Daniel 2:9 - ŊWÀʼ NYÙY

⁹ Kí nén a dzə jii, a vèn dzə̀ là fóo fèr njèm rə̀n e mò mo yì dzəə̀n, é m kiíy, bo m kù kér kinyo kimòʼón ke m lo, e yiì e vèn. Vèn suùsín ne ji á wáa boʼtí mo, a taŋrí vinyo a kù dzə̀ vé kinshwìv vi, bìʼ fo vèn kwaʼtì ji á lóo yiì bèy, ghán sí lóo dù, é kinyo ke m sév ki kúvsín. Bìʼ bey, vèn fer njèm yem e mò, é m bóo fíʼ kiíy ji dzə̀ vèn tòʼtí nsàv.»

Daniel 2:9 Referans Kwoze

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Aysaya 41:23

Vèn ku yoòyí o kinyo ke kí dzəə́ wìy koóy ki, é vèr nèn kìíy ji vèn sà dzə̀ rú anyùy moo ŋgáŋ á. Vèn ku yiì o kinyo ki, kìn dzə̀ ke dzə̀ kí sə̀ wír, kìn ke dzə̀ kí fò a dzə̀ kileémé, é vèr yén, é shúu má ver, aá wáa fàn.

Esta 4:11

«Wìr dzə̀m kì mo nsər dzəə̀n é ntoʼ. A fə̀m dzə̀ nshìylav, kìn dzə̀ wír wo wù dzə́, a fə̀m dzə̀ é mbìv wòŋ rəné, bo á kù kì. A wìr sàsìn, e tò é mvə̀m ntoʼ, kìn dzə̀ wiíy, kìn lumèn, a bó á yoʼ tòóy tooyín, bo ŋgaàŋ kù kér a fóo kpu. Wáa dzə ji lá á yòʼ yùyrí ŋgaàŋ, bo fòn kù kér fóo ràmsì kitoómé kfə́ ke á fèrìn e *kisha ke mbàm ke baar kí shó. Kém kí dzə̀, a sì lèn kishiíy mtaár, a bó á yoʼ dzəə tòóy mo ji m nəə́ é mvə̀m ntoʼ.»

Daniel 5:28

Nsàv ‹Kijàv› dzə̀ á jii, á jàv a ne woŋ və́, e fò á mbìv yìmòʼ e wír veé Mediàa, e fò á yìmòʼ e wír veé Persiàa.»

Daniel 3:15

Kí nén a dzə̀ jii, vèn dzəə́ yìi yu sóŋ, e yu loŋ, e yu lúŋ, à yé nshìí, e lì yé mbàytìi, é vifá vìn vi laŋsin, é kiléŋléŋ kí wáa koʼ. Vèn kù yòʼ yíi yu, a dzə kibáʼtín fóo tsəm, a ghvəm shibvə̀m she mò‑oò fèrìn á? Yii bèy, a vèn tèn, bo á kù‑úù li ven é nsənnsən, e màʼ e kimbiirìn ke və̀y fo və́yí bo, gheʼèmè, é m yén ó nyùy woo shó wo wù yíi fəə́r ven fó fo.»

Esiker 13:6

Áwune yén vinyo ji din a Nyùy, yii bèy, a kù dzə̀ vé kisaŋ vi, maʼ fú kimboʼtìi. Á fiʼtì ji Nyùy Tàr suuy ji, Nyùy Tàr suuy ji, a bó m yoʼ tùm áwune. Á fiʼtì bèy, kwaʼ ji kinyo ki waà kooy rú.

Aysaya 44:25

Kù dzə̀ mo wo m lo, m bvə̀ə́r vinyo ve vé fùú suuy ji ví yíi a koóy. Bvəərì, m yiì, vé fù víne wàa sənín viyúŋ. Kù dzə̀ mo wo m bvəər vinyo ve wìr ve á yén ji á fìír, din ji vifií vév ví dzə̀ á kiyúŋsì.

2 Korin 2:17

Kù mày wír ve tumen Nyùy moo ver ve á fiʼtì kinyo kfə́ là melarìwo. Vèr nén a yu a dzə̀ fo wun, a fìʼtì, là kiloʼ, a suúy kinyo a dzə̀ e Jesus Kristu yir.

Daniel 5:31

Darius woo wír woó Media nèn faàsì vifon, a saʼ, a wù‑uù dzə̀ kiyá nshòv sibaà e mntuùfú e ghan see shooy.

Esiker 13:19

Vèn shòór ne yír yém e wír vémé si ji á diy a kù dzə̀ kiwó ke saŋ yee *barli, kìn kimbéʼ ke kiban. Vèn bóʼti wír vém, aá kù koŋ kòŋèn, a kimboʼtì kén kí yúyri wír ve yòʼ kì dzə̀ á kpù, bávti wír ve kì dzə̀ á kpù.›

Esiker 13:17

Nyùy Tàr sii yòŋ mo jii, «Wàn wìr msòŋ, leéy vikìy veé Israyi, e kàv vishí, e nyàysì áwune ve á tiísi ntum ji ye Nyùy, a kwáʼtí áwune. Ku beèmè áwune.

Ŋgàn 12:19

Suuyrú kù yii tíy fo ŋkuuŋkùŋ, a kimboʼtì ki yòʼ yii tíytiyì.

1 Afòn 22:22

Nyùy Tàr dzə́r á sho jii, ‹À yíi ghan e le, e bóo levtí wun.› Kiyoy kìy ki bínér á jii, ‹M yíi dù, e way kimboʼtì aàŋgàa si vəə́ shuù adzə̀m.› Nyùy Tàr biímé, e sùúy jii, ‹À yíi dù rú, e levtí. Dù ri, e yiì mo à suuyin.› »

1 Afòn 22:6

Fòn woó Isray nèn tòóy aŋgàa si və́, aá dzə̀ moo wír ghii kweè bèy, e dzə̀r aáwune jii, «M nəə́ Ramot‑Gilead e rə́r sí moo ŋgáŋ á?» Á bìnèr ji fòn wàá nəə́. Fòn waà du, e tòn a áwune. Nyùy Tàr yíi dù, e way a Ramot‑Gilead e fòn kiwo.

Daniel 2:8

Fòn bìnèr aáwune jii, «M kì kiránén ji vèn kù ghvəə́ bèy ji ghán sí fíʼ a koʼtí, bìʼ fo vèn kiìn ji kinyo ke m kì wayin kí kù tíy a fo.

Daniel 2:16

Daniel ku nèn dù e ntoʼ, e bùn fon, a lon ji fòn ku fò á wun ghán shishàr, é wun tóʼtí á nsàv njèm rə.