Daniel 2:30 - ŊWÀʼ NYÙY

³⁰ Fo kém kí, Nyùy nen yiì, m kiíy á kilìtì kìn, a bó yòʼ‑oo dzə bey a bìʼ fo m kér vifií é ŋàŋ, e shaà wir msòŋ e dzə̀m. Kí‑ii koóy bey, éè tàr wor, ji tàr wor ku yù á nsàv njèm rə, e kiíy a jeéyjeéy fó vinyò ve ví dzəə̀n e wun kwàʼtì.

Daniel 2:30 Referans Kwoze

Kèʼlo 41:16

Joosev bìnèr ji bó yòʼ dzə̀ tòʼtí á wun, kù mày a Nyùy wo dzə̀ wù fò binèr ye juŋe e Fòn.

Lim Aŋgàa Ntum 3:12

Pita yén, a wíri báʼti bèy, wù nèn yòŋ áwune jii, «Wír veé Isray, vèn kér gháʼ fo kinyò fèn, kíy ver ben ji ka? Vèn kwaʼtì ji yiì ver fo věr vitaaví, bo wìr və̀n wáa ghan, mo yiì liì wor wo wù bòŋèn Nyùy a?

2 Korin 4:15

Vèr ku nèn biìmé ŋgeʼ sidzə̀m ji vèn fíʼ a yu kinyo ke Nyùy, é wíri kú a kiíy a Jesus, a dù duùn fó mbìy, é Nyùy wáa bùʼ áwune, a lì ji wír və́, aá wáa beèrì wun aneénín, a koʼór yír rə́.

Ŋwàʼ woó Rom 8:28

A vèsən kì jii, Nyùy yii sə́ vèsən ve á koŋ wun, yii, a vinyo ve ví kooy vèsən vidzə̀m vi binkìr fo vèsən ji ve juŋ vi. Dzə̀ vèsən vin ve Nyùy liìn ji wír və́, á wáa yiì vinyo ve wù‑uù sìysìn vidzə̀m.

Maak 13:20

A là fo Nyùy far vishiíy vé ŋgeʼ yee shooy, bìʼ wír ve wù‑uù shoʼtin ji və́, bo bó wìr yòʼ kì wíy lùŋ.»

Matio 24:22

A là fo Nyùy far vishiíy vé ŋgeʼ yee shooy, bo bó wìr yòʼ kì wíy lùŋ. A wù fàr bèy bìʼ wír ve wù‑uù shoʼtin ji və́.»

Amos 4:13

Rúrú, dzə̀ wun Nyùy wo wù‑uù tuuyin agwan, e fə̀ə́r shwér. Wù kfən yiì, wíri kiíy kwaʼtì rə́. Wù lo, wù bìnèr ndzə ye ranén, yì kfə̀n ji ye sənér. Kù sáʼ wun kitú ke nsay kidzə̀m. Yír rəə́ dzə̀ Nyùy Tàr, Nyùy woo Taà Mànjòŋ.

Daniel 2:49

Daniel nèn bùn fon bìʼ ŋkar sə́, wù lém Shadrak wùn à Meshak, à Abednego, á wáa lìm vinyo veé wòŋ woo Babilon, wúnwun Daniel góʼ kfə́ é mvə̀m ntoʼ.

Daniel 1:17

Wónlě nsùm vee akweè vìne dzə̀, a Nyùy‑iì fò áwune vifií ve á wáa kiíy jeéyjeéy fó vinyò, e yiì, á fiír é ŋàŋ. Daniel ló kfə́, e kìíy kinyo kee kùm vinjeenjèm wùn à ké njèm se toʼtín sí é ŋàŋ.

Aysaya 45:4

Mo bó à yòʼ fə̀m‑eè lo kìíy mo, m yoŋ wò e yir, yoŋ e meŋkfəm, lem wò ji à wáa sə rám Jakov yee aŋgàa lìm vém, áwune vee wír veé Isray ve m shoʼon.

Nsùyrì Nyùy 139:2

A m fə̀m dzə́ dzəə́n, kìn m tíy tiyín, bo à kì kinyo kém kidzə̀m. M lóo kwàʼtì kinyo, aà kiíy ne kidzə̀m.

Daniel 2:47

Fòn suúy e Daniel jii, «Rúrú, Nyùy wò shaà anyùy adzə̀m. Dzə̀ wun Tàr wo wù sáʼ afon adzə̀m, a sar wun kinyo keé kilìtì kidzə̀m. M kìíy bìʼ fo à sàrìn kilìtì kém ké kinyò.»