Daniel 3:1 - ŊWÀʼ NYÙY

¹ Fòn Nebukadnessar nèn fèr shibvə̀m e *kisha ke mbàm ke baar kí, a vida və́ ví dzə̀ kóy nshòv sitàn e ghvə̀m, vikuʼùy ví wáa dzə kóy e kimbéʼ ki. Wù‑uù tùúy shibvə̀m shee shoon a dzə̀ é mboʼ yeé Dura e wun kishev ke wòŋ ke dzəə̀n Babilon.

Daniel 3:1 Referans Kwoze

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

Jeremia 16:20

A dzə̀ wíri fèr anyùy vév á? Àáy, aá fèr, bo yòʼ dzə̀ vee shooyi wàa dzə anyùy.»

Aysaya 46:6

Wír ámóʼó lo, á kùúy kisha ke mbàm ke baar kí wùn à ke fəvír kí, kuuyì, á nèn tàʼ taà kilàm, e làʼ, wù fèr shibvə̀m sho. Wù fer maysì, ŋgaà shibvə̀m nèn a tsəm e si wo, a ghvəm.

Hosea 8:4

«Áwune lo, á ghaà wír, e kòʼór ji fon, a bó á yoʼ mbaà mo, lo, á shòʼtí vilìmbìy, a bó m yòʼ kì fó fo. Á li kisha kév ké mbàm ke baar kí wùn à ke fəvír kí, fer a dzə̀ mebvə̀m sho. Áwune yii bèy, a kù yíi lày kitú kév.

Lim Aŋgàa Ntum 19:26

A vèn yén, kfə̀n yú sa kinyo ke jwè woo Por və̀y yii e Efesor fèn, kfə̀n yii woŋ Asia e dzə̀m. Wù ghán, suuy ji anyùy ve á fer e wóo víne yòʼ dzə̀ á anyùy gheéy, binèr wír anín.

Lim Aŋgàa Ntum 17:29

«Mo vèsən dzəə̀n wón wun woo Nyùy, lá vèsən yòʼ a kwàʼtì ji mbom rə dzə̀ moo kibámmbó ke naŋsin wír e vifií və́ ví, kìn wù tòn a dzə̀ kisha, kìn wù sèm a dzə̀ tíy.

Aysaya 2:20

Wíy lòo dzə e kishiíy fóo fèy, é wìr dzə̀m maʼay mebvə̀m mev, mebvə̀m, a vé‑eè fer e kisha ke mbàm ke fəvír wùn à ke baar kí, fer ji anyùy vév, nèn ghvə́mé. Á kù wíy màʼày a dzə̀ e virònnsay wùn à vilíim ví.

Nsùyrì Nyùy 135:15

Anyùy ve vitum vi cúu dzə̀, a fèr wíri e wóo, aá fèr a dzə̀ e *kisha ke mbàm ke fəvír kí, kìn e ke baar kí.

1 Afòn 12:28

Fòn Jeroboam nèn lò, e keèrí kwaʼtì, e fèr wón nàʼ abaà e *kisha ke mbàm ke baar kí, e nèn sùúy e wíri jii, «Vèn kòʼ ne e Jerusalem fèn e ŋàŋ. Wír veé Isray, vèn leéy, anyùy véné víne. Anyùy ve vé‑eè fəərin ven, e kòʼ shó fo Ejivi vìne.»

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Daniel 2:48

Á bèy, Fòn Nebukadnessar nèn kòʼór Daniel, e nə̀ʼsín wun aàfómo ve wiyí anín, e lèm wun, wù wáa saʼ kishév ke wòŋ kee Babilon kidzə̀m, e kfə̀n fò wun vitaáví, wù wáa saʼ vé si adzə̀m vee fó.

Jeremia 10:9

Á lo, á wìy e kisha ke mbàm ke fəvír kí fó Tarshish, e wìy e ke baar kí fó Ufas, e lòm shó. Vifá vìn vi kù dzə̀ lím vé fèri wùn à vé kilàme. Áwune fer bèy, á nèn kùr ndzə̀y é wùn wó. Ndzə̀y se vé fèri naŋsin, e bà, e nàá, sí wáa rə̀sìn ji lìŋ.

Aysaya 30:22

Kù é ghan fóo fèy, é vèn nèn a kuúy mebvə̀m men medzə̀m, me á shèŋrìn e *kisha ke mbàm ke fəvír kí, kìn e ke baar kí, a màʼày moo vifá ve ví kóʼoyì, a yen feyì ji vifá ve lom vi.

Remrí 7:25

Vèn wíy tòn mebvə̀m mev me á semen ji anyùy e və́yí. Lá vèn yòʼ wìy kùm *kisha ke mbàm ke fəvír kí, kìn ke baar kí, ke á laʼtin e mebvə̀m mèn mè wùn. A vèn mùm, bo wíy a dzə kitám ke dzə̀ vèn lì shó, bìʼ fo mebvə̀m mee shooy mè dzəə̀n joonè e Nyùy Tàr woo Nyùy wón si.

Ŋwàʼ Fəə 32:31

Mooser nèn kfə̀n kòʼ é gwan, e tìím e Nyùy Tǎr si, a lon wun, a suúy jii, «Éè Nyùy Tàr, wír vìne jày jay wo tavín féyì. Áwune fèr shibvə̀m e kisha ke mbàm ke baar kí, a ghvəm ji Nyùy.

Ŋwàʼ Fəə 20:23

Lá vèn yòʼ fèr mebvə̀m ji vèn fíʼ a cù mo á yii cu mo, kìn dzə̀ me á fèrìn e kisha ke mbàm ke fəvír kí, kìn ke baar kí.

Ŋgaà Yen 9:20

Wíri fòy bèy, la kibér ke kí bòyìn kí yòʼ fə̀m fìír, e bìnèr melív mev gheéy. Á kú a yòm *anyùy ve á ghán e shwer, e kfə̀n a cù vifá ve á fer e wó yéví, yoŋ ji anyùy. Fer vímóʼ ví a dzə̀ e kisha ki, kìn dzə̀ ké mbàm ke baar kí, kìn ke fəvír kí, kìn dzə̀ kiné kí. Lo, á sèm kímóʼ kí a dzə̀ tíy, kìn kicí. A bó yòʼ dzə̀ anyùy vìne yèn kirə́ʼ, a bó yòʼ dzə̀ á yù kinyo, a bó yòʼ dzə̀ á ghàn.

Daniel 3:30

Á bèy, fòn nèn kù kòʼór antaʼ Shadrak wùn à Meshak, à Abednego e mbìv wòŋ yee Babilon.

Esta 1:1

Yì‑iì dzə̀ é ghan se Ahasuru‑uù dzəə̀n fon woó Persia, wù‑uù sáʼ woŋ, a wú kéʼ fó India, e dù, e mày e Etiopia. Vishév ve wòŋ və̀n vi‑iì dzə̀ nshòv saàmbà e mbaà é wiì (127).

Daniel 3:14

Fòn dzə́r aáwune jii, «Shadrak, Meshak, à Abednego, kù yòʼ dzə̀ rú ji vèn tèn fóo ghvəm anyùy vém, e tèn fóo ghvəm shibvə̀m she mò‑oò tuuyin á?

Daniel 5:4

Á ku nèn a no meluʼ, a ghvəm mebvə̀m me vé‑eè fèrìn e kisha ke mbàm ke baar kí, à mee ke fəvír kí, à mee kee *brons ki, à mee kisha kee kisha ki, e bóo lì me vé‑eè semen a dzə̀ e kicí kí, à mee tíyí mè.

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Daniel 2:49

Daniel nèn bùn fon bìʼ ŋkar sə́, wù lém Shadrak wùn à Meshak, à Abednego, á wáa lìm vinyo veé wòŋ woo Babilon, wúnwun Daniel góʼ kfə́ é mvə̀m ntoʼ.