Daniel 2:12 - ŊWÀʼ NYÙY

¹² Fòn yú, kí tínsín wun e ŋàŋ, tím rəə́ ndzə́ʼ, wù nèn fò sáʼ ji á ku laàr a wir si e dzə̀m láarin fó wòŋ woo Babilon.

Daniel 2:12 Referans Kwoze

Daniel 3:13

Á bèy, Fòn Nebukadnessar túmnín, a tímé sí ndzə́ʼ ndzəʼə́n, e sùúy ji á koórí á Shadrak wùn à Meshak, à Abednego, e wìy a sho. Á koórí wónlě vilum vìn, e wìy sho e fòn si.

Matio 2:16

Mo akiíy víyi loòn, Fòn Heror siíy, e kìíy ji á bòʼtí ne a wun, kí nyár wun, wù wáa ŋeèy, e fə̀ə́r vé rərí, e tùm é Betlehem wùn ǎ mbùʼ see fó ghaŋ si ji á yúyrí á wón vee vilum vee kèʼ fó viya vibaà, e kfə̀n kfə́nén é bàm adzə̀m, a dzə̀ ghán sin se wù‑uù yuun fo akiíy víyi ji vé‑eè kèʼ, a yen sàŋ.

Daniel 3:19

Mo áwune bìnèrìn bey, kinyo kìy ki nəə́ e Fòn Nebukadnessar vighìy, rə́r sə́ sí kúvsín bìʼ Shadrak wùn à Meshak, à Abednego. Wù nèn fò sáʼ e vé lìm vəə́ ji á yuŋri á və́y é kimbiirìn fèy, é kí ríʼsín, e shaà mo kí yii lumè.

Nsùyrì Nyùy 76:10

Rúrú, dòʼshwiiy wíri kù yíi màysì, a dzə̀ é burí ji á búrí vitaáví vé Nyùy. Wìr boy fo rər se à maʼà, bo kù sì fə́ə nsiì yé, à wàa kwa ŋgúʼ.

Daniel 2:5

Fòn nèn bìnèr aáwune jii, «M kù tíy e kinyò ke m kì wayin. A vèn dzə̀ làa yòʼ fèr njèm ye yì kì shiin mo, e toʼtí nsàv, bo m lo, e yòŋ, aá sheti ven é vintin vintin, é láʼ sén sí du é kibvə.

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 20:2

Dòʼshwiiy fòn dzə̀ moo tóŋ bvərə̀ʼ ye wù tóŋé, virə́ʼ ví beèmé, a wìr tínsin wun, bo ŋgaàŋ kpù ne.

Ŋgàn 19:12

Dòʼshwiiy fòn beéme moo tóŋ bvərə̀ʼ, a koŋ rəə́ rəsìnè moo ŋweʼ ye yí gbu e viŋgà.

Ŋgàn 16:14

A dzə̀ dòʼshwiiy fòn laàr wír e kisəə, yii bèy, a fiì kù rəər kfə́ rə́ərin.

Ŋwàʼ Jov 5:2

Rúrú, a kiyúŋ kí shwiiy kilòŋ, bo a dzə̀ dòʼshwiíy yùyrí wun, njìʼ wáa yu nyár wìr, bo yí kù‑úù yúyrí wun.

Matio 5:22

M nén a dùŋrì kém jii, a wìr lò, a shwiíy kilòŋ wùn fər və, bo wù kù dzə̀ sá e mvə̀m nsaʼ foo fèy. A kù dzə̀ réŋréŋ mo wìr wo wù kuùn fə́r və kúun kér sa nsaʼ. Wìr maysi, e yòŋ fə́r və ji kiŋgà ké kifa ke Nyùy, bo wù sí bin a dzə̀ é dzəə̀ və̀y.

Daniel 2:24

Á bèy, Daniel nèn dù, e yèn Ariok woo mfòómé wo fòn‑eè shoʼon ji wù laar vé si veé Babilon. Wù dù, e sùúy sho jii, «Kii wò, lá à yòʼ laàr vé si veé Babilon. Ku lì mo, e dù sho e fòn si, é m naari njèm rə shó, e tòʼtí nsàv.»

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.