Daniel 2:11 - ŊWÀʼ NYÙY

¹¹ Kinyo ke á dzə́r fo ntoʼ ji á yii kin ki ghàʼ á feyì, a bó yòʼ dzə̀ wìr yù á fó yiì. A kù dzə̀ á fìʼtì anyùy e wun, yii bèy, a bó anyùyi yòʼ dzə̀ á e wìr msǒŋ mvəm.»

Daniel 2:11 Referans Kwoze

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

2 Korin 6:16

A bó yòʼ dzə̀ sá, á lì lav Nyùy, e bìnèr ji ye anyùy kisaŋe. A dzə̀ vèsən vin ve dzəə̀n lav wun woo Nyùy réŋréŋ mo wù‑uù suuyin jii: «M wíy a dzə e wír vémé mvəm, a ghan vèr áwune. M wíy a dzə Nyùy wov, aáwune wáa dzə wír vém.»

Joon 14:23

Jesus bìnèr jii, «A wìr koŋ mo, wù nèn a lèm kinyo kém, é Tàr wor nèn a kòŋ sa ŋgaàŋ, é vèr Tàr wor wiy, é vèr à ŋgaàŋ wáa dzə.

Joon 14:17

a dzə̀ Kiyoy ke Nyùy ke kí din kinyo ke dzəə̀n ke ru kí. A bó wír ve á kiìn vinyo a dzə̀ veé ndzə fène yòʼ dzə̀ á wàa ker Kiyoy kee shooy, bìʼ fo bó á yòʼ yén vinyo ve wù yii, nèn méŋ wun méŋén. Vèn dzə̀ kén, a vèn kì wun, bìʼ fo wù siìn e věn mvəm, a wù wíy a dzə a dzə̀ e věn meliv.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Matio 19:26

Jesus túy sí aáwuné wùn, e bìnèr jii, «Kí gháʼ a dzə̀ fo wìr, bó kí yòʼ gháʼ fo Nyùy, bìʼ fo dzə̀ Nyùy, wù yiì vinyo vidzə̀m.»

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Ŋwàʼ Fəə 29:45

M wíy a dzə e wír veé Israyí mvəm, a dzə Nyùy wov.

Kèʼlo 41:39

Fòn suúy e Joosev jii, «Mo Nyùy yiìn ne, à kiíy nsàv njèm se sí‑iì shiin mo, wìr yòʼ dzə̀ shó wo dzə̀ wù tàr kinyo kijuŋ, e kfə̀n a ker vifií moo wò.

Ŋgaà Yen 21:3

M yú, a jì yìmòʼ súŋnin fo lum kàvàʼ kitávín, suuy jii, «Á yén ri lèn, Nyùy sí dzə́ wùn à wíri. Wù wíy a shiíy wùn áwune, aáwune wáa dzə wír və́. Wúnwun woo Nyùy kù sí wìy a dzə wùn áwune.

Joel 3:21

Á mo m wíy siìr ŋkfə́tir wìr vém ve vé‑eè yuyrin là njò, a bó yòʼ dzə̀ féyì m wìy màʼtì, aá boy fó nsaʼ. Mo woo Nyùy Tàr wíy a dzə e Sion vèr à wír vémé.»

Aysaya 8:18

Rúrú, mo və̀ne, vèr à wón ve Nyùy Tàr foon e mòó, wun woo Nyùy Tàr woo Taà Mànjòŋ, wo wù shiiy e Gwàn Sion. Wù kù tiir ver ji kisəəm ke kí din kinyo ke wù wíy yiì e Isray.

Nsùyrì Nyùy 132:14

«Sì kirə́ʼ kém ké meèmè, e dù, e jòʼsì. Dzə̀ fo m yíi a dzə, bìʼ fo m kér shií woo fó.

Nsùyrì Nyùy 68:18

Wù‑uù kóʼ Gwan Sion, tsəə́ne wír ve wù koorin fó kwaʼ rər. Kóʼ bèy, sə́ nshwì fo wíri, wír ve vé‑eè tsə́y kóy wùn áwune. Nyùy Tàr, wun woo Nyùy kù wíy a dzə a dzə̀ fó.

2 Wòŋ 6:18

«Rúrú, Nyùy, a dzə̀ wò, à dzə̀ʼə̀m é kitu ke nsay vèn à wíri á? Yúví yoʼ fə̀m kùʼ ye dzə̀ wú keèrí wò. Bo lav cù rə̀n yòʼ fə̀m mèé e gha, e bóo keerí wò.

1 Afòn 8:27

«Rúrú, Nyùy, a dzə̀ wò à dzə̀ʼə̀m é kitu ke nsay a? Yúví yoʼ fə̀m kùʼ ye dzə̀ wú keèrí wò. Bo lav cù rə̀n yòʼ fə̀m mèé e gha, ye dzə̀ yì keèrí wò.

Kintaŋ 35:34

Lá vèn yòʼ wìy bìvír nsay ye vèn dzə́ sho. Dzə̀ fo m dzə́, bìʼ fo mo woo Nyùy Tàr dzə́ e wír veé Israyí mvəm.»

Ŋwàʼ Fəə 8:19

Vé səm vìyi nèn sùúy e Farao jii, «Kin ki dzə̀ vitaáví vé Nyùy.» Yii bèy, Farao ku tàv a dzə̀ kitú, e làa yòʼ yuurí kinyo kév, kù mo Nyùy Tàr‑iì suuyin ne.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Aysaya 47:12

«Ŋwàay, vèn kú a tiír rì vifií e věn shìv, a tiír e fù wo vèn‑eè sər, e kèʼ fo meterí, kìn vèn‑éè bémér aŋgaà vén vibàn, e tèér ŋgeʼ ye yì nyoorì ven.

Daniel 4:4

«Mo woo Nebukadnessar‑iì néŋ e mǒ ntoʼ ji dèʼ, a vinyo vém ví gháné.