Daniel 2:21 - ŊWÀʼ NYÙY

²¹ Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Daniel 2:21 Referans Kwoze

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Ŋwàʼ Jov 12:18

Nyùy lo, wù sù afon, e nèn kùr ndzə̀y sé vikwàn aáwuné sar.

1 Afòn 4:29

Nyùy‑iì fò Fòn Solomon vifií é ŋàŋ ve a dzə̀ wù nə̀ə́ é vinyò kijuŋ, e kfə̀n fò wun kiíy yee là mfìʼ.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

Ŋwàʼ Luk 21:15

Wíy way mo jí si e věn shuù, e fo ven vifií, a bó yòʼ dzə̀ aŋgaà vén gòvi wìy kìíy mó a bìnèr, a kìnèn kinyo kén.

Jeem 1:17

Vèn wáa kiíy jii, vinyo ve dzəə̀n ve ru vidzə̀m ve dzə̀ ví wàa fo vijuŋ vi kù lo a dzə̀ á fo Nyùy. A tsə́nsi wun woo Ŋgaà Mbom wo rán e dzə̀me lo a dzə̀ fó fo. A bó yòʼ dzə̀ wù kùvsín mo shùy yii lo, yì kèvrín, ndzə sə̀n wíri é ghan símóʼ sí gheéy.

1 Afòn 3:28

Wír veé Israyi yú mo Fòn Solomon tinen nsaʼ rə̀n, e nèn a ghvəm wun, bìʼ fo wìr dzə̀m‑eè yenen ji Nyùy fò wùn a vifií ve wù wáa tinén a nsaʼ réŋréŋ mo yì dzəə̀n.

Ŋwàʼ Fəə 31:3

M bùʼ ne wun e Kiyoy kém kí, e fò wun kiwó ke fèr, wù wáa ker vifií vée lìm kfəə́ se lìm sidzə̀m.

1 Korin 1:30

Dzə̀ wun woo Nyùy wo wù liìn ven, e tàtí vèn à Jesus Kristu, wù wáa fo vèsən vifií ve ru ví, Nyùy kfən lì vèsən ji wír vee là jay, e fə̀ə́r vèsən fó lǒn vinyò ve bi ví, a yòŋ ji və́ vee wír.

Daniel 2:9

Kí nén a dzə jii, a vèn dzə̀ là fóo fèr njèm rə̀n e mò mo yì dzəə̀n, é m kiíy, bo m kù kér kinyo kimòʼón ke m lo, e yiì e vèn. Vèn suùsín ne ji á wáa boʼtí mo, a taŋrí vinyo a kù dzə̀ vé kinshwìv vi, bìʼ fo vèn kwaʼtì ji á lóo yiì bèy, ghán sí lóo dù, é kinyo ke m sév ki kúvsín. Bìʼ bey, vèn fer njèm yem e mò, é m bóo fíʼ kiíy ji dzə̀ vèn tòʼtí nsàv.»

1 Wòŋ 22:12

Nyùy Tàr ku fò wò vifií wùn à kiíyi, áà fiʼ wìy a lèm nsər se wun woo Nyùy Tàr woo Nyùy wò e ghan se wù wíy lèm wò ji à wáa saʼ Isray.

1 Afòn 10:24

a wìr dzə̀m woó kitu ke nsay yár jíŋ ji wun ku wìy, e yèn á vifií ve Nyùy Tàr‑iì foon e Fòn Solomon.

Ŋgaà Yen 19:16

Wù wáa wìy bèy, m yén, aá sáŋ yír yímóʼó e wùn kikum, e kfə̀n sàŋ é kibìy, a yí dzə̀ jii, «Fon‑afòn, Tàr‑fo‑atàrí.»

Daniel 11:6

Viyá vi lóo shaà, áàfon vìne suúsín viŋkar, é fòn woó Ejiv fó wan ntoʼ və ji wiiy ntoʼ fòn woó Siiria ji wùn wun tàr á ne shuu. Yii bèy, a wiiy ntoʼ və̀n yòʼ wíy yu fóo tar shuu wóv, a bó viŋkar vév ví yòʼ wíy tiytíy. Á bèy, kù é mvə̀m ghàn see shooy, aá tátí wun woo wiiy ntoʼ, à lum və, à wan və, e lì wír ve vé‑eè tsəənen wun, e wìy sho, e yuyrí áwune adzə̀m.

1 Wòŋ 29:30

Vé‑eè sàŋ, e naàrì mo sáʼ Fòn Daviri‑iì dzəə̀n e dzə̀m, e kfə̀n naàrì mo vitaáví və́ ví‑iì dzəə̀n. Á kfə̀n‑eè naàrì vinyo ve ví‑iì kooyin Fòn Davir, e kòóy woŋ Isray, e kfə̀n siì naàrì vinyo ve ví‑iì kooyin vitúm ve ví‑iì dzə́ aáwuné ghaŋ.

Ŋwàʼ Fəə 31:6

M shòʼ ne sa Oholiav woo wan Ahisamak, woo wír woó ram Dan ji wù wáa sə Besalel. M kfə̀n fò ne sa vifií vee jeéy ví e vé fèr ámóʼó adzə̀m ji áwune fíʼ a fèr vifá vidzə̀m réŋréŋ mo m naàrìn e wò.

Esta 1:13

Á bèy, fòn nèn a mbaà vé sii é kinyò fèn, áwune ve á yii səəm vinyo ve ví shaàn ne, bìʼ fo kù dzə̀ mo kinyo ki‑iì gháʼ fon, wù beè wír ve á kiìn nsər, e kfə̀n a kiíy móo tinén kinyo kijuŋ.

Ŋwàʼ woó Rom 13:1

Kímóʼ kí nén a dzə jii, wìr dzə̀m kér sa fó a yu sáʼ yeé wòŋ, bìʼ fo bó yòʼ dzə̀ woŋ wú wàa ker sáʼ, a bó Nyùy kì fó fo. A bó sáʼ yímóʼó yòʼ dzə̀ é kirə̀ʼ kímóʼ kí, a bó yòʼ lèm Nyùy.

Daniel 1:17

Wónlě nsùm vee akweè vìne dzə̀, a Nyùy‑iì fò áwune vifií ve á wáa kiíy jeéyjeéy fó vinyò, e yiì, á fiír é ŋàŋ. Daniel ló kfə́, e kìíy kinyo kee kùm vinjeenjèm wùn à ké njèm se toʼtín sí é ŋàŋ.

Daniel 2:20

Wù wáa burí, a suúy jii: «Búríi wáa dzə fo Nyùy, e dù, e jòʼsì. Kù kér wun vifií, a kér wun vitaáví.

Daniel 2:23

Éè Nyùy wo atàr vémé‑eè ghvə́mé, m beerì, kfə̀n búri wò. À fò ne mo vifií wùn à vitaáví ví, e yiì, m kiíy kinyo ke vèr‑ii lòn wò sho. À yiì ne, vèr kiíy kinyo ke fòn‑ee dzə́r e vèr.»

Daniel 10:1

Wáa dzə e kiya ke kí‑iì meen ji taár, ke Sayrus‑iì sáʼ ji fon woó Persia, ntum Nyùy wìy fo Daniel wo yír yímóʼó‑oò dzəə̀n ji Belteshasar. Ntum rə̀n‑eè dzə̀ ntum ye ru, aá fínér, a yì‑iì tàv é ŋàŋ fo wìr kiíy mvə́m. Daniel wáy vifií é ntum fèy, kinjeenjèm ki wìy e wun si, wù kiíy mvəm ntum rə̀y.

Daniel 4:14

Yì fuúŋé kitávín, e yòŋ aàŋgaà və́ ŋgoo jii: « ‹Vèn baʼ kicí kiy ki, e shètì tám si. Vèn soóy vav sə́ sí, e tàʼár báŋ se sí koomen shó si. Nyám si ku tàʼrí fo sar wo taʼrín, é menə́n mè léʼkír fó tam si wó.

Daniel 4:22

Éè bvərə̀ʼ, kicí ke vé‑ee yenen é njèm kìn ki dzə̀ á wun woo fon. Dzə̀ á wun mo sáʼ rəə́ kuyin, a ker vitaáví é ŋàŋ. Vikuʼùy və́ ví kóʼ, e dù mèé e yuv. Woŋ wo fòn sáʼáa kúʼ ben, e dù mèé a fo nsay jòʼsìn.