Daniel 12:11 - ŊWÀʼ NYÙY

¹¹ «Á bèy, e kèʼ fo ghan se á wíy màyìr cu yee yiì kishiíy kidzə̀m, aá tiír ne kifá ke kí kóʼoy, bívir virə́ʼ, é vishiíy vímóʼ ví kfə́n a dzə kishóv e mbvə̀ʼə̀ e ghiì baà é nsə̀kì (1,290).

Daniel 12:11 Referans Kwoze

Daniel 11:31

Wù wíy fəə́r vé rər və́, aá nəə́ é kirə̀ʼ ke tavín kí ke dzəə̀n lav cù, e bivír fó. Wù wíy màyìr cu ye vé‑eè yii fo kishiíy kidzə̀m, é wù nèn tìír kifá e mbìv lav cù yìmòʼ, a dzə̀ ke kí kóʼoy, bívir virə́ʼ.

Matio 24:15

Jesus kfə́n a naàrì jii, «Wíy lòo dzə e ghan see shooy, aá tiír kifá ke *ŋgaà ntum Nyùy woo Daniel‑iì yòŋèn é kirə̀ʼ ké Nyùy, a kifá kee shooy ki kóʼoy, bívir fó.» Wìr wo wù yoŋ kinyo kìn fo ŋwàʼ fèn səəm.

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Daniel 9:27

Taà saʼ və̀y wíy gwàr *mensaŋ wùn à vitúm vi vinín, e gwàr, é mè táv é bǎm kiya saàmbà ji wun fiʼ tàvír ntaʼ və. Yii bèy, viyá vìn vi lóo meé e ntìntìn, é wù sháʼnín fo á kfən cù Nyùy, kìn dzə̀ e nyàm, kìn e fómo wùmòʼ. Wù wíy lèm kifá ke kí kóʼoy, bívir virə́ʼ é mbìv lav cù yìmòʼ, é kí kú a dzə fo, e dù, e meé e ghan se Nyùy wíy laàr wun woo taà saʼ.»

Ŋgaà Yen 13:5

Nyàm rə̀n ku nèn a taa e kàvàʼ mo Nyùy‑iì màʼtìn ji wù sáʼ ŋwee nshòv sibaà e mkweè, e kfə̀n màʼtì ji wù wáa sevtí kinsevtì, a kuù wun woo Nyùy mo wù koŋè.

Ŋgaà Yen 11:2

Lá m yòʼ fìʼ a maàndzə yee fó ndzə. M maʼti á fó bèy. Á fò ne fó a ji wír ve bó á yòʼ kiìn Nyùyi wáa yiì sho mo á koŋè. Áwune wíy tòn ŋkàlaʼ ye lav cù tíy sho rə̀n, e nyàvrì sho a ŋwee nshòv sibaà e mkweè.

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 8:26

Kinyo ke à yenen é njà kinjeenjèm kùm cu ki kù wíy gheén wùn à kinyo kee kùm cu yee kijàvndzə wùn à yee ŋkuùr ke á kì naàrìn ne ki. Yii bèy, ké lèn ki, ku lèm kinjeenjèm kìn ki é kilìtì. Kí din a dzə̀ kinyo ke kí wíy a koóy fo mbìy, e bǎm viya nyanyày.»

Daniel 1:12

Wù wáa yòŋ, a lon jii, «Kii wò, ku mùm ver vee vé lìm vée, e bǎm vishiíy e ghvə̀m, aá kú a fo ver a dzə̀ nyóo see vikwiíy, a fo mendzə́v.

Ŋgaà Yen 12:6

Wun woo wiíy nèn tùmnín kfə́, e nyèŋ, e dù, a dzə e kwaʼ fo Nyùy‑iì naŋsin kirə́ʼ ji wù wáa beètì sho kishiíy kishóv mntuùfú é ghiì baà é nsə̀kì (1,260), é wun wáa leéy fo wun.

Esiker 4:6

À maysì vee shooy, áà kfən neèm lèn a dzə̀ é koy yìyí, e bèʼèy ŋgeʼlàʼ wìr veé mbìv Juda. M fó kishiíy e wò mkweè, a kishiíy kí dzə̀ ji kiyá, e dù, e meé mo ŋgeʼ yev wíy mày.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Ŋwàʼ Fəə 29:38

«Vifá ve à wíy a yiì cu sho e *kiy cù kishiíy kidzə̀m vi dzə̀ wón viyaʼ abaà vee kiyá kiyá.