Daniel 2:22 - ŊWÀʼ NYÙY

²² Wù lo, wù fə̀ə́r vinyo ve ví shoon, à vilìtì ve vinyò vi é ŋgèŋgèr. A kì soò ka feé fó mesənér, bo wù kù kì. Ráne kù lo a dzə̀ fo wun.

Daniel 2:22 Referans Kwoze

Ŋwàʼ Jov 12:22

Wù lo, wù fə̀ə́r kilìtì keé ndzə vitsə̀ʼ fó meranén, e ghèm woŋ aŋkfə, ráné nə̀ə́ fó.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Jeremia 23:24

A dzə̀ wìr lìr é kirə̀ʼ, ye bó yòʼ dzə̀ m yèn wun à? Suuy mo woo Nyùy Tàr. Bó m yòʼ dzə̀ é yuv wùn ǎ nsay à? Suuy mo woo Nyùy Tàr.

Nsùyrì Nyùy 25:14

Nyùy Tàr koó viŋkar wùn à wír ve á ghvə́m wune, yii, aá kiiy mensaŋ mvə.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Nsùyrì Nyùy 36:9

Dzəʼə̀m wìr dzə̀me kù lo a dzə̀ fo wò. Rán yée yii, a vèr yén sa rán e věr dzə̀ʼə̀m.

Daniel 2:11

Kinyo ke á dzə́r fo ntoʼ ji á yii kin ki ghàʼ á feyì, a bó yòʼ dzə̀ wìr yù á fó yiì. A kù dzə̀ á fìʼtì anyùy e wun, yii bèy, a bó anyùyi yòʼ dzə̀ á e wìr msǒŋ mvəm.»

Aysaya 45:7

Kù‑uù yiì mo və̀n, é bo rán wùn à ndzə ye sənér wáa dzə. Kù maʼ mo kisəəvì e wíri, a kù maʼ mo ŋgeʼ. Dzə̀ mo Nyùy Tàr, a yii mo vinyo vìn vidzə̀m.

Efesor 3:5

Yì‑iì dzə̀ fó mbìy, a bó Nyùy yòʼ‑oò lo dìn kinyo ke wù‑uù sìysìn kin ji wíri kiíy. A wù tùm ne Kiyoy kfə́ lèn, kí dín a dzə̀ áàŋgàa ntum Kristu ve wù shavin jeéy, á wáa yu kinyo fo wun woo Nyùy shùu.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Aysaya 41:22

Vèn meésín, e fèr e vèr kinyo ke kí dzəə́ wìy koóy ki. Vèn fer ó ver kinyo ke kí dzəə́ wìy koóy. Vèn ku naàrì e vèr ke vèn‑eè yooyin ji á mo kí wíy a dzə. Vèn fer, é vèr wáy sí, e yèn ó ji kí sà‑aà lo kòóy rú á.

Nsùyrì Nyùy 104:2

rán yée súm sá wò bèy. Wò‑oò bòm yúv, e nàsì moo kibàn ke tamén kí,

Ŋwàʼ Jov 26:6

Wóŋ aŋkfəə kù dzə̀ é ŋgèŋgèr e Nyùy si, a kirə́ʼ ké ŋgeʼ ki kù dzə̀ tèéter e wun si.

Joon 8:12

Jesus nèn kfə̀n a suŋnín e wíri, a suúy jii, «Dzə̀ mo rán ye yí kaʼày wír veé ndzə. A wìr ghán e mǒ bàm, la wù yòʼ dzə́ə a ghan fo mesənér. Wù sí ghán, yén rán, a yí kaʼày wun, a wù du, e nəə́ e dzə̀ʼə̀m yee là may.»

Joon 1:9

A dzə̀ ŋgaàŋ wo wù fó rán yee rán e wìr dzə̀m, a wù‑uù sí wiy e ndzə fèn.

Matio 13:13

Kinyo ke kí yiìn, é bo m wáa suŋnín e wír vìne a dzə̀ é ŋgàn ki dzə̀ jii, áwune leey vinyo ve Nyùy, a bó á yòʼ yén ke kí dzəə̀n. Áwune kfə́n a yuurí, a bó á yòʼ yú nsàv, e bó a kiíy.

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Aysaya 42:9

Vèn leéy, vinyo ve mò‑oò suuyin ji ví wíy koóy vi kòóy ne. Ké lèn ki, m lo, a fèr ven vinyo ve fíy ve ví kfə̀n lo, a koóy. Mo‑óò fer e vèn, é bo ví fəm kèʼ a koóy.»

Aysaya 41:26

Nyùy fo vèn wo wù‑uù yooyin kinyo kìn fo yàŋgùʼ ji vèr fiʼ kìíy mo kí wíy a dzə dzə̀ la? Nyùy fo věn mvəm wo wù‑uù toʼon kinyo kìn, é bo kí wìy a koóy, é bo vèr wáa binsí ji wù suuy rú dzə̀ la? Nyùy fo vèn wo wù‑uù tiisin vinyo vìn, fə̀m e mòʼón yòʼ dzə̀. Nyùy wo wù‑uù fèrìn yòʼ dzə̀ gheéy. Fə̀m kighiísí, á yòʼ‑oò lò ghàn yù, a nyùy fo vèn kiísí.

Kèʼlo 41:16

Joosev bìnèr ji bó yòʼ dzə̀ tòʼtí á wun, kù mày a Nyùy wo dzə̀ wù fò binèr ye juŋe e Fòn.

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

Daniel 2:47

Fòn suúy e Daniel jii, «Rúrú, Nyùy wò shaà anyùy adzə̀m. Dzə̀ wun Tàr wo wù sáʼ afon adzə̀m, a sar wun kinyo keé kilìtì kidzə̀m. M kìíy bìʼ fo à sàrìn kilìtì kém ké kinyò.»

Remrí 29:28

Á bèy, Nyùy Tàr nèn shwìíy kilòŋ é ŋàŋ, tímé ndzə́ʼ wun, wù túŋ áwune fo áwuné nsay, e rə̀ŋ e wòŋ wo səné, á wáa dzə fo, e wìy to lán.

Ŋgaà Tàrvìnyò 8:1

Dzə̀ la moo fií? Dzə̀ kìíy la móo toʼtí nsàv se vinyò? À yén fií, à kìíy fo wun vishi ve bvərkìn ví, à fo wun rər se sí kúvsinè.

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.