Daniel 12:7 - ŊWÀʼ NYÙY

⁷ Nshìylav ye yì‑iì màʼàn ndzə̀y ye baán, a tiy e mbìv kùy ndzə̀v nèn nàn wó rə́ yee baà, a kìʼ yúv shó. M yú, a yì yí kilìʼ, kan wun wo wù dzəə̀n shó, e wìy dù, e jòʼsì, yoŋ jii, «Wíy a dzə e bǎm viya vitaár e kimbéʼ ki, a sì ghán sin se á maysì, e ghaʼ wír Nyùy, é nə̀ʼsì və̀n nèn mày.»

Daniel 12:7 Referans Kwoze

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Ŋgaà Yen 12:14

Á nèn fò vav e wiíy, a dzə̀ yé lùŋ wo wiy mo dzə̀ wù fèŋ, e nyèŋ kigàgǎʼsòŋ kiy, e dù, e lìr e kwaʼ fo vé‑eè naŋsin kirə́ʼ ji wù du, e dzə̀ʼə̀m sho viyá vitaár e kimbéʼ ki, aá wáa leéy fo wun.

Daniel 8:24

Vitaáví və́ ví kù wíy a dzə vigháʼtín. Yii bèy, a bó kee shooy ki yòʼ wíy lò a dzə̀ fo wun. Wù wíy a tòn virə́ʼ, a bemér wíri, é vinyo ve wù yii vi kú a dù duùn fó mbìy. Wù wíy laàr antav, e kfə̀n laàr wír ve dzəə̀n ji vé Nyùy.

Ŋgaà Yen 13:5

Nyàm rə̀n ku nèn a taa e kàvàʼ mo Nyùy‑iì màʼtìn ji wù sáʼ ŋwee nshòv sibaà e mkweè, e kfə̀n màʼtì ji wù wáa sevtí kinsevtì, a kuù wun woo Nyùy mo wù koŋè.

Ŋgaà Yen 12:6

Wun woo wiíy nèn tùmnín kfə́, e nyèŋ, e dù, a dzə e kwaʼ fo Nyùy‑iì naŋsin kirə́ʼ ji wù wáa beètì sho kishiíy kishóv mntuùfú é ghiì baà é nsə̀kì (1,260), é wun wáa leéy fo wun.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Daniel 4:34

«Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

1 Pita 2:9

Yii bèy, fo kén kí, vèn dzə̀ kén rám, a shòʼ Nyùy ven. A vèn dzə̀ atàá cù, lim a dzə̀ fo wun woo Fon. Wù‑uù nàŋsín ven ji kitúm kee jeéy kí, vèn wáa dzə və́ vee wír ji vèn wáa fìʼtì vijuŋ ve vinyò ve wù rə́si yii e vèn, ven ve wù‑uù fəərin fó ndzə vitsə̀ʼ, e wày e wùn mvə̀m ran ye ghaʼáné.

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Aysaya 62:12

Á bèy, á kù wíy a yòŋ áwune jii, «Wír wun woo Nyùy Tàr, Naaŋkàntì wìr ve Nyùy Tàr tinen.» Á wíy a yòŋ Jerusalem ji «Ŋkàlaʼ ye Nyùy kér shií shó», a yòŋ jii, «Ŋkàlaʼ ye Nyùy yòʼ yii laysìnè.»

Remrí 26:19

A kí kfə̀n dzə̀ jii, wù wíy koʼór ven, e bùʼ, e shaà vitúm ve wù‑uù bomen vidzə̀m, aá wáa burí ven, a ghvəm ven, é leŋ wóné wáa dù. Vèn wíy a dzə kén wír vee jeéyí ji vé Nyùy Tàr woo Nyùy won, mo wù‑uù kàʼàn.»

Remrí 7:6

«Vèn wáa yiì bèy, bìʼ fo vèn dzəə̀n kén wír vee jeéyí ji vé Nyùy Tàr woo Nyùy won. Wù shòʼ ne ven fo vitúm veé kitu ke nsay ví mvəm, e yòv ji və́ vee wír.

Daniel 12:6

Wùmòʼ nèn dzə̀r e nshìylav ye yì‑iì màʼàn ndzə̀y ye baán, a tiy e mbìv kùy ndzə̀v rə̀y jii, «Viŋgaʼnìn ve vinyò vìn vi wíy a koóy bèn, a ví wíy runér wún a dzə̀ é ghàn ka?»

Daniel 11:13

bìʼ fo fòn wo wù sáʼ kitúm kee Siiria kfə̀n wíy baʼtí mànjòŋ vé rərí, a wù táv é ŋàŋ, e kfə̀n kùʼ, e shaà wo wù‑uù kér fo mbìy. Ghán sí wíy gheen, é wù kfən fəə̀ rə́r, a wù kér mànjòŋ vé rər e gháʼán, kér kifá ke rər kidzə̀m.

Daniel 8:14

Nshìylav rə̀y bínér jii, «Kí wíy shaà fo mbìy bèy kishiíy kishóv ghii taár aànsə̀kìi abaà (2,300), ǎ shùy, à vitsə́ʼ, aá nèn siìr kirə́ʼ ké cù fo.»

Remrí 32:40

M nén a nàn wó yém é yuv, a yi kilìʼ, a kàn kitú kém jii, mo m dzəə̀n shó e tin, e wìy dù, e mày, m kù yíi siìr ŋkfə́tír.

Ŋwàʼ Luk 21:14

Vèn ku nèn wày wáyín ji vèn wíy tiim e kibàʼ ke nsaʼ, lá vèn yòʼ a rə̀m a ji á sà suuy ji kaá.

Ŋwàʼ Jov 27:2

«Mo Nyùy woó yuv dzəə̀n shó, a wù jívír ne fo á tínén kinyo kém é nsànloŋ, mo wun woo Ŋgaà Vitaàví Vidzə̀m ndzəʼərin ne tím yém ndzəʼərín,

Ŋgaà Yen 4:9

Vifá ve ví ŋeʼ vìy vi kú a rəsí, a yòv bèy, a sùyrì ŋgaà wo wù dzə́ e kàvàʼ fèy, a koʼór yír rə́, a beèrì wun wo wù kù dzəə̀n shó ghán sidzə̀m, là may.

Ŋgaà Yen 4:10

Ví lóo yòv, kfə́m sé wìr vee nshòv sikweè e mbaà siy si wàa wìy, a gbù e ŋgaà wo wù dzə́ e kàvàʼ və̀y si, a ghvəm wun wo wù kù dzəə̀n shó ghán sidzə̀m, là may. Á lóo yiì bèy, á wàa shoʼ antáráʼ vév, a neèr e shùu kàvàʼ, a kwa jii:

Esiker 20:5

e sùúy aáwune jii, mo woo Nyùy Tàr‑iì yòŋ á jii, ‹Mò‑oò shòʼ Isray e wòŋ Ejiv, e yiì, á kiíy mo. Mò‑oò nàn wó yém é yuv, e lìʼ e wón Jakovi jii, m dzə̀ á Nyùy Tàr woo Nyùy wov.

Daniel 10:5

m nàn sí, e lòo leéy, rúrú, e yèn wír wùmòʼ, a wù máʼ ndzə̀y ye á baan e làv wo fəvír, e sìŋ kikuúví é mentìntìn, a dzə̀ ke á fèrìn e *kisha ke mbàm ke baar kee wúntí kíwun ki.

Daniel 12:8

Mo m fə̀m‑eè yuun kinyo ke wù‑uù suuyì, bó m yòʼ‑oò lo gwàrìr ji wù sà‑aà yoŋ bèy, a nsàv dzə̀ kaá. M kfən wèʼèr wún, e dzə̀r shó jii, «Tàr wor, kinjòʼsìbàm ké vinyò vìn ki wíy a dzə ka?»

Remrí 32:36

Fo ké wìr və́ veé Isray ki, Nyùy Tàr kù wíy bìn nsaʼ yev, e sham mendzən me aŋgàa lìm və́. Wù wíy yen, a bó wìr yòʼ dzəə́ kér kitar, yén, aá kpú ne, a mày, kìn dzə̀ kwàn, kìn wan nsay, é bo wù yii kinyo kìn.

Daniel 4:31

Kù mo fòn dzəə́ súŋninè, Nyùy súŋnín fó yuv, a suúy sho jii, «Fòn Nebukadnessar, yuúrí kinyo ke m sìysìn kùm wò ki. M sə̀ ne sáʼ vifòn fo wò.

Daniel 7:21

Kù mo m dzə́, wáy sí, loŋ yee shooy nèn lò, e tsə̀ŋén rə́r wùn à wír Nyùyi, e fùnèn, e tòn áwune.