Daniel 12:8 - ŊWÀʼ NYÙY

⁸ Mo m fə̀m‑eè yuun kinyo ke wù‑uù suuyì, bó m yòʼ‑oò lo gwàrìr ji wù sà‑aà yoŋ bèy, a nsàv dzə̀ kaá. M kfən wèʼèr wún, e dzə̀r shó jii, «Tàr wor, kinjòʼsìbàm ké vinyò vìn ki wíy a dzə ka?»

Daniel 12:8 Referans Kwoze

Lim Aŋgàa Ntum 1:7

Wù bìnèr jii, «Tàr wor sìysì ne fo wùn vitaáví ghán se kinyo kee shooy ki wíy koóy, e kfə̀n sìysì fìʼ, a bó yòʼ dzə̀ kirə́ʼ kén fóo kiíy.

1 Pita 1:11

Kiyoy ke Kristu ke kí‑iì dzəə̀n aáwuné meliv kí‑iì rə́si yii, aáwune tiísi ji Kristu kù wíy yen ŋgeʼ, fo bàm, é bo Nyùy kóʼór á wun. Á ku nèn a sòvìr ji á kiíy á ghán se vinyo vìn vi wíy koóy, e kfə̀n kìíy saa mo ví wíy ghan, e bóo koóy.

Joon 12:16

Wón lìm Jesuse yén kinyo kìn, e làa yòʼ a gwàrìr kinyo ke vé‑eè saŋen kiy. Wìy lòo dzə fo bàm, a Nyùy lí ne Jesus e yuv, bo kí wiy aáwuné vifii ji vé‑eè sàŋ kinyo kee shooy a dzə̀ bìʼ Jesus, kí ku kòóy a mo vé‑eè saŋen.

Ŋwàʼ Luk 18:34

Jesus suúy bey, la áwune yòʼ fə̀m kìíy. Kí tárír áwune, la á yòʼ yù kinyo ke wù suuyì.

Daniel 12:6

Wùmòʼ nèn dzə̀r e nshìylav ye yì‑iì màʼàn ndzə̀y ye baán, a tiy e mbìv kùy ndzə̀v rə̀y jii, «Viŋgaʼnìn ve vinyò vìn vi wíy a koóy bèn, a ví wíy runér wún a dzə̀ é ghàn ka?»

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Daniel 8:13

M nèn lò, e yù, a nshìylav Nyùy yìmòʼ súŋninè, dzə́r e yìmòʼ jii, «Vilìtì ve vinyò ve á yenen é njà kinjeenjèm vìn vi wíy yensín e ghàn ka? Kiguynìn ke kí bívir kirə́ʼ bívírín kin ki wíy dù, e meé e le, bóo ndzəə̀r cu ye á yii kishiíy kidzə̀m? Á wíy nyèŋrì wír Nyùy wùn à kirə́ʼ ké cù ki, e dù, e meé e le?»

Daniel 12:7

Nshìylav ye yì‑iì màʼàn ndzə̀y ye baán, a tiy e mbìv kùy ndzə̀v nèn nàn wó rə́ yee baà, a kìʼ yúv shó. M yú, a yì yí kilìʼ, kan wun wo wù dzəə̀n shó, e wìy dù, e jòʼsì, yoŋ jii, «Wíy a dzə e bǎm viya vitaár e kimbéʼ ki, a sì ghán sin se á maysì, e ghaʼ wír Nyùy, é nə̀ʼsì və̀n nèn mày.»

Daniel 12:9

Wù bìnèr e mò jii, «Daniel, kú a dù du yée. Jí see shooy si dzə̀, aá sə̀tí ne e kifin ki. A kù dzə̀ bey, e dù, e meé e ghan sé bàm sí.