Daniel 2:18 - ŊWÀʼ NYÙY

¹⁸ a boòrì áwune bóorin ji á kú a lon a dzə̀ á Nyùy woó yuv ji wù shám áwune, e tòʼ á kilìtì ke kinyò kìn aáwune, fo kí koóy ji á li áwune, e tàtí wùn à vé si veé Babilone, e yùyrí.

Daniel 2:18 Referans Kwoze

Jeremia 33:3

«Á mbaà a dzə̀ mo, é m yú tóŋ yé, e sùúy wò vinyo ve ghaʼtín ví ve ví dzəə̀n é kilìr, aà yóʼ ne kìíy.

Matio 18:19

M nen kfə̀n a suúy e vèn jii, a fə̀m lò wír abaà fo věn mvəm é nsay fèn, a bùnrì, a lon kifá, a ker shuu wóv e mòʼón, bo Tàr wor wo wù dzəə̀n é yuv kù yíi yiì kinyo ke áwune lóné.

Matio 18:12

«A wìr kér njiì və wií, wo mòʼón lay, vèn wàa kwàʼtì ji dzə̀ ŋgaàŋ yèe le? A dzə̀ la wù yòʼ màʼtì woo nshòv bvə̀ʼə̀ e mbvə̀ʼə̀ e gwan, e dù, a tàʼ woo mòʼón wo wù làyìn və̀y à?

Nsùyrì Nyùy 91:15

Wù wíy toŋ e mò, é m yú tóŋ rə́, a dzə vèr wun e ghan sé ŋgeʼ. M wíy fəə́r wun fo ŋgeʼ, e bùʼ e vijuŋ vi.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

Malakay 3:18

Á bèy, é vèn nèn kfə̀n yèn jeéyjeéy fó kinyò ke wìr ve á yúnin mo, à fó kinyò ke wìr ve á méŋ moó, a kiíy jeéyjeey wìr wo wù ghvə́m Nyùy, à wo wù yòʼ ghvə́mé.»

Aysaya 37:4

Mfòómé woó Assiriya kì wìy, a kuùrì Nyùy wo wù dzəə̀n shó, kuùrì bèn mo tàr wov woo fon kì tsənsin ji wù wàá wiy, e kuùrì. M lón ji Nyùy Tàr woo Nyùy wò ku yuùrí a liy sìn, e nyèr áwune. Á bèy, á bùnrì fo kibér ke wìr ke kí dzə̀ə́ sho ki.»

1 Samuel 17:37

Nyùy Tàr wo wù‑uù səən mo fo bvərə̀ʼ wùn à nyàm yee bear shuù yíi sə sa mo fo wìr woó Filistia və̀n.» Fòn Saul suúy e Davir jii, «Á dù rì. Nyùy Tàr wáa dzə vèn wun.»

Kèʼlo 18:28

A kí kòóy ji joʼsi á wír nshòv sitàn e mkweè, à kù yiì laàr ŋkàlaʼ yee shooy, bìʼ vee atàn ve á buŋen a?» Nyùy Tàr bìnèr jii, «Bó yòʼ dzə̀ m laàr, a m fen yèn wír nshòv sitàn e mkweè fo.»

2 Pita 2:9

Vinyo vìn vi nén a dìn mo dzə̀ Nyùy fə̀ə́r wír ve á yú kinyo kfə́ fó ndzə ye bi ye yì gháʼ áwune rə̀n, e kfə̀n a dìn mo wù lóvti e wír ve bií, shiy kishiíy ké nsaʼ,

Ŋwàʼ woó Rom 15:30

Afə̀r vem, m nén a lon jii, mo vèsən à Tàr wòsən Jesus Kristu tatin ne, Kiyoy ke Ranén kí wáa yiì, vèsən wáa kòŋnìn, vèsən ku tàtí sa, a bùnrì, a lon fo Nyùy jii,

Lim Aŋgàa Ntum 12:4

Á koó Pita, e fìn e lav, e lèm vé rərí viŋkàŋ vikweè, wír akweè akweè, á wáa shìy wun, a Heror‑iì wày wáyín ji Ŋkǎʼ Yáʼayshaà wíy shaà, é wun kóʼór Pita e wírí si, aá wàá sáʼ.

Daniel 3:17

Nyàr, a fèn dzə̀ ji á mo kí dzəə̀n, bo Nyùy wor wo vèr ghvə́mé kér vitaáví ve dzə̀ wù fə̀ə́r á ver fó kimbiirìn ke və̀y ke kí bo kìn, a wù kù yíi bòyìr a ver fo fòn wo.

Esiker 36:37

Ke Nyùy Tàr woo Taà Ndzə suuy ki dzə̀ jii, «M kfə̀n wíy a yuurí bunrì wìr veé Isray, aá kuʼ, a dzə nyanyày moo ŋgoo se bvəy.

Daniel 2:23

Éè Nyùy wo atàr vémé‑eè ghvə́mé, m beerì, kfə̀n búri wò. À fò ne mo vifií wùn à vitaáví ví, e yiì, m kiíy kinyo ke vèr‑ii lòn wò sho. À yiì ne, vèr kiíy kinyo ke fòn‑ee dzə́r e vèr.»

Daniel 4:26

Kù mo nshìylav Nyùy‑iì foon sáʼ ji á ku màʼtì kinyè ké kici wùn à gháŋ sí é nsay, bo dzə̀ á ji á kù dzəə́ wìy siìr a sáʼ rə́ fo. Fòn wíy binsí ji sáʼ a Nyùy woó yuv kitú ke nsay, aá nèn siìr a fo.

Jona 1:9

Wù bìnèr jii, «M dzə̀ wir Hibru, a m yii ghvə́m Nyùy Tàr woo Nyùy woó yuv, a dzə̀ wun wo wù‑uù bomen rìbà ndzə̀v wùn à nsay.»

Nsùyrì Nyùy 136:26

Vèn wáa fo vibeerì e Nyùy, a wù dzə̀ é yuv. Koŋ ye wù koŋ wír vəə́ yòʼ wíy mày.