Daniel 12:10 - ŊWÀʼ NYÙY

¹⁰ Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Daniel 12:10 Referans Kwoze

Ŋgaà Yen 22:11

Kí nén a dzə a jii, a wìr‑iì yii kfə́ a dzə̀ vinyo ve bi ví, bo dzə̀ á mo ŋgaàŋ kù wíy a yiì, é ŋgaà joònè kú a yiì joonè və́. A wìr‑iì yii kfə́ vinyo ve ru ví, bo dzə̀ á mo ŋgaàŋ kù wíy a yiì, é wír ve dzəə̀n vé Nyùyi kú a ker liì wo dzəə̀n wo Nyùy.

Daniel 11:35

Á wíy a dzə̀ wuú vilìmbìy vee afií vin, a kí wíy shèŋrì wír Nyùy, e ranér, e yiì, aá wáa dzə là shilóm, e meé mo ghán se Nyùy lèmèn sí wíy gheén.

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Joon 8:47

Wìr wo tàr wov dzəə̀n rú Nyùy yii yuúri kinyo ke Nyùy suuyì. Vèn yòʼ dzə̀ wón Nyùy gheéy. Á kinyo ke kí yiìn, bo vèn wáa ten fó a yuurí.»

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Ŋwàʼ Luk 24:25

Jesus nèn sùúy aáwune jii, «Vèn yùŋsí feyì, melív men mè rəə́y é ŋàŋ, la vèn yòʼ a biimé vinyo ve aŋgàa ntum Nyùyi‑iì saŋen.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

Ŋgàn 1:5

A dzə̀ fiì yuùrí sá ntir sìn, sí wàa yeʼéy wun, wìr wo wù kiiy jeéyjeéy fó vinyò wàa ker ntir ye juŋ fo fo,

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Daniel 11:33

Vilìmbìy vee afií ve ví dzəə̀n aáwuné mvəm ví wíy mvə̀ʼtì vifií vé wíri. Aá ku nèn a nyàvrì aáwune vee vilìmbìy vìn fo ghan símóʼ sí, a seerí ámóʼó, a tòn ámóʼó tónen, a koorí ámóʼó, e kfə̀n a kuúy vifá vév.

Esiker 47:11

Yii bèy, vishàʼshaʼ ve Ndzə́v Shiŋgwaŋ vi kù wíy gòʼ bèy ji virə́ʼ vé shiŋgwaŋ.

Ŋgaà Yen 19:14

Wù wáa wìy bèy, ŋkfə̀n sé rər sé Nyùy si wáa nyoòrì fo bàm, aá kóʼ sá nyám se fəvír sí, e màʼ ndzə̀y se fəvír sí, a sí rán ji rèéŋ.

Ŋgaà Yen 19:8

Nyùy màʼ ndzə̀y é wùn wó, a sí rán, fə́r ji páv. A ndzə̀y sin si dzə̀ vinyo ve ru ví ve wír ve dzəə̀n vé Nyùyi rə́si yii.»

Ŋgaà Yen 16:11

e kù a kuù a dzə̀ Nyùy wo wù dzəə̀n é yuv, wo wù foon nyár aáwune wùn à viváv ví, e làa yòʼ fə̀m màʼtì vinyo vév ve bi ví gheéy.

1 Pita 1:22

Mo vèn kù sí tíy a dzə̀ e Nyùy kinyò ke ru kí, vèn nén a ker melív me juŋ mè lèn, me dzə̀ vèn wàa kòŋ afə́r vén ve vèn áwune tíy e kinyò fèn kijuŋ. Vèn ku nèn a kòŋnìn bèy shilív shidzə̀m,

Hibru 12:10

Atàr vesəné kù‑uù sər vèsən fo shintàm she vèsən‑eè dzəə̀n atérí, a vé‑eè sər a dzə̀ mo áwune kwaʼà. Nyùy nén a sə̀r kfə́ vèsən, a wù kì féyì mo dzə̀ wù sə̀r, é vèsən fíʼ a dzə moo wun, a dzə wír və́ ve ruú.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

2 Korin 7:1

Ŋkar sem, mo Nyùy kàʼàn vèsən é kinyò fèn, vèsən ku nèn a nyeŋ vinyo ve ví kóʼoy fo Nyùy vidzə̀m, kìn dzə̀ ke wìr kwaʼtì fo wùn shiliv, kìn dzə̀ ke wù yii yiìn. Vèsən ku fò vitú vesən a dzə̀ e Nyùy ŋkuuŋkùŋ, a ghvəm wun, a yu a dzə̀ fó fo.

1 Korin 6:11

Yì‑iì dzə̀ fó mbìy, a ven ámóʼó yii vinyo vee shoon. Nyùy nèn wìy sù vinyo vee shoon fo věn wùn, e lì ven ji və́ vee wír. A wù lèéy ne ji vèn sì á wír vee là njò, bìʼ kinyo ke Tàr wòsən Jesus Kristu wùn Kiyoy ke wun woo Nyùy ki‑iì yiìn fo vèn.

Joon 18:37

Payler nèn sùúy sho jii, «Kí bo dzə̀ rú ji à dzə̀ fon wùmòʼ?» Jesus bìnèr jii, «M dzə̀ fon rú mo à suuyì. Dzə̀ kinyo ke vé‑eè dzəən mo shó, a mò‑oò wìy é ndzə fèn ji m fiʼ dìn kinyo ke dzəə̀n ke ru kí e wíri. Wìr dzə̀m wo wù koŋ kinyo ke ru kí, nén a yuurí kinyo kém.»

Maak 4:11

Jesus bìnèr jii, «Nyùy yiì ne, ven víne kiíy sáʼ rə́ ye yí dzəə̀n é kilìr. A wír ve bó á yòʼ dzəə̀n é mvə̀m saʼ foo fène kù yú kév cáʼ ji ŋgàn.

Daniel 12:3

Wír ve á kiiy jeéyjeéy fó vinyòo wíy a dzə kév, a ran, a njàʼkìr moo rán ye yí fəə́ fo kikùm keé yuv. Áwune vin ve á danèr wíri, aá yii mo Nyùy taʼàa wíy a ban moo mejiy, a ban bèy, e dù, e jòʼsì.

Esiker 36:25

M wíy tsəm shindzə́v she ranén shí e věn wùn, é vèn rán fó kifàn ke vèn‑eè liìn bìʼ vinyo vidzə̀m ve vèn‑eè lorin vitú vén shó. Vèn wíy ran fo kifàn ke vèn‑eè ghvəmen mebvə̀m, e lì.

Aysaya 1:18

«Mo woo Nyùy Tàr nén a suúy e vèn jii, vèn wiy, é vèsən tar, e yèn mo dzə̀ kí wàa dzə. Fə̀m mo ajay véné gháʼ fóo sù moo vishim veé ndzə̀y, bo dzə̀ á sù, é vèn rán, a fər ji páv moo mentíy me mè gbu fo yuv. Fə̀m mo ajay véné baŋ, səə́ne moo nshòm ye á wáy e ndzə̀y, bo dzə̀ á sù, vèn ràn, a fər moo wuy ye á komen fo njiì wùn.

Nsùyrì Nyùy 107:43

Wìr wo wù kér vifií kú a rə̀tì vinyo vìn. Wìr msòŋ kú a kwàʼtì koŋ ye Nyùy Tàr kér fo wír vəə́.

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

1 Samuel 24:13

Vé‑eè maʼ a ŋgàn yìmòʼ fó ŋgùʼ jii, ‹Yii kfə́r arim virim.› Yòʼ dzə̀ á kiwó kém kí kùm á wun.

Malakay 3:3

Wù wíy wìy, e shèŋrì rám Levi mo taà kilàm shèŋrì kisha ke fəvír kí e və́yí. Rúrú, wù wíy a shèŋrì áwune mo á shèŋrì *kisha ke mbàm ke baar wùn à ke fəvír kí, e dù meé mo áwune wíy yiì cu yee réŋé e mò woo Nyùy Tàr.