Daniel 12:9 - ŊWÀʼ NYÙY

⁹ Wù bìnèr e mò jii, «Daniel, kú a dù du yée. Jí see shooy si dzə̀, aá sə̀tí ne e kifin ki. A kù dzə̀ bey, e dù, e meé e ghan sé bàm sí.

Daniel 12:9 Referans Kwoze

Daniel 12:4

Daniel, fo ké ki, sə́tí jí se sí dzəə̀n é ŋwàʼ fèn si, e fìnèr e kifin ki, e meé mo ghán sé bàm sin si wíy gheén. Aneéníne wíy a leʼnín, a koʼ, a səy, a mùm ji á wáa kiíy vinyo, a dù duùn fó mbìy.»

Daniel 8:26

Kinyo ke à yenen é njà kinjeenjèm kùm cu ki kù wíy gheén wùn à kinyo kee kùm cu yee kijàvndzə wùn à yee ŋkuùr ke á kì naàrìn ne ki. Yii bèy, ké lèn ki, ku lèm kinjeenjèm kìn ki é kilìtì. Kí din a dzə̀ kinyo ke kí wíy a koóy fo mbìy, e bǎm viya nyanyày.»

Ŋgaà Yen 10:4

M yú kinyo ke vishèv vìy vi wám bèy, suuyì, e lò ji m sáŋé, jì nèn yòŋ mo fó yuv, e sùúy jii, «Lá à yòʼ sàŋ. Ku lèm vinyo ve vishèv vìn vi suuyin ví e wò bvə̀m, e làa yòʼ yiì, é wìr kiíy.»

Aysaya 29:11

Á bèy, vinyo vidzə̀m ve Nyùy lo, wù ghèm ndzə ji á tiísí ví kfə̀n ne e vèn moo jí se sí dzəə̀n é ŋwàʼ, a bó yòʼ dzə̀ á yù fóo mvə̀ʼ. Kí nén a dzə moo ŋwàʼ wo wìr liìn, e fò e wìr wo wù kiìn móo yòŋ, e sùúy sho jii, «Yòŋ ŋwàʼ və̀ne, e fò e mò.» Yii bèy, ŋgaàŋ bínér jii, «Bó yòʼ dzə̀ m yù móo yòŋ, bìʼ fo á fìnèrìn ne.»

Aysaya 8:16

Á ku bàʼtí ntum ye m fìʼtìn, e bàʼtí yéʼéy yémé, e wày é ŋwàʼ, e wày kifin sho, e lèm aàŋgàa ŋgoo vémé.

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.

Daniel 12:8

Mo m fə̀m‑eè yuun kinyo ke wù‑uù suuyì, bó m yòʼ‑oò lo gwàrìr ji wù sà‑aà yoŋ bèy, a nsàv dzə̀ kaá. M kfən wèʼèr wún, e dzə̀r shó jii, «Tàr wor, kinjòʼsìbàm ké vinyò vìn ki wíy a dzə ka?»