Daniel 2:44 - ŊWÀʼ NYÙY

⁴⁴ «Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.

Daniel 2:44 Referans Kwoze

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Nsùyrì Nyùy 145:13

Vifon vé vi dzə̀ vifon, a bó yòʼ dzə̀ ví mày, a sáʼ yée kù wíy a tiy fo e ŋgwàʼ sí ŋgwàʼ si, là may. Nyùy Tàr kù yii tíy e wun jì, a vinyo ve wù yii vidzə̀m vi kù din mo wù dzəə̀n e juŋ.

Daniel 6:26

Sáʼ ye m fóo dzə̀ jii, «A wìr dzə̀ feé e mǒ wòŋ, bo wù kù kér fó a yunín, a ghvəm Nyùy wo Daniel ghvə́mé. «Dzə̀ wun Nyùy wo wù gòʼòn kàŋ mòʼón, a wù kù dzə̀ ji wun, e dù, e jòʼsì. Vifon və́ ví dzə̀ ve bó yòʼ dzə̀ kifá ki laàr, a sáʼ rəə́ kù wíy a tiy fo, e dù, e jòʼsì.

Mayka 4:7

M wíy lèm antèŋ vee kibér ke wíri, aá gwar kitúm ke sən kí, é wír ve vé‑eè jùmèn viné wìy a dzə kitúm ke kuʼùn kí, é mo woo Nyùy Tàr nèn a saʼ áwune fó Gwan Sion, e kèʼ fo lèn, e dù, e jòʼsì.»

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Daniel 7:27

Á bèy, á wíy fo vitaáví vé saʼ e wír Nyùy woo Taà Vituu, aá sə́ sáʼ yeé kitu ke nsay kidzə̀m, à vikuʼùy və́ ví. A vifon ve Nyùy woo Taà Vitu vi kù wíy a tiy fo, e dù, e jòʼsì, aàfon adzə̀me wíy a lìm fo wun, a yunín wun.

Daniel 4:34

«Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

Aysaya 60:12

Á kù kér fóo wìy a wìy sho bèy, bìʼ fo, a kitúm ki tèn, bo á wíy tòn kitúm kee shooy, é kí lay ŋkuuŋkùŋ. Á wíy tatí vitúm vee shooy, e laàr vidzə̀m.

Daniel 4:3

«Vinyo ve ví din vitaáví və́ ví shoò é ŋàŋ, a viŋgaʼnìn ve vinyò ve wù yii vi dzə̀ viwiíwíy. Kù dzə̀ wun fon ghán sidzə̀m, e dù, e jòʼsì, a sáʼ rəə́ kù wíy a tiy fo, mo ŋgwàʼ wíy a koʼ, a fo ghay e yìmòʼ.

Daniel 2:37

Nyàr, á dzə̀ á fon fo afone. Nyùy woó yuv fò á ne wun kitúm ji á wáa saʼ, e fò á wun vitaáví wùn à vikuʼùy ví.

Kèʼlo 49:10

Kitoómé ké vifòn ki yòʼ wíy buú fo Juda. Kitoómé ké saʼ ki yòʼ wíy buú fo wun nsàn vibìy, e dù, e meé e ghan se ŋgaà kitoòmé wiyì, a dzə̀ wun wo vitúm vidzə̀m vi wíy a yunín.

Daniel 2:28

Yii bèy, a Nyùy dzə̀ á e yuv, wo wù yii sar vinyo veé kilìtì. Wù dìn a ne e fòn kinyo ke kí dzəə́ bvəə́shi a koóy. Mo‑óò fiʼti á e fòn njèm ye fòn‑ee neèmèn é mbvə̀ʼ, yì shí wun, vinyo ve fòn‑ee yenen é njà vinjeenjèm.

Esiker 37:25

Áwune wíy a dzə fo atàr véví‑iì dzə́ e nsay ye mò‑oò foon e Jakov woo ŋgaà wom lìm. Áwune kù wíy a dzə fo, e wìy dù, e mày, ŋgwàʼ yìmòʼ e yìmǒʼ bàm, é wìr wo wù fəən fo Davir woo ŋgaà lìm wóm ram wìy a dzə fon wov, e wìy dù, e mày.

Joon 12:34

Màŋgòŋ nèn a suúy sho jii, «Vèr kì kér fó Ŋwàʼ Nyùy ji *Mfə̀ə́r wo Nyùy‑iì kàʼàn wíy a dzə sho ghán sidzə̀m. À kfə́n a suúy ji á wíy koʼór ŋgaà wo yírí dzəə̀n *Wanwìr e kici moó le? À yoŋ wír və̀n a dzə̀ la?»

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

Daniel 2:34

Kù mo á tíy leey fo ntoʼ, kilán ki nèn wàʼám, a bó yòʼ fə̀m wàʼ á wír e wóo. Kilán kìn ki tsə́y á kibámmbó kin fo wuù, wuú nèn bvə̀ʼə́y e vimbvəʼ vimbvəʼ. Wuú ye vé‑eè fèrìn mbìv kiwuù yìmòʼ a dzə̀ e kisha ki, e fèr yìmòʼ a dzə̀ e nsay mbóm.

Hibru 12:28

Mo sáʼ Nyùy ye vèsən wíy nəə́ shoo dzəə̀n, a bó yòʼ dzə̀ yí sə̀ʼ, vèsən ku nèn a beèrì wun bìʼ kee shooy, a ghvəm wun, a yu a dzə̀ fó fo, a kiíy ji dzə̀ vèsən wàa fàn a wun,

Daniel 2:35

Á bèy, kibámmbó kí ku nèn keèsì, vifá ve á fèrìn shó vi bvə́ʼə́y vidzə̀m, a dzə vikpuún á moo mvə́y se ŋgwàsáŋ wo á buʼun. Kisha kee kisha ki bvə́ʼə́y, à nsay mbóm shó, à kisha kee brons ki, e bóo lì a kisha ke mbàm ke fəvír kí wùn à ke baar kí. Shwéri nèn wìy, e fèér, e dù a sho, la kfəʼ yòʼ kfə̀n à bèr. Yii bèy, kilán ke kí‑ii kèrìn kibámmbó kin ki nen lò, a kùʼ, e mèé e kirùmèn ke wiy kí, e sə̀tí a kitú ke nsay.

Daniel 2:43

Mo fòn‑ee yenen, aá shwír kisha e mbóm wo á tònèn, bo nsàv dzə̀ á jii, atǎr saʼ veé kitum fène wíy a mùm ji á juur a wón vév e kfəə́ se vé saʼa ve wùn áwune sə́ kóy, aá fíʼ tàr shuu. Yii bèy, a bó yòʼ dzə̀ á kí lìm, kù mo bó yòʼ dzə̀ wìr shwír kisha e nsay mbóm, kí lìm.

Hagay 2:7

M yíi sə sáʼ fo vitúm vi vidzə̀m, e koomé bùʼ wov e dzə̀m, e wìy sho e mǒ lav cù, é vijuŋ ve lav yem ví wáa dzə vigháʼtín.› Suuy mo woo Nyùy Tàr woo Taà Mànjòŋ.

2 Samuel 7:13

Wíy a dzə wun wo wù wíy bàʼrì lav ye m wáa dzə sho. M wíy yiì, é sáʼ rəə́ wáa tiy fo ghán sidzə̀m.

2 Samuel 7:16

Rám yée kù wíy a dzə fo ghán sidzə̀m, é sáʼ yée wáa tiy fo là may. Kàvàʼ wò kù wíy a tiy fo ŋkuuŋkùŋ.› »

Daniel 6:27

Wù lo, wù fə̀ə́r wír fo kinyò, e bòyìr ŋgaàŋ, a wù din visəəm, yii viŋgaʼnìn ve vinyò e yuv wùn ǎ nsay. Dzə̀ wun wo wù fəərin Daniel fo abvərə̀ʼə́ wo.»

Hagay 2:22

a m yíi sə sáʼ fo vitúm vi. M sí lo, e màyìr vitaáví vé saʼ se vitum, e bàʼtì *viténtén vév vé rər, à wír ve á ghán shoo. M yíi bàʼtì nyám sév sé ŋkoʼ, é vé koʼo gbukir fó kitu wo, é wìr wáa yuyrí wùmòʼ, aá wáa yuyrí sa nyám se ŋkoʼ sév.