Daniel 2:40 - ŊWÀʼ NYÙY

⁴⁰ Kitúm ke kí wíy meé ji kweè, sáʼ rəə́ wíy tav a moo kisha kee kisha ke kí yii saʼtì vifá vidzə̀m, bvə́ʼəy a e vimbvəʼ vimbvəʼ. Kitúm kìn ki kù wíy a sàʼtì virə́ʼ, a sə̀ʼsì sáʼ vitum ve mbìy vi vidzə̀m réŋréŋ á mo kisha ki yii bvə́ʼəy kifá.

Daniel 2:40 Referans Kwoze

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Joon 11:48

aá lòo dzə, e màʼtì, bo wìr dzə̀m yíi bìn a dzə̀ é bàm wó. Wír veé *Rome wíy nəə́ sho, aá nèn laàr woŋ wosən wùn à kirə́ʼ ké Nyùy kìn ki.»

Amos 1:3

Nyùy Tàr suuy jii: «Abaày, wír veé Damaskusi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè lóvti e wír veé Gileadi, kù mo wìr bùʼ sáŋ, a dzə̀ e kisha ki.

Daniel 9:26

Ghán sin si wíy shaà, aá laar taà saʼ wo á yoʼon ne, e buúr sáʼ fo kiwo wo. Taà saʼ wùmòʼ wíy ŋaʼáy e ghan fèn, é vé rər vəə́ laar ŋkàlaʼ wùn à kirə́ʼ ké cù ki. Á wíy laàr fó mo laàr ndzə́v, é rə́r sí kú a shaà fo mbìy, e meé mo ghán see shooy si‑íì shaa. Á mo Nyùy wayin ji ŋgeʼ si wíy a koóy.

Daniel 8:24

Vitaáví və́ ví kù wíy a dzə vigháʼtín. Yii bèy, a bó kee shooy ki yòʼ wíy lò a dzə̀ fo wun. Wù wíy a tòn virə́ʼ, a bemér wíri, é vinyo ve wù yii vi kú a dù duùn fó mbìy. Wù wíy laàr antav, e kfə̀n laàr wír ve dzəə̀n ji vé Nyùy.

Daniel 2:33

Vé‑eè fèr á shwín sí a dzə̀ á e kisha kee kisha ki, wuú rəə́ wáa dzə, aá fér á mbìv kiwuù yìmòʼ a dzə̀ e kisha ki, e fèr yìmòʼ a dzə̀ á e nsay mbóm.

Jeremia 15:12

A dzə̀ wìr bèʼ kisha kee wúntí kíwun kee wìy fó wòŋ kùyi á? A fə̀m dzə̀ kisha kee *brons, bo a dzə̀ wìr bèʼ á?

Ŋwàʼ Jov 9:17

Wù lo, wù tsə̀y mo, e bàʼ e kinsəm ki, e dzə̀sì vileémé vém fo kisáŋ ki.

Daniel 2:39

Kí nén a dzə a jii, sáʼa wíy gbù fo wun vibìy, é kitúm kímóʼ kí ŋáʼáy, a bó sáʼ kitúm kee shooyi yoʼ tàv á moo rə́. E bǎm kee shooy, é kímóʼ kí wàá ŋáʼáy, a sáʼ rəə́ dzə̀ á yé kishà kee brons, a kitúm kìn ki wíy a saʼ a kitú ke nsay.

Daniel 2:41

Kù mo fòn‑eè yenen wuú kibámmbó kin, wùn à wón wùú, aá fér a dzə̀ e mbóm wo á tònèn, a mbìv yìmòʼ dzə̀, aá fér a dzə̀ e kisha kee kisha ki, bo nsàv dzə̀ á ji bó kitúm kìn ki yòʼ wíy a dzə shuu e mòʼón. Yii bèy, kù mo á yenen, a mbìv yìmòʼ dzə̀ kisha, kibér ki wáa dzə nsay mbóm, bo dzə̀ á mo sáʼ kitum kee shooyi wíy tav sa e mbìv yìmòʼ.