Daniel 2:2 - ŊWÀʼ NYÙY

² Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Daniel 2:2 Referans Kwoze

Daniel 1:20

Fòn káʼáy vifií vév, à kiíy ye á kiiy jeéyjeéy fó vinyòo, e yèn jii, aá lòo dzə, e neèr vifií vév kirə́ʼ e ghvə̀m, la aŋgàa səm wùn à vé fù vee wun kitume yòʼ lì a kee kimòʼón ki.

Daniel 4:6

Á bèy, m nèn tòóy vé si veé Babilon ji á wiy, e tòʼtí a njèm rə̀n, e fò e mò.

Ŋwàʼ Fəə 7:11

Farao nèn tòóy akiíy wùn à vé ŋgàŋ vəə́, á yiì sa réŋréŋ, e dzəə ye áwune yii sénin sə́m sho.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 2:10

Vé si vìne bùn fon, e bìnèr sho jii, «Nyàr, bó wìr yòʼ dzə̀ shó a e kitu ke nsay wo dzə̀ wù yiì kinyo ke fòn suuy kìn. Bó fòn wùmòʼ, kìn taà saʼ wùmòʼ yòʼ‑oò ghàn ne dzə̀r á kfə́ə kinyò kee ben e ŋgaà fù, kìn e ŋgaà ŋgàŋ, kìn e ŋgaà si, a fə̀m dzə̀ taà saʼ, a wù táv é le.

Aysaya 19:3

Wír veé Ejivi yòʼ kfə̀n wíy a ker melív mé a taamé kifá sho. M kù wíy a bvəə́r antaŋ vév bvəərín. M wíy bvəə́r antaŋ vév. Bìʼ bey, aáwune nèn kù a tàʼ ntir a dzə̀ fo anyùyi, a tàʼ fo wír ve á mbaa aŋkfəə. Á wíy a dù fo vé ŋgàŋe, a dù fo wír ve á shwéŋ vinyóo.

Aysaya 8:19

A tàm é ghanmóʼ wíri yiì a tir ven jii, «Vèn du, e mbaà vé fùú wùn à vé səme.» Á yoŋ bèy, a vé səme dzə̀, aá kù yii lamrì làmrìn moo lèŋ. A tàm á wìy a dzətí e vèn jii, «Kí bìr é gha, fo vèn wáa tàr vinyo a dzə̀ fo anyùy véné? Bó yòʼ dzə̀ wír ve tine wàa tàʼ ntir a dzə̀ fo aŋkfəə a?»

Esta 1:13

Á bèy, fòn nèn a mbaà vé sii é kinyò fèn, áwune ve á yii səəm vinyo ve ví shaàn ne, bìʼ fo kù dzə̀ mo kinyo ki‑iì gháʼ fon, wù beè wír ve á kiìn nsər, e kfə̀n a kiíy móo tinén kinyo kijuŋ.

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

1 Samuel 6:2

wír vee fóo nèn kùm atàá cù wìr ve á shwéŋ vinyo, e dzə̀r aáwune jii, «Vèr yíi yèe le e ŋkùv mensàŋ Nyùy Tàr? A vèr lò ji á tsə́nsí fo wù‑uù loòn, á tsə̀nsí é dzəə yeé le?»

Daniel 4:3

«Vinyo ve ví din vitaáví və́ ví shoò é ŋàŋ, a viŋgaʼnìn ve vinyò ve wù yii vi dzə̀ viwiíwíy. Kù dzə̀ wun fon ghán sidzə̀m, e dù, e jòʼsì, a sáʼ rəə́ kù wíy a tiy fo, mo ŋgwàʼ wíy a koʼ, a fo ghay e yìmòʼ.