Daniel 2:10 - ŊWÀʼ NYÙY

¹⁰ Vé si vìne bùn fon, e bìnèr sho jii, «Nyàr, bó wìr yòʼ dzə̀ shó a e kitu ke nsay wo dzə̀ wù yiì kinyo ke fòn suuy kìn. Bó fòn wùmòʼ, kìn taà saʼ wùmòʼ yòʼ‑oò ghàn ne dzə̀r á kfə́ə kinyò kee ben e ŋgaà fù, kìn e ŋgaà ŋgàŋ, kìn e ŋgaà si, a fə̀m dzə̀ taà saʼ, a wù táv é le.

Daniel 2:10 Referans Kwoze

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Aysaya 47:13

Ven veé Babilon, ntir se á wayin e věn kitu si càʼár ne kitú kén. Aŋgàa ŋgàŋ véné shaa ri fo mbìy, a kìŋsìn ven. Áwune ve á shwéŋ fú a dzə̀ fo mejiy mè, bónen, tar mbìv se mè sə́ŋnin sho, ŋwee wo fíyi lóo fəə, aá sí yoóyi kinyo ke kí lo, a koóy.

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Daniel 4:7

Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.