Daniel 12:6 - ŊWÀʼ NYÙY

⁶ Wùmòʼ nèn dzə̀r e nshìylav ye yì‑iì màʼàn ndzə̀y ye baán, a tiy e mbìv kùy ndzə̀v rə̀y jii, «Viŋgaʼnìn ve vinyò vìn vi wíy a koóy bèn, a ví wíy runér wún a dzə̀ é ghàn ka?»

Daniel 12:6 Referans Kwoze

Daniel 8:13

M nèn lò, e yù, a nshìylav Nyùy yìmòʼ súŋninè, dzə́r e yìmòʼ jii, «Vilìtì ve vinyò ve á yenen é njà kinjeenjèm vìn vi wíy yensín e ghàn ka? Kiguynìn ke kí bívir kirə́ʼ bívírín kin ki wíy dù, e meé e le, bóo ndzəə̀r cu ye á yii kishiíy kidzə̀m? Á wíy nyèŋrì wír Nyùy wùn à kirə́ʼ ké cù ki, e dù, e meé e le?»

Esiker 9:2

Wíri meékír ntuùfú fó shùu kibùʼ keé mbìv yee kuy, e lò fo lav cù, a wìr mòʼón mòʼón kù kér kifá kfə́ ké kileemé é kiwo. Wùmòʼ wáa dzə fo, a wù máʼ ndzə̀y, a sí dzə̀ ji lèvrì lèvrì, kér mbvə̀ʼə̀r vifa ve á sáŋ ŋwàʼ sho. Áwune nèn wìy, e tìím e ghaa kiy cù woo kisha kee *brons.

Daniel 8:16

M yú jí, a yì wiy fo kitu ke ndzəv yeé Ulay, jaŋ Gabriel, suuy sho jii, «Gabriel, tóʼtí nsàv kinjeenjèm kìy e wìr və̀n.»

Ŋgaà Yen 19:14

Wù wáa wìy bèy, ŋkfə̀n sé rər sé Nyùy si wáa nyoòrì fo bàm, aá kóʼ sá nyám se fəvír sí, e màʼ ndzə̀y se fəvír sí, a sí rán ji rèéŋ.

Ŋgaà Yen 15:6

Nshèelav se Nyùy se sí kì kér lòn woo saàmbà sìy si nèn fəə̀ fó lav Nyùy fèy, aá máʼ ndzə̀y se fəvír sí, a sí rán njaʼkìrì, e tìm vikuúví aáwuné vidìm, aá fér e *kisha ke mbàm ki.

Ŋgaà Yen 6:10

rəə́me jii, «Tàr woo Ŋgaà Vitaàví Vidzə̀m, à dzə̀ e ránén, aà kù yii tíy a dzə̀ e wò jì. Ghán sí bèr é le, é bo à sáʼ wír veé kitu ke nsay, e màʼ ŋgeʼ sho, bìʼ fo vé‑eè yúyri ver?»

1 Pita 1:12

Nyùy nèn yiì, áwune kiíy ji vinyo ve áwune rə́si tiísi vìn vi yòʼ waà wíy koóy aáwuné ghan. Ví wìy sìíy, a koóy a dzə̀ e věn kiwo. Nén a dzə víwun ve vèn sí yú lèn fo wír ve á fiʼtì sáʼka Nyùy wo juŋ e vèn, aá fiʼtì a dzə̀ mo Kiyoy ke Nyùy‑iì tumen fó yuv kí bánri áwune, réŋréŋ mo wù‑uù bánri vee fó mbìy. A vèn nə̀ə́ ne lèn e vinyò a dzə̀ ve nshèelav se Nyùy si diy feyì ji á kiíy á mo ví dzəə̀n.

Efesor 3:10

Nyùy nen yiì, kintatì ke wìr Kristu kìn ki fəə́sín lèn ji vifá ve ví dzəə̀n é yuv ví lóo yen, aá nèn səə̀m mo vifií vé Nyùy vi shaàn vitaáví, a ví dzə̀ dzə́ə sí dzə́ə sí. A kù yén nshèelav sə́ wùn à vifá ve ví kér vitaáví é yuv ví vidzə̀m.

Nsùyrì Nyùy 74:9

Vèr yòʼ dzəə́ yén visəəm vé vitaaví vé Nyùy. Aŋgàa ntum Nyùyi mày ne rú, a bó wìr fo vèsən yòʼ kfə̀n kì mo kí yíi dù, e jòʼsì.

Matio 24:3

Jesus dù, e dzə̀ʼə̀m e gwan wo á yoŋ ji Gwan Vicì vé Oliv, a sì wùn à wón və́ lìme, áwune áwune, á kóʼtí, e dzə̀r shó jii, «Kinyo ke à kì suuy kìy ki wíy koóy a dzə̀ é ghàn ka? Kisəəm ke kí wíy dìn ji à sí kfə́n, é ndzə may kí dzə̀ ka?»

Maak 13:4

«Ku sùúy ver ghán se kinyo ke à kì suuyin kiy ki wíy koóy, e kfə̀n sùúy kisəəm ke kí wíy dìn ghán see shooy.»

Daniel 12:5

Á bèy, mo woo Daniel leéy, e yèn rúrú, a wíri tíy abaà, a wùmòʼ tíy e ghaa ndzəv é ndzən və̀n, a wùmòʼ tíy e ndzən və̀sə.

Daniel 12:8

Mo m fə̀m‑eè yuun kinyo ke wù‑uù suuyì, bó m yòʼ‑oò lo gwàrìr ji wù sà‑aà yoŋ bèy, a nsàv dzə̀ kaá. M kfən wèʼèr wún, e dzə̀r shó jii, «Tàr wor, kinjòʼsìbàm ké vinyò vìn ki wíy a dzə ka?»