Daniel 12:4 - ŊWÀʼ NYÙY

⁴ Daniel, fo ké ki, sə́tí jí se sí dzəə̀n é ŋwàʼ fèn si, e fìnèr e kifin ki, e meé mo ghán sé bàm sin si wíy gheén. Aneéníne wíy a leʼnín, a koʼ, a səy, a mùm ji á wáa kiíy vinyo, a dù duùn fó mbìy.»

Daniel 12:4 Referans Kwoze

Daniel 12:9

Wù bìnèr e mò jii, «Daniel, kú a dù du yée. Jí see shooy si dzə̀, aá sə̀tí ne e kifin ki. A kù dzə̀ bey, e dù, e meé e ghan sé bàm sí.

Ŋgaà Yen 22:10

Wù nèn kfə̀n sùúy e mò ji lá m yòʼ lìtì a jí se Nyùy tiísi e ŋwàʼ fèn fo wíri. M wáa kiíy a ji ghán se vinyo vìn vi wíy koóy si sì á fo mentsə̀m.

Daniel 8:26

Kinyo ke à yenen é njà kinjeenjèm kùm cu ki kù wíy gheén wùn à kinyo kee kùm cu yee kijàvndzə wùn à yee ŋkuùr ke á kì naàrìn ne ki. Yii bèy, ké lèn ki, ku lèm kinjeenjèm kìn ki é kilìtì. Kí din a dzə̀ kinyo ke kí wíy a koóy fo mbìy, e bǎm viya nyanyày.»

Daniel 8:17

Á bèy, Gabriel kóʼtí fo mò‑oò tíyí. Kù mo wù koʼtin, m nèn a fàn, e gbù fo nsay, e tsə̀m sí. Yii bèy, wù suúy e mò jii, «À dzə̀ ké wir msòŋ, a m taʼ e yiì, áà kiíy ji kinjeenjèm ki din a dzə̀ kinyo ke kí wíy a koóy e ghan se ndzə wíy a mày.»

Ŋgaà Yen 10:4

M yú kinyo ke vishèv vìy vi wám bèy, suuyì, e lò ji m sáŋé, jì nèn yòŋ mo fó yuv, e sùúy jii, «Lá à yòʼ sàŋ. Ku lèm vinyo ve vishèv vìn vi suuyin ví e wò bvə̀m, e làa yòʼ yiì, é wìr kiíy.»

Daniel 12:13

«Kí nén a dzə jii, Daniel, kú a tiy kitávín, e dù, e jòʼsì. À yíi kpu. Yii bèy, à kù wíy fəə fo kpu, e sə vilaámé vé e ghan sé bàm sí.»

Aysaya 32:3

Kifá ki yòʼ kfə̀n wíy fìr sí wìr ve á yén virə́ʼ. Wír ve á yú vinyóo wíy mvə̀ʼtì vituʼùr, a yuurí vinyo kijuŋ.

Aysaya 8:16

Á ku bàʼtí ntum ye m fìʼtìn, e bàʼtí yéʼéy yémé, e wày é ŋwàʼ, e wày kifin sho, e lèm aàŋgàa ŋgoo vémé.

Matio 24:14

Aá kér fó wìy a fìʼtì sáʼka wo juŋ woo kùm sáʼ Nyùy və̀n kitú ke nsay kidzə̀m, é vitúm vidzə̀m vi wáa yu, é bo ndzə wìy mày.»

Aysaya 11:9

Gwan Nyùy Tàr wo ranén dzə̀, a fan yee ji á lémér wír, kìn ji á laar wune yòʼ kfə̀n wíy a dzə fo. Wìr dzə̀m kù sí wìy a tiy a dzə̀ e Nyùy Tǎr kinyò, e kiíy wun bèn e mbòŋén. Kiíy rə̀ne wíy sàmèr wún, kù moo rìbà ndzə̀v wo wù taʼamen, e dù.

Daniel 11:40

Ghán sí wíy gheén, se vinyo ve fòn woó Siiria vi sí seeyì, é fòn woó Ejiv ghíʼ wun e rə́r sí. Ghíʼí, é fòn woó Siiria fəə́, e kùúy wun e njà kiìkir. Wù wíy a fùnèn e *viténtén vé rər ví, a fùnèn e nyám se ŋkoʼ si, a fùnèn e vikóŋ veé ndzəv ví vinín. Wù wíy nəə́ vitúm vinín, e kù tosín, e shaà moo ndzə́v ye yí runen, e fəə̀ é meshavtí.

Daniel 11:33

Vilìmbìy vee afií ve ví dzəə̀n aáwuné mvəm ví wíy mvə̀ʼtì vifií vé wíri. Aá ku nèn a nyàvrì aáwune vee vilìmbìy vìn fo ghan símóʼ sí, a seerí ámóʼó, a tòn ámóʼó tónen, a koorí ámóʼó, e kfə̀n a kuúy vifá vév.

Ŋwàʼ woó Rom 10:18

M nén a ghay jii, sà dzə̀ ji wír veé Israyi yòʼ‑oò lo yù rú á? Vé‑eè lo yù féyì réŋréŋ mo vé‑eè saŋen jii: «Jí se vé ntume sí‑iì dùnìn kitú ke nsay kidzə̀m, sáʼka wov ghánén vitóŋtóŋ vé ndzə vidzə̀m.»

Daniel 10:1

Wáa dzə e kiya ke kí‑iì meen ji taár, ke Sayrus‑iì sáʼ ji fon woó Persia, ntum Nyùy wìy fo Daniel wo yír yímóʼó‑oò dzəə̀n ji Belteshasar. Ntum rə̀n‑eè dzə̀ ntum ye ru, aá fínér, a yì‑iì tàv é ŋàŋ fo wìr kiíy mvə́m. Daniel wáy vifií é ntum fèy, kinjeenjèm ki wìy e wun si, wù kiíy mvəm ntum rə̀y.

Aysaya 30:26

Á bèy, rán ye yí lo fo ŋwee wíy a ran réŋréŋ moo ye yí lo fo shùy, é shùy wáa ban, é virə́ʼ ví wáa ran kàŋ saàmbà, e shaà mo ví yii ráné, kù moo ji á tàtí rán shùy yee kishiíy saàmbà kishiíy kimòʼón. Kin ki wíy a koóy, a dzə̀ é ghan se Nyùy Tàr wíy a kur vileémé vé wìr və́, ve wù‑uù lemerin, a kuv.

Ŋgaà Yen 5:1

M kfən lòo leéy, e yèn, a ŋgaà wo wù kì dzə́ e kàvàʼ və̀y kér váv ŋwàʼ e kiwo ke yìy kí, aá sáŋ mbìv sidzə̀m, e kaàrí, e fìnèr e kiláy kí kirə́ʼ saàmbà.

Aysaya 29:11

Á bèy, vinyo vidzə̀m ve Nyùy lo, wù ghèm ndzə ji á tiísí ví kfə̀n ne e vèn moo jí se sí dzəə̀n é ŋwàʼ, a bó yòʼ dzə̀ á yù fóo mvə̀ʼ. Kí nén a dzə moo ŋwàʼ wo wìr liìn, e fò e wìr wo wù kiìn móo yòŋ, e sùúy sho jii, «Yòŋ ŋwàʼ və̀ne, e fò e mò.» Yii bèy, ŋgaàŋ bínér jii, «Bó yòʼ dzə̀ m yù móo yòŋ, bìʼ fo á fìnèrìn ne.»

Jeremia 5:1

Nyùy Tàr suuy jii: «Vèn ghánén é dzəə seé Jerusalem, e bùʼrì virə́ʼ ví, e lèéy o. Vèn tar mentàrnín mvə mè, e tàr ji á sà‑áà yén wír, fə̀m e mòʼón, wír wo wù yii réŋ, kfə̀n kér suuyrú á. Yéné, é m fiʼ làysìn ajay wìr veé Jerusalem.

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Daniel 10:21

Yii bèy, bo m wáa lò, m yíi sàr e wò, áà kiíy kinyo kidzə̀m ke á saŋen é ŋwàʼ wo dzəə̀n wó kinyò ke ru kí. A ké mbìy ki, à kér fóo kiíy ji bó wìr yòʼ dzə̀ shó wo wù tóm mo e vèr à nshèelav sìn sí kinyò. Kù jòʼsì nshìylav Nyùy yee Mayker ye yì shiy wír vén.»

Daniel 12:5

Á bèy, mo woo Daniel leéy, e yèn rúrú, a wíri tíy abaà, a wùmòʼ tíy e ghaa ndzəv é ndzən və̀n, a wùmòʼ tíy e ndzən və̀sə.

Daniel 8:19

Wù nèn sùúy e mò jii, «Leéy, e yèn, m taʼ e yiì, áà kiíy kinyo ke kí wíy a koóy, e ghan se Nyùy wíy fəə́r dòʼshwíiy və, a màʼ ŋgeʼ e kitu ke nsay, a kí sí wìy a mày. A wun woo Nyùy kù lèm ne ghán se ndzə wíy mày.