Daniel 12:3 - ŊWÀʼ NYÙY

³ Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

Daniel 12:3 Referans Kwoze

Matio 13:43

é wír Nyùyi nèn a dzə kév e Tàr wóv wòŋ woó yuv, a ban moo shúy. Vituʼùr ví dzə̀ vibaà, kímóʼ kí tén fó yu, kímóʼ kí yù.

Ŋgàn 4:18

Liì wìr wo wù yúnin Nyùy dzə̀ moo ndzə ye yì ráné, yì kù a ran, a dù duùn fó mbìy, a kàʼày wíri.

Daniel 11:33

Vilìmbìy vee afií ve ví dzəə̀n aáwuné mvəm ví wíy mvə̀ʼtì vifií vé wíri. Aá ku nèn a nyàvrì aáwune vee vilìmbìy vìn fo ghan símóʼ sí, a seerí ámóʼó, a tòn ámóʼó tónen, a koorí ámóʼó, e kfə̀n a kuúy vifá vév.

Daniel 11:35

Á wíy a dzə̀ wuú vilìmbìy vee afií vin, a kí wíy shèŋrì wír Nyùy, e ranér, e yiì, aá wáa dzə là shilóm, e meé mo ghán se Nyùy lèmèn sí wíy gheén.

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.

Hibru 5:12

A kì dzə̀ réŋ, bo kì yéʼey ven wíri lèn. Vèn kfən lò, a tàʼ ji wáa yeʼéy wír ven. Vèn kù dzəə́ méŋ vinyo ve Nyùy, a dzə̀ vee shooy ve dzə̀ wìr kù yèʼéy fo mbìy. Vèn kù dzə̀ə́ moo wón ve bóri ve á nyóŋ a dzə̀ vín, a bó á yòʼ sí yí kifá.

Joon 5:35

Joon‑eè fiʼtì bèy, a wù dzə̀ moo kikaʼày ke kí shwí, bán, a virə́ʼ ví ráné, a vèn‑eè ló a ghan e mvə̀m ran foo fèy shishàr, a sheʼrí.

Joon 4:36

Wìr wo wù yíi a kav kér vilaʼày, a wù sí káv vifá, báʼti, wáy a dzə̀ é dzə̀ʼə̀m yee là may, a ŋgaà lìm wùn ŋgaà kav yíi tatí, a sheʼrí adzə̀m.

1 Korin 3:10

Nyùy nèn shòʼ mo, e fò mo vifií, m wáy kinsə̀ŋ ke lav rə̀n moo ŋgaà kimbom wo wù kiìn lim rə́ kijuŋ. Mo m wayin, wùmòʼ woo wír nén a bom lav yee shooy. Kí nén a dzə cáʼ jii, wìr lóo bom, wù kù yòʼ kìíy a mo wù bóm e kinsə̀ŋ foo fèn.

Jeremia 23:22

A dzə̀ ji áwune‑eè ló a dzə fo mò‑oò bá antaŋ vém, bo vé‑eè fiʼtì a dzə̀ kinyo kém e wír vémé, e nèn yiì, aáwune maʼti liì wov wo bi, à liì kisaŋ wo áwune‑eè kérí.

Ŋgaà Yen 1:20

Ku yuùrí nsàv se vimfìʼìr vìn si. Mejiy mee saàmbà me à kì yenen e mǒ kiwo ke yìy kí mè tíy fo aŋgàa ntum ve á tiísi kinyo kém é vintatì vee saàmbà. Vitiir ve làm vee saàmbà vi wáa tiy fo vintatì vee saàmbà vee shooy vi.»

2 Pita 3:15

Vèn wáa kuumé ji Taàtá wòsən Kristu kfə̀mén, a ndzə̀ytì bèn ji wíri fiʼ bìnèr a melív mev, e wìy lùŋ. A kù dzə̀ mo fər wòsən Por wo vèsən koŋ adzə̀m‑eè saŋen fo vèn, wun wo Nyùy foon wun vifií, wù sáŋ aŋwàʼ anín.

Efesor 4:11

Mo wù kfənen, e nèn jàv ambùʼmé e wíri é kitu kitu. Wù bùʼ ámóʼó, á wáa dzə aŋgàa ntum və́, ámóʼó wáa yu kinyo fo Nyùy, a tiisí e wíri, ámóʼó wáa fìʼtì kinyo kfə́ e wír ve bó á yòʼ kiìn Nyùyi, ámóʼó wáa leéy fo kintatì ke wìr Nyùy ki, ámóʼó wáa yeʼéy kintatì.

Matio 24:45

Jesus nèn lò, e dzə̀r jii, «Wánlè wìr woo jwáʼ, wo wù kér vifií, wo dzə̀ tàr wov lèm láʼ sho ji ghán sí gheenè, wù jàv vifá ve yi e vé lìme dzə̀ woó le?

Matio 19:28

Jesus bìnèr jii, «M suuy kinyo ke ru kí e vèn jii, ndzə ye fíy wíy wìy, a ŋgaà wo yírí dzəə̀n *Wanwìr və̀n kóʼ ne e wùn kàvàʼ wo Nyùy foon, é wù nèn fò sá kàvàʼ nshòv sibaà e ghvə̀m, é ven ve vèn áwune ghán e nsay fène wáa dzə sa sho, a saʼ rám yeé Isray yee nshòv sibaà e ghvə̀m.

Lim Aŋgàa Ntum 13:1

Wír ámóʼó wáa dzə e kintatì keé Antiyok a dzə̀ ve vé‑eè lo, á wàa yu kinyo fo Nyùy, a tiisí e kintatì, ámóʼó aŋgàa yeʼéy. Aáwune dzə̀ jii, Banabar wùn Simon wo vé‑eè yoŋ ji wo sənér, à Lushor woó Serina, à Manen wo vé‑eè lìyìn wùn ŋgaà saʼ woo Heror, e lì Saul.

Ŋgàn 3:35

Á kù wíy a ghvəm wír wo wù kér vifií ve ví loòn fo Nyùy, a bó kiyúŋ kí yòʼ wíy a ker kifá, e shaà nshoórmé.

Aysaya 53:11

Wù wíy yen ŋgeʼ, yì mayì, lóo yen vijuŋ ve yì wìyìn shó, kiiy nsàv, é shilív sə́ shí neem é nsay. Nyùy Tàr suuy jii, «Rúrú, ŋgaà wom lìm wíy yiì, aá mayir ajay wìr anín, bìʼ fo wun wo wù yòʼ kér jay wíy bèʼèy ajay wìr anín.

Daniel 12:10

Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Ŋwàʼ Fəə 34:35

áwune kù nèn yèn a vishí və́ ví njaʼkìrì, bo Mooser kfən sə̀tí e kintìm ki, e dù, e meé mo wù yíi kfən e bàm ji wun súŋnín á wùn Nyùy Tàr.

Atǎr Nsaʼ 5:31

«Éè Nyùy Tàr, ku laàr aŋgaà vé vibàné adzə̀m láarin moo Sisera, é wír ve á koŋ wòo wáa dzə moo shúy ye yì tó kijàvndzə, yì kù nèn a ban a dù duùn fó mbìy.» Á bèy, nyaáŋ ku nèn a dzə e nsay Isray kiyá mkweè.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.