Daniel 3:12 - ŊWÀʼ NYÙY

¹² Wónlě nsùm vee wír veé Juda ámóʼó dzə̀ á mo fòn‑eè lèmèn ji á wáa leéy a vinyo vee wun kishev ke wòŋ ke dzəə̀n Babilon. Áwune dzə̀ á ji Shadrak, Meshak wùn Abednego. Nyàr, wónlě nsùm vìne ŋwáy a sáʼ fòn ŋwáyín. Áwune yòʼ ghvə́m a anyùy və́, a bó á yoʼ lò ghvə̀m á shibvə̀m shee kisha ke mbàm ke baar kí, she fòn‑eè tuuyin.»

Daniel 3:12 Referans Kwoze

Daniel 6:13

Á bèy, áwune bùn fon, e sùúy sho jii, «Daniel və̀y, woo wír woó Juda, wo vé‑eè koon é shùu rər yòʼ yén a fon ji kifá, a bó wù yòʼ ghvə́m a saa nsər ye fòn‑ee dònèn. Wù kù dzəə́ bunrì a akàŋ ataár e kishiíy.»

Daniel 2:49

Daniel nèn bùn fon bìʼ ŋkar sə́, wù lém Shadrak wùn à Meshak, à Abednego, á wáa lìm vinyo veé wòŋ woo Babilon, wúnwun Daniel góʼ kfə́ é mvə̀m ntoʼ.

Lim Aŋgàa Ntum 17:7

Jason səə́sí, e wày e wùn lav. Áwune shóʼor nsər se Fòn woó *Rom, suuy jii, ‹Wo sən woo fon dzə̀ shó, aá yoŋ ji Jesus.› »

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Lim Aŋgàa Ntum 5:28

«Bó vèr yòʼ‑oo lo kàntì ji lá vèn yòʼ dzə́ə a yeʼéy wír kinyo ke Jesus à? Vèn yén ri kinyo ke vèn yiìn kí. Vèn sàmèr ne yéʼéy yén Jerusalem e dzə̀m, a tàʼ ji wíri wáa bashí ver ji vèr kì fo Jesus kpu.»

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Esta 3:8

Á bèy, Haman ku nèn bùn fon, e sùúy jii, «Wír ámóʼó tàʼár a ne vitú vév, e shwìr wún á e wír fòné mvəm. Á sì á vishév ve wòŋ vidzə̀m vee fòn nsay. Nsər sév sí yòʼ fə̀m táti a sé wìr ámóʼó e fòn wòŋ, a bó áwune yòʼ yúnin a sáʼ yeé ntoʼ. Bìʼ bey, bó kfə́ə wìr vee béne yoʼ ghèén a ji fòn lem, aá wáa dzə e wun nsay.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 2:48

Á bèy, Fòn Nebukadnessar nèn kòʼór Daniel, e nə̀ʼsín wun aàfómo ve wiyí anín, e lèm wun, wù wáa saʼ kishév ke wòŋ kee Babilon kidzə̀m, e kfə̀n fò wun vitaáví, wù wáa saʼ vé si adzə̀m vee fó.

Daniel 3:11

Yii bèy, wìr tén ji wun yòʼ tsə́m e nsay, e ghvəm shibvə̀m shìn, bo á li a ŋgaàŋ, e màʼ e kimbiirìn ke və̀y ke kí bo, gheʼèmè.

Daniel 3:16

Shadrak wùn à Meshak, à Abednego nèn bùn fon jii, «Nyàr káʼ, bó shií wùmòʼ yòʼ dzə̀ á wo dzə̀ vèr wàa tunér kitú kér e fòn.

Daniel 3:29

Bìʼ bey, sáʼ yémé nén a dzə jii, ‹A fə̀m dzə̀ wír vəné, kìn woó kitum fèé, kìn wù súŋnin a dzə̀ lám gha, wù mvəʼ shuu, e yòŋ kinyo ke kisaŋ ki, e kùm Nyùy wo Shadrak wùn à Meshak, à Abednego ghvə́mé, á kù shètì ŋgaàŋ e vintin vintin, e laàr láʼ sév, é sí kfə́n é vifə̀m sidzə̀m, bìʼ fo bó yòʼ dzə̀ nyùy wùmòʼ bòyìr wír e dzəə ye wóov bòyìrìn áwune shó.› »

Daniel 3:30

Á bèy, fòn nèn kù kòʼór antaʼ Shadrak wùn à Meshak, à Abednego e mbìv wòŋ yee Babilon.

Daniel 6:14

Fòn yú kee shooy, shúu yúm wun feyì. Wù kéʼ a lìm fo kijàvndzə, e dù meé e ŋkuùr, a mùm ji wun taʼ dzə́ə ye a dzə̀ wun bòyìr Daniel sho.