednego. Wù nèn fò sáʼ e vé lìm vəə́ ji á yuŋri á və́y é kimbiirìn fèy, é kí ríʼsín, e shaà mo kí yii lumè.

Daniel 2:12

Fòn yú, kí tínsín wun e ŋàŋ, tím rəə́ ndzə́ʼ, wù nèn fò sáʼ ji á ku laàr a wir si e dzə̀m láarin fó wòŋ woo Babilon.

Lim Aŋgàa Ntum 24:24

Vishiíy ví lòo koʼtí, Feliy wùn wiiy və Duusila wìy ji á yén a Por, a wiíy dzə̀ wír woó Juda. Á jàŋ Por, wù wìy, á wáa yuurí, wù wáa fèr mo dzə̀ wìr wày shilív e Jesus Kristu wùn.

Ŋwàʼ Luk 21:12

Vèn wáa kiíy ji bo vinyo vee shooy vi wáa koóy, á wíy a koorí ven, a nyàvrì sho, bìʼ fo vèn dzəə̀n wír vém. Á wíy a saʼ nsaʼ sén é ŋgày se bùnrì, a way ven é sháŋ. Kfə́n wíy lo, aá wáa tiír ven áàfone wùn à vitú ve bàràʼ ví si.

Ŋwàʼ Luk 6:11

Kí gháʼ wír vìy, a wáa ŋeèy, e nèn bìn, a taŋ mo dzə̀ á yiì e Jesus.

Maak 13:9

«Vèn wáa kiíy ji á wíy a nyàvrì e vèn, a koorí, a dù sho e lav se nsaʼ, e kfə̀n a dzə̀v ven é ŋgày se bùnrì, bìʼ fo vèn dzəə̀n wír vém. Á wíy a lì nsaʼ yen fó mbìy, a dù sho fo afone, kfə̀n a dù sho fo vitú ve saʼ ve bàràʼ vi. A vèn wíy a tiím e wír vee shooyí si, a fìʼtì a dzə̀ sáʼka Nyùy wo juŋ, aá wáa yu sa.

Matio 10:18

Á wíy a toy vinyo e věn bàm, bìʼ fo vèn dzəə̀n wír vém, a lì, a dù sho fo vitú vé bàràʼ vi wùn aàfoné si. A wíy yiì Nyùy bèy ji vèn lóo tiy fo, é vèn fíʼ a fìʼtì a dzə̀ kinyo kfə́, é vitúm wùn à vé wòŋe wáa yu adzə̀m.

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 27:3

Tíyí dzərì, a síy si dzər sa, yii bèy, a tínsín ye kiyúŋ kí tínsin wíri dzə̀r, e shaà vidzə̀m.

Ŋgàn 17:12

Kí bòŋ, é wìr bvə́y e kiyìy ké bvərə̀ʼ ke á koon wán kí kitu, e shaà fóo bvəy e kiyúŋ kí kitu, e yen kiyúŋsì kfə́.

Kèʼlo 4:5

Yii bèy, wù ŋwáy Keen wùn à rə́ yee cúu. Keen nèn a shwiíy kilòŋ é ŋàŋén, a tsəmrí rə́r.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.