Daniel 12:2 - ŊWÀʼ NYÙY

² Màŋgòŋ wo wù buúne lèn e sày wíy fəə fo kpu, aámóʼó nəə́ é dzə̀ʼə̀m yee là may, aámóʼó nəə́ é nshoórmé wùn ǎ nshéʼmé woo là may.

Daniel 12:2 Referans Kwoze

Aysaya 26:19

Éè Nyùy Tàr, ku yiì, é wír vé ve á kpukin nee fəə́ fó kpu. Ku yiì, é dzə́n sé wìr vér ve á kpukin ne si ŋáʼáy é yuv. Ven ve á sí néŋ e nsay, vèn ŋáʼáy é yuv, a yòv, a sàvnìn, bìʼ fo Nyùy Tàr dzəə̀n kfə́ ji ŋweʼ ye yí gbu, njaʼkìrì, gbu bèy, a nsay yú, a vifá vi tókirì.

Matio 25:46

Jesus nèn màysì jii, «Vee shooy vee wíri dzə̀ ve á wíy dù e kirə̀ʼ ké ŋgeʼ yee là may, é wír Nyùyi nəə́ kév a dzə̀ é dzə̀ʼə̀m yee là may.»

Esiker 37:12

Kí nén a dzə jii, tiísí kinyo ke Nyùy Tàr woo Taà Ndzə suuy ki. M suuy aáwune á jii, ‹Wìr vem, vèn yuúrí. M wíy mvə̀ʼtì say sén, e fəə́r ven fó fo. Fəərì, é m li ven, e kfə̀n shó e věn wòŋ woo Isray.

Ŋgaà Yen 20:12

M yén wír ve vé‑eè kpukin ne, aá tíy e shùu kàvàʼ, à ve kuʼkìné, à ve terií. Á nèn a mvə̀ʼtì aŋwàʼ, e dù, e mvə̀ʼ wúmóʼó, a dzə̀ wo vé‑eè saŋen yír sé wìr ve á wíy lùŋ sho. Á nèn a saʼ aŋkfə vìn, a leéy vinyo ve áwune‑eè yii a dzə̀ fó aŋwàʼ ve vé‑eè sáŋ sho, e bó a tinén.

Lim Aŋgàa Ntum 24:15

A m leey fó mbìy réŋréŋ mo áwune leey sa ji Nyùy wíy fəə́r wir dzə̀m fo kpu, kìn dzə̀ wo juŋ, kìn dzə̀ wo bi.

1 Tesalonika 4:14

Vèsən biìmé ji Jesus‑eè kpù, e kfə̀n fəə̀ á fo kpu. Mo vèsən kiìn kee shooy, vèsən nén a kiíy sa jii, Jesus wíy lòo kfən, é Nyùy fəə́r á wir dzə̀m wo wù wayin shilív e Jesus wùn fó kpu réŋréŋ mo wù‑uù fəərin sá wun woo Jesus.

Aysaya 66:24

Wír ve á wìyìn, e sùyrì moó wíy lòo fəə ŋkàlaʼ, aá yén dzə́n sé wìr ve vé‑eè rə́si tsə́y kóy vèr áwune, a sí néŋnin, shwí, a və́y wo wú ton áwuneé yòʼ wíy ndzəmén, a bó dzə́r se sí kfə́r áwune sí yòʼ wíy kpukír. Wìr dzə̀m wo wù wíy yen, wíy a nyaŋsí.»

Jeremia 20:11

Yii bèy, Nyùy Tàr dzə̀ vèr wun moo kintav ke wìr rə̀r, a wír ve á dzə wuú yémé yíi gbùkìr, e làa yòʼ màʼ mo. Dzə̀rkìtu wíy koo áwune, aá wáa woomé, bìʼ fo á mùmèn ntéŋ fó màʼ mo. A bó á yòʼ wíy làysìn nshoórsí wov é ghan símóʼ sí.

Hosea 13:14

«A dzə̀ rú, m yiì tìn áwune fo aŋkfəə́ wòŋ à? A dzə̀ m bòyìr áwune fo kpuú wo à? Éè kpu, nyár ye à yii wiy shoo bèé? Éè wòŋ aŋkfə, laar ye à yii wiy shoo bèé? M yòʼ dzəə́ wìy sham mendzən mev.

Ŋwàʼ woó Rom 9:21

Kù kì wír wo wù bóm kíŋ kifá ke dzə̀ wù bòm e ntuʼ mbóm. A wù kòŋ, wù lì ntuʼ e mòʼón, e bòm kíŋ shó e baà jeéy jeéy, yímóʼó yé kinyò, ye á wáa geʼ sho, yímóʼó fó tèr ye dzə̀ á wàa nyàvrì sho.

Lim Aŋgàa Ntum 7:60

Wù nèn lò, e tsə̀m fó nsay, e tòŋ kitávín jii, «Tàr, lá à yòʼ a leéy kinyo ke bi ke wír vìne yii kìn.» Wù rəə́mé bey, e nèn kònsí, e kpù,

Ŋgàn 12:8

Wìr lóo yiì vinyo ve ví kér vifií, wíri wàa burí wun. Wìr lóo yiì kinyo kee là vifií, wíri wàa kay wun.