Daniel 2:5 - ŊWÀʼ NYÙY

⁵ Fòn nèn bìnèr aáwune jii, «M kù tíy e kinyò ke m kì wayin. A vèn dzə̀ làa yòʼ fèr njèm ye yì kì shiin mo, e toʼtí nsàv, bo m lo, e yòŋ, aá sheti ven é vintin vintin, é láʼ sén sí du é kibvə.

Daniel 2:5 Referans Kwoze

Daniel 3:29

Bìʼ bey, sáʼ yémé nén a dzə jii, ‹A fə̀m dzə̀ wír vəné, kìn woó kitum fèé, kìn wù súŋnin a dzə̀ lám gha, wù mvəʼ shuu, e yòŋ kinyo ke kisaŋ ki, e kùm Nyùy wo Shadrak wùn à Meshak, à Abednego ghvə́mé, á kù shètì ŋgaàŋ e vintin vintin, e laàr láʼ sév, é sí kfə́n é vifə̀m sidzə̀m, bìʼ fo bó yòʼ dzə̀ nyùy wùmòʼ bòyìr wír e dzəə ye wóov bòyìrìn áwune shó.› »

Esra 6:11

A m kfə̀n suuy sa jii, a wìr lòo dzə e shòʼór sáʼ rə̀n, bo á bay kicí ké ŋkoytì fo wun lav, e shovtí mbìv yìmòʼ, e tuŋ wun sho e yuv, aá nèn lì lav rə ji kirə́ʼ ke á maʼày vifá sho.

2 Afòn 10:27

Á kfən bvə̀ʼə́y sə́y ye vé‑eè tuuyin ji yé nyùy woo Baal, e sàʼ lav cù Baal, e siìr fó ji ŋkùy. A kù dzə̀ mo fóo dzə̀ə́, e wìy shem lán.

Nsùyrì Nyùy 50:22

«Ven ve á laysìn Nyùy, vèn səəm kin ki. Vèn səəm, fo m yiì sàtì ven, é la wìr yòʼ a dzə wóo sə ven.

Daniel 2:12

Fòn yú, kí tínsín wun e ŋàŋ, tím rəə́ ndzə́ʼ, wù nèn fò sáʼ ji á ku laàr a wir si e dzə̀m láarin fó wòŋ woo Babilon.

Nsùyrì Nyùy 58:7

Ku yiì, aáwune ŋeémé, e lày moo kibúŋrí, aá nyeŋri áwune, aá yúm moo viŋgà.

1 Samuel 15:33

Yii bèy, Samuel suúy jii, «Mo nyùy yè yiìn ne, vikìy wáa dzə là wón, bo yè won yíi a dzə sa là wán e vikǐy mvəm.» Samuel suúy bey, e nèn gwàtì Agag e vinsher vinshèr e Nyùy Tǎr kirə̀ʼ ké cù e Gilgal.

Remrí 13:16

Vèn yii bèy, á kùúy kéŋ yee fó e dzə̀m, e dù sho e màwày, e tòn ŋkàlaʼ wùn à kéŋ yee fóo e dzə̀m e və́yí. Vèn ku tòn ji cu Nyùy Tàr woo Nyùy won yee tòn e fur. Fóo kù sí wìy gòʼ e vifə̀m, a bó yòʼ dzə̀ á kfə̀n bàʼrì.

Joshua 6:26

Joshua ká kiŋka e ghan fen, e lìʼ jii, Lǒn Nyùy Tàrí ku shòv wír wo wù wíy a mùm ji wun siir a ŋkàlaʼ yee Jeriko rə̀n fo. Wù wíy way a kinsə̀ŋ, e lày wan və mbìy woo lumèn. Wù wíy wayrí a shuu se kày, e lày wan və bàm woo lumèn.

Daniel 4:9

‹Éè Belteshasar, wò woo kilìmbìy ke vé sii, m kì ji à kér kiyoy ke anyùy ve á dzəə̀n aránén, a bó yòʼ dzə̀ kilìtì ke kinyò ki ghàʼ wò. Njèm‑eè shì mo. Ku tòʼtí nsàv vinyò ve mò‑oò yenen ví, e fò e mò.›