Daniel 2:4 - ŊWÀʼ NYÙY

⁴ Wír ve á yén virə́ʼə́ bùn fon e Lǎm Aramayik jii, «Bvərə̀ʼ, sàŋ wo wù lo ghán sidzə̀m, fòn ku fèr a njèm rə, áàkwàn vəə́ tóʼtí á, e fò e fòn.»

Daniel 2:4 Referans Kwoze

Daniel 5:10

Yaà yeèfòn nèn yù mo fòn wùn aàtǎr laʼa súŋnin, a jì nanènè, wù líy, e shèm é ŋgày ye vé‑eè yí ŋkàʼ shó, e bùn fon jii, «Nyàr, fòn kù wíy a ban a moo shúy, e dù, e jòʼsì. Lá vifií vé tàr wor ví yòʼ à bvəə̀rí, é tàr wor wáa rəə́y.

Daniel 3:9

Á bùn Fòn Nebukadnessar jii, «Nyàr, sáʼ rəə́ kú a tiy a fo, e dù, e jòʼsì.

Esra 4:7

Kfən lòo dzə e ghan se yì‑iì sí sáʼ Artakerkes woŋ Persia, wír ámóʼó kfən sàŋ ŋwàʼ fo fòn, a yì‑iì dzə̀ Bishlam wùn à Mitredat, à Tabeel, à kibér ke wìr ke yì‑iì dzəə̀n aŋgàa ŋgoo vév kí. Vé‑eè sàŋ ŋwàʼ və̀n e Lǎm Aramayik, e kù sàŋ a dzə̀ e sí se ŋwàʼ seé làm woo shooy si.

Aysaya 36:11

Eliakim wùn à Shebna, à Joa suúy e mfòómé woó Assiriya jii, «Kii wò, á suŋnín aàŋgàa lìm vée, a dzə̀ é Lǎm Aramayik, vèr yú lám woo shooy. Lá à yòʼ a suŋnín e vèr é Lǎm Hibru, fo wír ve á dzə́ e kitu ke kày yeé ŋkàlaʼa wáa yu.»

Daniel 6:21

Daniel nèn bìnèr e ntoʼ jii, «Nyàr, fòn kú a ban a moo shúy, e dù, e jòʼsì.

Daniel 6:6

Áwune nèn tàr shuu, e dù, e yèn Fòn Darius, e bùn wun ji nyàr, fòn kú a ban a moo shúy, e dù, e jòʼsì.

1 Afòn 1:31

Batsheba nèn tsə̀m ndzəə́, e làʼ kitú fo nsay, e sùúy jii, «Nyùy Tàr fó taàtá wom woo fon dzəʼə̀m ye daadàa.»

Matio 21:9

Màŋgòŋ wùmòʼ shém fó mbìy, wùmòʼ láŋ bám, aá ndzə́ʼ jii: «Fòn wor èy, Fòn wor èy. Á yén mo Wàn Fòn Davir wiyì. Nyùy Tàr ku səə̀vì wír wo wù wiy e wùn yir. Á wáa burí Nyùy woó ntoò yùv.»

Daniel 5:8

Á bèy, vé si vìne dù wìy e fòn si, nsáŋtí və̀y gháʼ fo á yoŋ, e tòʼtí nsàv.

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Daniel 4:7

Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.

Aysaya 44:25

Kù dzə̀ mo wo m lo, m bvə̀ə́r vinyo ve vé fùú suuy ji ví yíi a koóy. Bvəərì, m yiì, vé fù víne wàa sənín viyúŋ. Kù dzə̀ mo wo m bvəər vinyo ve wìr ve á yén ji á fìír, din ji vifií vév ví dzə̀ á kiyúŋsì.

Nehemia 2:3

e bùn fon, e sùúy jii, «Nyàr, fòn kù waà wíy shaàrì, a sà dzə̀ la m yòʼ a sənrí e le, a ŋkàlaʼ yee fo sáy atàr vérí dzəə̀n sì e saʼkìn, a və́yí tón ne shuu se kày a?»

1 Afòn 1:25

M dzə́r a bèn, bìʼ fo wù sə̀y á ne lán, e yiì cu aànàʼa wùn a vinsòŋ ve nyàm vi, aànjìi agháʼán, a wù bí á wón ntoʼ adzə̀m, e bì amfòómé, kfə̀n bì Abiyatar woo taà cù. Áwune waà sí yíkir a lèn, nóninè, aá ndzə́ʼ a jii, ‹Nyùy fó Fòn Adonija dzəʼə̀m ye dáa.›

1 Samuel 10:24

Samuel suúy e wìr dzə̀m jii, «Wìr wo Nyùy Tàr shoʼon və̀ne. Wìr yòʼ kfə̀n dzə̀ shó e vèsə́n mvəm moo wun.» Wìr dzə̀m ku nèn bìnsí jii, «Nyùy dzəsi dzəʼə̀m Fòn.»

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Kèʼlo 31:47

Laban yòŋ kikfə́r ke tiy kiy aáwuné làm jii, Jegar‑Sahadulta, yii bèy, Jakov yòŋ kfə́ aáwuné làm ji Galeed.

2 Afòn 18:26

Eliakim wùn à Shebna, à Joa suúy e mfòómé wo wù‑uù sáʼ rə́r jii, «Kii wò, á suŋnín aàŋgàa lìm vée a dzə̀ é Lǎm Aramayik, vèr yú lám woo shooy. Lá à yòʼ a suŋnín e vèr é Lǎm Hibru, fo wír ve á dzə́ e kitu ke kày ŋkàlaʼa wáa yu.»

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 2:7

Áwune nèn kfə̀n bùn fon jii, «Nyàr, á ku fèr a njèm ye yì kì shiin wun, áàkwàn vəə́ tóʼtí, e fò á e wun.»

Daniel 4:9

‹Éè Belteshasar, wò woo kilìmbìy ke vé sii, m kì ji à kér kiyoy ke anyùy ve á dzəə̀n aránén, a bó yòʼ dzə̀ kilìtì ke kinyò ki ghàʼ wò. Njèm‑eè shì mo. Ku tòʼtí nsàv vinyò ve mò‑oò yenen ví, e fò e mò.›

Daniel 6:7

Nyàr, ver vee vitú ve saʼ, aàŋgàa saʼ ve á sáʼ vilíŋ ve kuʼkìn ví, à wír ve á sáʼ kitúme, aàtǎr saʼ ve á sáʼ ŋkà se laʼa, à vé ntiri, ver adzə̀m adzə̀m, vèr bvə̀n vighev, e yèn á ji fòn ku fò sáʼ, e wày á nsər, e sə̀ntì a jii, «E bǎm kishiíy mtaár, lá á yòʼ yù á ji wìr kì bunrì, lón a kifá fo nyùy wùmòʼ, kìn fo wìr msòŋ, e shaà ji wù lón a dzə̀ fo fòn. Yii bèy, a wìr lòo dzə, e ŋwày nsər rə̀n, bo á kù li a ŋgaàŋ, e màʼ aàbvərə̀ʼə́ mbvə̀ʼ.»