Daniel 12:12 - ŊWÀʼ NYÙY

¹² Bòŋ ké wìr wo wù wíy a dzə, a shìy Nyùy, e dù, e meé e kishiíy ke dzəə̀n kee nshòv sitàn e mtaár e ghiì taár e nsə̀kì (1,335).

Daniel 12:12 Referans Kwoze

Daniel 8:14

Nshìylav rə̀y bínér jii, «Kí wíy shaà fo mbìy bèy kishiíy kishóv ghii taár aànsə̀kìi abaà (2,300), ǎ shùy, à vitsə́ʼ, aá nèn siìr kirə́ʼ ké cù fo.»

Aysaya 30:18

Ké Nyùy Tàr, wù diy kfə́ féyì ji wun kú a yiì vinyo ve juŋ vi e vèn, diy feyì ji wun kú a sham ven. Nyùy Tàr kù dzə̀ Nyùy wo wù lo, wù tìír vinyo və́ vidzə̀m, ví wàa ghan tìítiy. Bòŋ ké wìr dzə̀m wo wù yoy, tiir a dzə̀ é wùn wó.

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.

Ŋwàʼ woó Rom 11:15

A dzə̀ m kù a yiì bèy, bìʼ fo, mo wír veé Israyi jayin, Nyùy máʼtí áwune, e bàʼtí wír veé ndzə lèn ji ŋkar sə́, bo Nyùy kfə̀n wíy lì áwune é bàm, é vijuŋ vi wáa dzə e le? Bo ví wíy a dzə moo wír ve á fəən fó kpu, e kfə̀n a dzə atin.

Ŋgaà Yen 11:2

Lá m yòʼ fìʼ a maàndzə yee fó ndzə. M maʼti á fó bèy. Á fò ne fó a ji wír ve bó á yòʼ kiìn Nyùyi wáa yiì sho mo á koŋè. Áwune wíy tòn ŋkàlaʼ ye lav cù tíy sho rə̀n, e nyàvrì sho a ŋwee nshòv sibaà e mkweè.

Ŋgaà Yen 12:6

Wun woo wiíy nèn tùmnín kfə́, e nyèŋ, e dù, a dzə e kwaʼ fo Nyùy‑iì naŋsin kirə́ʼ ji wù wáa beètì sho kishiíy kishóv mntuùfú é ghiì baà é nsə̀kì (1,260), é wun wáa leéy fo wun.

Ŋgaà Yen 13:5

Nyàm rə̀n ku nèn a taa e kàvàʼ mo Nyùy‑iì màʼtìn ji wù sáʼ ŋwee nshòv sibaà e mkweè, e kfə̀n màʼtì ji wù wáa sevtí kinsevtì, a kuù wun woo Nyùy mo wù koŋè.

Esiker 4:6

À maysì vee shooy, áà kfən neèm lèn a dzə̀ é koy yìyí, e bèʼèy ŋgeʼlàʼ wìr veé mbìv Juda. M fó kishiíy e wò mkweè, a kishiíy kí dzə̀ ji kiyá, e dù, e meé mo ŋgeʼ yev wíy mày.